انا طالب مساعدة (بعيدا عن الشيفرولية)

**mhmdalsaadany** · 23-09-2010 02:18 AM

اخواني الاعزاء
السلام عليكم ورحمة الله وبركاتة

انا محتار شويه ومحتاج مساعدة اخواني طبعا انتوا عارفين ان ان معايا كروز وربنا يبارك فيها و لو كنتوا فاكرين انا كنت عملت موضوع عشان استهلاك البنزين وانا زي ما انتوا عارفين بشتغل بره مصر (سيوه) اسبوعين من كل شهر وبركب العربيه اسبوعين بس وكلها او 90% من المشاوير بكون لوحدي وكلها داخل الهرم فقط وفعلا ابعد مشوار ليا هو الجيزه وممكن مره واحده في الاسبوعين فانا عايز اجيب حاجة من اتنين ومحتار وخايف في نفس الوقت
1- فيسبا صيني شكلها يكون حلو كدا وروشه
2- عربيه صغيره تكون 127 ولا بيتلز يعني حاجه كدا في حدود 9الاف مش اكتر
بس انا زي ما قلت محتار وخايف الفيسبا انا عمري ماسقتها وانا طولي 192سم وعريض يعني هضبه ومش عارف حاسس اني هكون مسخره
والعربيه الصغيره خايف تتطلع عيني وكل يوم عند الميكانيكي رغم صغر المشاوير بس برضه خايف منها ومش عارف اعمل ايه
اصل بصراحه الكروز بتعملي اكلان في دماغي بسبب الركنه في الشوارع وبخاف تتحك او كدا وكمان مش عايز ابهدلها في مشاوير ملهاش لزمه زي زيارة واحد صاحبي او مرواح القهوه وكدا يعني عايز اخليها لمشاوير البيت بس يعني مع الوالد والوالده والمدام مش اكتر ومعنى كدا اني تقريبا مش هركبها غير مرتين تلاته في الشهر والسفر فقط
محتاج رائيكم ضروري
واسف للاطاله وشكرا

**moody1** · 23-09-2010 04:21 AM

طيب حضرتك ماتزود المبلغ شوية و تجيب ماروتى

زيرو ب 35 الف تقريبا

انما لو يوزد ممكن موديل 2005 مثلا

مش عارف هتكون بكام بالظبط

بس ميزتها انها موديل حديث يعنى مش هتتعبك زى لو جبت 128 موديل 80

يعنى عدى عليها 30 سنة

و ميزة الماروتى انك ممكن تركنها فشنظة الكروز عادى

ههههههههههه

**mhmdalsaadany** · 23-09-2010 05:33 AM

شكرا لردك بس انا مش عايز حاجه غاليه اوي انا عايز حاجه في حدود 10 الاف لا اكثر فقط
وعلي رائيك احطها في الشنطه وانزلها وقت ما انا عايز هههههههههههههه

**kamalsalem** · 23-09-2010 05:45 AM

انت بالمبلغ ده ممكن تأجر اتنين بلطجية يمشوا جمبك وانت راكب الكروز واللي ييجي جمبك يغزوه

**mhmdalsaadany** · 23-09-2010 06:04 AM

المشاركة الأصلية كتبت بواسطة kamalsalem

انت بالمبلغ ده ممكن تأجر اتنين بلطجية يمشوا جمبك وانت راكب الكروز واللي ييجي جمبك يغزوه

ههههههههههههههه جامده جدااااااااااااااااااااااا ااااااااااا
والله فكره حلوه اهو برضه اتنين بودي جارد كدا وكمان يشيلوا الحاجه بتاعة السوبر ماركت بدل البواب اللي بيطلعها ب5 جنيه

**aymanmaly** · 23-09-2010 07:41 AM

اول حاجة ربنا يبارك ليك فى الكروز و يخلهالك
طبعا وجهة نظرك تحترم لما وصل لية الشارع المصرى
لو عايز اقول لك حاجة تثبت وجهة نظرك انا عربيتى واخدة خبطتين فى جنبين العربية شبة بعض و دول اتخبطو و انا راكن
بس انا مع مبداء الاستمتاع بالحاجة طالما هى معاية و استطيع الاستمتاع بيها
بس انا لية وجة نظر فى انك تجيب حاجة رخيصة
المستعمل عربية قسط غير محددة القسط
يعنى العربية المستعملة حظ واعرف بان قليلا جدا ما تلاقى حد فى الزمن دة بيغير عربية الا لو كانت العربية جابت اخرها ( طبعا فية ناس بتغير علشان تجيب اكبر او احسن )
يعنى حضرتك متوقع تقضى الفترة فى الهرم عند الميكانيكى غير المصاريف الى هاتطلع ليك من عربية مستهلكة
فأقترح عليك المشاوير الى انت بتخاف فيها على العربية تكون بتاكسي اظن ان دة ارخص من عربية مستهلكة
اما لو صممت على شراء حاجة
لعدم خبرتك بقادة فسبا فدة خطر عليك لان الى اتعود على السيارة بدون حب لركوب حاجة ب 2 عجلة بيبقى الموضوع مش ظريف ( و يمكن انا معقد من الموتسيكلات و الفسبة و عايز علاج نفسى )رغم انى عارف سهولة التحرك بيها
اما عن 127 انا استعملت العربية دى سنين العربية هايلة و اقتصادية جدا و قطع غيرها متوافرة و رخيصة و لما بتروح لميكانيكى بتصعب عليه و مايغاليش فى المصناعية بس مشكلة ل 127 الشاسية لو مش مضبوط بتبقى مشكلة و على طول تضرب كبالن و اغلب ال 127 عندهم المشكلة دى
ربنا يوفق للى فية الخير

**abou-yahia** · 23-09-2010 08:58 AM

فكره المستعمل الصغير هايله
وبرضه قله الاستخدام مش حتخلي عرضه للبهدله منها كتير
بس انت ممكن ترقي تفكيرك شويه
بمعني العربيه اللي انت عايزها ليك ديه بكره تبقه ليها اكتر من عوزه مع المدام ومشاوير الاولاد في المستقبل
يبقه انت تفكر في عربيه تقبل الترقيه والاضافه عليها كل ما تسمح الظروف
طبعا بالمبلغ ده مخي مش عارف يجيب غير 128
وربنا يوفقك للخير
وشكرا

**mhmdalsaadany** · 23-09-2010 07:43 PM

الف الف شكر يا جماعه لردود الهايله دي والاراء التي تحترم بس بصراحه انا مفروم من اقساط العربيه والحاله متسبحش بعربيه تانيه كبيره يعني بيجو او ريجاتا وكدا
وانا شبه استقريت علي فيسبا صيني كدا حلوه وتستحمل وتعيش مع المحافظه والصيانه ان شاء الله وبصراحه كلام zeznia باشا شجعني جدا وياريت لو عندك نصيحه بموديل معين اكون شاكر جدا ليك
والف شكر لكل الاخوه وربنا يوفق لما فيه الخير

**zeznia** · 24-09-2010 12:22 PM

المشاركة الأصلية كتبت بواسطة mhmdalsaadany

الف الف شكر يا جماعه لردود الهايله دي والاراء التي تحترم بس بصراحه انا مفروم من اقساط العربيه والحاله متسبحش بعربيه تانيه كبيره يعني بيجو او ريجاتا وكدا
وانا شبه استقريت علي فيسبا صيني كدا حلوه وتستحمل وتعيش مع المحافظه والصيانه ان شاء الله وبصراحه كلام zeznia باشا شجعني جدا وياريت لو عندك نصيحه بموديل معين اكون شاكر جدا ليك
والف شكر لكل الاخوه وربنا يوفق لما فيه الخير

ياباشا لاشكر علي واجب
الومتوسيكلات الصيني انواع كتير بس كلها قدره وحده وسعه وحده
اشهر اسم فيها هو (حلاوه) وماتضحكش عاشان هو اسمها كده .........
حلاوه بتعمل مودلات كتير الكبير منها هو (تيجر)و(ونج)و(اكسبرس) وان شاء الله هاحاول اصورهم وارفعلك الصور
انا مش من القاهره انا شرقاوي فامش هقدر افيدك عن اماكن البيع
طبعا في مودلات تانيه غير الحلاوه زي الهوجان ودي تاني افضل اسم في الموتوسيكلات الصيني وهي ارخص شويه من الحلاوه
بس التلات مودلات الحلاوه اللي قلتلك عليهم تمنهم لايتعدي 4500 جنيه

-

الموضوع: انا طالب مساعدة (بعيدا عن الشيفرولية)

LinkBack

أدوات الموضوع

عرض

انا طالب مساعدة (بعيدا عن الشيفرولية) - انشر الموضوع فى :

-

-

-

-

-

-

-

المواضيع المتشابهه

طالب مساعدة من أهل الخبرة في العربيات القديمة

طالب مساعدة الاعضاء فى اسرع وقت

زائر من قسم الفيات ، طالب مساعدة في بيجو 504

يا جماعة طالب مساعدة

طالب مساعدة خبراء المنتدي

الكلمات الدلالية لهذا الموضوع

المفضلات

المفضلات

ضوابط المشاركة