ناس محترمه فعلااا

**bmya** · 23-09-2010 03:39 AM

السلام عليكم

شوفوا الخبر ده انا نقله من موقع مصراوي

رفضت السلطات اليابانية دخول الممثلة الشهيرة وعارضة الأزياء باريس هيلتون و ذلك بعد التحقيق معها لمدة يومين و إقرارها بأنها مذنبة في تهمة حيازة المخدرات بمدينة لاس فيجاس.
وتمنع قوانين الهجرة اليابانية الصارمة دخول المتهمين في جرائم المخدرات بالرغم من وجود استثناءات في بعض الأحيان.
وصرحت باريس هيلتون بأنها سوف تعود إلى وطنها ولكنها تتطلع للعودة إلى اليابان في المستقبل القريب، وكانت تستعد هيلتون لعقد مؤتمر صحفي بطوكيو للإعلان عن خط أزياء و عطور الجديد .
وكانت هيلتون وصلت إلى مطار طوكيو مساء الثلاثاء و تم توقيفها في المطار حيث قضت الليلة في الفندق الخاص بالمطار بعد أن تم استجوابها من قبل المسئولين لمدة ست ساعات على مدى يومين
و في النهاية تم منعها من دخول اليابان

انما احنا بقه استقبلناها استقبال العلماء واالابطال

ولو حد نطق واعترض عليها ولا قال مين دي يعني عشان تجبوها في افتتاح معرض سيارات
تلاقي 1000 واحد طلع يقول ايه الجهل والتخلف وعدم التحضر والتعصب واعداء الانفتاح ده دي باريس هيلتون ياعم انت
مين باريس هلتون دي غير انها وحده مدمنه مخدرات وممثله افلام بورنو وموديل وممثله فاشله وحياتها كلها فضايح وشهرتها اصلا راجعه لسلسله فنادق هيلتون فقط لا غيير
الناس هناك منعوها عشان كانت ليها قضيه مخدرات(مع انم ملحدين لا دين لهم) واحنا هنا كنا طايريييييين بها

**م. حاتم السباعي** · 23-09-2010 04:05 AM

ما هو يا فندم في مثل بيقول (( اذا لم تستحي فافعل ما شئت ))
يعني اللي بيدعوا هذه السيده الي مكان ويعلم ان هناك من سيأتي لها خصيصا يبقي عنده حق
وهذه الدولة دولة محترمة لانها لا تعرف المجاملات و لا البشوات لانها منعتها من دخول البلد اقل واجب كان اللي منظم الحفلة لها هيدخلها من صالة كبار الزوار لو الموضوع هنا في مصر او اي دولة عربية علي سبيل المثال زي برامج التفاهات اللي ملت التلفاز في رمضان من عينة الجريئة والي مش عارف ايه و الراقصات والفنانات والممثلين و المغنيين حتي اصبح كل رمضان مكرر افساد صوم الناس
اتذكر بعد رمضان كان هناك برنامج يعرض والمتحدثة فنانة فبتحكي عن تجربة بنتها انها تأخرت في الحمل فنصحتها بالعمرة الي هنا والله يباركله كله ماشي تمام وهوب ايه بقي اللي جاي
الست الفاضلة اخبرت المذيعة بأن بنتها دخلت الروضة الشريفة لتصلي فيها وتدعو الله بها حتي هنا الله يكرمكم بس ازاي بقي دخلت الروضة الشريفة في هذا الزحام الكبير قالت الممثلة المتبرجة اصلي انا كنت جايبلها اذن تدخل حتي مناجاة الله اصبحت بالواسطه حتي الاماكن المقدسة اصبحت بالتليفون و بالدعوه
ارحمنا يا الله برحمتك وردنا اليك ردا جميلا ضاقت علينا الدنيا يا الله من افعال الناس وما وصل اليه حالنا لا يخفي عليك اللهم اغفر لنا وارحمنا

م.حاتم السباعي

**تامر.محمد** · 26-09-2010 04:36 PM

اللي جابوها و اللي بيدعموا مجايبها كلهم من عينتها

أنت مع من أحببت

**bmya** · 27-09-2010 03:31 AM

طيب تمام اوي انا كنت فاكر في ناس هيدافعو عنها بس الحمد لله اخونا بتوع الانفتاح والتحضر مظهروش

**FrozenFire** · 27-09-2010 06:23 PM

المشاركة الأصلية كتبت بواسطة ahmed samy

ياباشا ماهو "الخروف" اللي جابها عايز حش وسطه

تلاقيه جايبها بمخدراتها علشان تعدل دماغها

ولا هو ظبطلها التموين هنا .............

بس العيب مش عليه برضه

تصدق إنك هلكتني من الضحك
ظبط لها التموين هنا
الله يبارك فيك