هيجلى نقطة واموت من الحسره

**hazoom2006** · 23-09-2010 04:04 AM

مش عارف اتكلم خاااااااااااااالص ومتغاظ بطريقة

نشوف الموضوع

مروه هدهد واحده محدش سمع عنها حاجة حبت تعملها قرشين قالت تعمل حمله ترشيح لجمال مبارك وتجمع توقيعات راحت مناطق شعبيه والناس فيها مش عارفين مين هو جمال اصلا واللى بيوقع او بيبصم (لان اكيد فى منهم اميين كتير ) بياخد تى شيرت عليه صورة جمال

التوقيع بتشيرت وياعم يمكن يكون فى فلوس

وده فيديو من الاكونت بتاع مروه هدهد دى بتقول ان التمويل من رجال اعمال مصريين وواضح من طريقة كلامها انها مالهاش غير فى البطيخ بس وعايزة فلوس ولو شوفتو باقى الفيديوهات اللى رافعاها هتعرفو انها بتنافق علشان الفلوس وعلشان تظهر فى الصورة الاشكال الزباله دى انا بقرف منها واللى بتقدم مصلحتها عن مصلحه بلدها وتضر الناس مالهاش غير الجزمه

صوتك اغلى من تى شيرت واغلى من الملايين :: بقا علشان تى شيرت تضيع حلم سنين

اصحى بقا يا بلد وشوفو مظاهره عابدين :: هما عايزنا نفضل كده ساكتين لسنين

ضحكو على الغلابة وجمعو توقيعات :: بيوهموهم ان اللى جاى احسن من اللى فات

طب ازاى وفى منا اللى فى الشارع بات :: ازاى وفى اللى ماخدش حقه حتى بعد ما مات

عمر اللى جاى ماهيكون احسن من اللى فات طول ماحنا قاعدين وصابرين مستنين فى سكات ....

عمر اللى جاى ماهيكون احسن من اللى فات :: طول ماحنا بيعنا اصواتنا فى مقابل التي شيرتات

توقيع مواطن مخنوق من الجهل

[youtube]http://www.youtube.com/watch?v=Wq6manuEnls[/youtube]

**Magdyahassan** · 23-09-2010 05:21 AM

بصراحه حاجه تحرق الدم فعلا رايحين يضحكوا على الناس الغلابه بشوية تى شيرتات ما اى حد هاتقول له وقع وخد تي شيرت هايوقع ويروح يجيب لك اهله واصحابه. الناس دى كل همها لقمة العيش ومايفرقش معاهم مين اللى هايحكم.
قلبى حاسس انهم هايفرضوه علينا وربنا يستر

**medo_2060** · 23-09-2010 05:24 AM

ههههههههههههه
ياراجل دى ماركه الراجل الى كان بيهتف مع ناس لحسنى مبارك فى انتخابات الرئاسه الاخيره ولما سألوه على الجزيره انت مع مين قالهم معرفش ... طب ماشى ليه قالهم واحد ادانى 20 جنيه وقالى امشى وهيص مع الناس دى

**grumby78** · 23-09-2010 06:46 AM

عزيزي ده حال البلاد المتخلفه بالظبط
يعني احنا دوله متخلفه وبيقولوا عننا دول ناميه للتلطيف فده حال البلاد دي ..ناس كتير جهله ماتعرفش الالف من كوز الدره وقله ذات نفوذ تحكم البلد وتتحكم في الناس واصواتهم مره بكيلو كباب بالسلطات ومره ب 100 جنيه ومره بانبوبة بوتاجاز ومره بشنطة الخير والمره دي ب تي شيرت ... ماتزعلش نفسك
انا بقيت افضل مااتابعش اخبار زي دي تحرق دمي عشان في النهايه الشعب لن يتحرك وحيلبس التي شيرت!
دمت بصحه

**محمد محمد** · 23-09-2010 08:40 AM

مع ان كان فيه مانشيت في الجرنان (المواطنون يرفضون اسلوب الجماعة المحظورة) علشان كانوا بيوزعوا لعب اطفال يوم العيد.

**kh_talaat** · 23-09-2010 09:42 AM

فعلا حاجه تحرق الدم ... !!!
الناس دي بتنزل المناطق الشعبية الفقيرة وتستغل فقر الناس وجهلهم

**hazoom2006** · 23-09-2010 12:45 PM

المشاركة الأصلية كتبت بواسطة Magdyahassan

بصراحه حاجه تحرق الدم فعلا رايحين يضحكوا على الناس الغلابه بشوية تى شيرتات ما اى حد هاتقول له وقع وخد تي شيرت هايوقع ويروح يجيب لك اهله واصحابه. الناس دى كل همها لقمة العيش ومايفرقش معاهم مين اللى هايحكم.
قلبى حاسس انهم هايفرضوه علينا وربنا يستر

مهو ده اللى حارق دمى يستغلو فقر الناس وجهلهم علشان يجمعو توقيعات هتضرهم فى مقابل تى شيرت

المشاركة الأصلية كتبت بواسطة medo_2060

ههههههههههههه
ياراجل دى ماركه الراجل الى كان بيهتف مع ناس لحسنى مبارك فى انتخابات الرئاسه الاخيره ولما سألوه على الجزيره انت مع مين قالهم معرفش ... طب ماشى ليه قالهم واحد ادانى 20 جنيه وقالى امشى وهيص مع الناس دى

ده استغلال ونتاج الغيبوبة الفكرية اللى عايز يوصلها النظام تشتيت الناس

المشاركة الأصلية كتبت بواسطة grumby78

عزيزي ده حال البلاد المتخلفه بالظبط
يعني احنا دوله متخلفه وبيقولوا عننا دول ناميه للتلطيف فده حال البلاد دي ..ناس كتير جهله ماتعرفش الالف من كوز الدره وقله ذات نفوذ تحكم البلد وتتحكم في الناس واصواتهم مره بكيلو كباب بالسلطات ومره ب 100 جنيه ومره بانبوبة بوتاجاز ومره بشنطة الخير والمره دي ب تي شيرت ... ماتزعلش نفسك
انا بقيت افضل مااتابعش اخبار زي دي تحرق دمي عشان في النهايه الشعب لن يتحرك وحيلبس التي شيرت!
دمت بصحه

مينفعش ماتبعش الاخبار دى لو متبعتهاش هبقى مغيب عن الواقع وده اللى هما عايزية كل واحد يقول ماليش دعوه وتولع البلد

المشاركة الأصلية كتبت بواسطة محمد محمد

مع ان كان فيه مانشيت في الجرنان (المواطنون يرفضون اسلوب الجماعة المحظورة) علشان كانوا بيوزعوا لعب اطفال يوم العيد.

اكيد الاهرام ماهو شغال على الفبركة فى الصور والاخبار كمان

المشاركة الأصلية كتبت بواسطة kh_talaat

فعلا حاجه تحرق الدم ... !!!
الناس دي بتنزل المناطق الشعبية الفقيرة وتستغل فقر الناس وجهلهم

بالظبط . عندى حق اموت من الحسرة ولا لا

**Conspirator** · 23-09-2010 12:57 PM

موضوع يحرق الدم فعلا

الجهل الجهل الجهل هو سبب كل اللى احنا فيه

**Soma_Sooma** · 23-09-2010 01:07 PM

المشكلة انهم عارفين بيروحو لمين

بيرحو للجهلة الفقراء عشان كام قرش و تيشرت هيرضو بيهم وخلاص اهو احسن من مافيش

والله فعلا حاجة تحرق الدم

انا مكنش المفروض ادخل الموضوع دة هههههههههههههه

انا مش ناقصة حرقة دم هههههههههههههههه

ربنا يلطف بينا بجد احنا تعبنا وخلاااااااااااااااااااص بنفرفر

حسبى الله و نعم الوكيل

**eng.m7md.ali** · 23-09-2010 01:10 PM

الست دي شوفتها قبل كدة في تشيليز الكوربة

الموضوع: هيجلى نقطة واموت من الحسره

LinkBack

أدوات الموضوع

عرض

هيجلى نقطة واموت من الحسره - انشر الموضوع فى :

-

-

-

-

-

-

-

-

-

المواضيع المتشابهه

متيجى ناخد لفة بال i30 الجديده 2013 (الكوريين عايزين يموتونا من الحسره)

بهدوء و نقطة نقطة

انا حاسس انها ايام واموت من اللى بيحصل فيها !!

6000 نقطة

الكلمات الدلالية لهذا الموضوع

المفضلات

المفضلات

ضوابط المشاركة