اظرف واغرب التعليقات المكتوبة علي السيارات

**aif** · 09-11-2008 06:18 PM

انتي ايه اللي فكرك بالموضوع القديم ده يا نور
....
انا فضلت حوالي 4 شهور معلق ورقة علي عربية زوجتي .... عفوا.... تعليم
ورقة في الخلف وورقة في الجنب .....
بسبب الورقة دي طبعا حصلي مواقف كتييير لما كنت انا اللي باسوق العربية
اكتر من مرة واحد يسألني .....
هو انت عاوز فيها كام يا بشمهندز ....
كام ايه ...؟
هي مش العربية للبيع ؟؟
لأ
امال ايه الورقة دي ؟؟؟
دي تعليم
يعني الساعة بكام ...مش مدرسة سواقة يعني
.........................

ولما انا اللي باسوق كان الناس بيحاولو يبعدو عني ... كل واحد خايف علي عربيته .... وانا امشي من بينهم زي الصاروخ .... والظريف بقى نظراتهم .... ايه الافترى ده كل ده وبيتعلم .....

**aif** · 09-11-2008 07:04 PM

المشاركة الأصلية كتبت بواسطة نور القمر

انا جديدة في المنتدى حتى وان كنت مسجلة في مارس
وبقلب فيه مليان مواضيع جميلة
بصراحة ببقه نفسي اعلق على مواضيع كتير والاقيها بئالها سنه واكتر بتكسف اعلق
حقيقي مشاركاتك ليها طابع خاص ومميز من شخصية مميزة

ده بس من ذوق سيادة فخامة حضرة سعادتك

**Noha.M** · 09-11-2008 07:08 PM

المشاركة الأصلية كتبت بواسطة نور القمر

انا جديدة في المنتدى حتى وان كنت مسجلة في مارس
وبقلب فيه مليان مواضيع جميلة
بصراحة ببقه نفسي اعلق على مواضيع كتير والاقيها بئالها سنه واكتر بتكسف اعلق
حقيقي مشاركاتك ليها طابع خاص ومميز من شخصية مميزة

يا نور دة ابراهيم

يعني فاكهة المنتدى

**aif** · 09-11-2008 07:18 PM

المشاركة الأصلية كتبت بواسطة Noha.M

يا نور دة ابراهيم

يعني فاكهة المنتدى

كفاية يا نهى

..... انا كدة قربت اعييييط من شدة التأنثر ....:K14:
خدي بالونه .....عشان العيد قرب .....

**wesam_salom** · 09-11-2008 08:43 PM

شوفتها مكتوبه على توك توك
روتانا توك توك مش هتقدر تمشى على رجليك
وجنبها علامه روتانا بالحجم الكبير

**Sameh** · 09-11-2008 10:50 PM

(لما الحلو يتدلع يخلى الأسفلت يولع)
(سلام يا بلد الكلام)
(يا تهدى يا تعدى)
(للبيع بجد) ! ورقم تليفون ، كأن فيه للبيع بهزار
(أحمد أخو دينا !!) وإحنا مالنا
(البطل الرومانى) تقريباً ده مقاول صاحب عربيات