ياجماعة حد راح عمل شهر العسل فى شرم
ياترى ممكن نعمل ايه هناك واسبوع ممكن كلفنى كام
وياترى حد عرف حاجة عن سهل حشيش
وياترى حد عارف شركةة ساحة كويسة
شكرا
عرض للطباعة
ياجماعة حد راح عمل شهر العسل فى شرم
ياترى ممكن نعمل ايه هناك واسبوع ممكن كلفنى كام
وياترى حد عرف حاجة عن سهل حشيش
وياترى حد عارف شركةة ساحة كويسة
شكرا
متابع باهتماااام عشان بفكر في شاره بردو الشهر الجايي
اه انا روحت شرم 3 ايام (فى شهر العسل )
اولا ....* احجز فندق فطار بس او حتى بدون فطار لانك مش هاتبقى فاضي من كتر الحاجات اللى ممكن تعملها
حاول برضه تحجز فى حاجه 4 نجوم (مش محتاج النجمه الخامسه ) بس بلاش 3 نجوم لانك فى شهر عسل يعني محتاج شويه دلع
و ابعد عن all inclusive لانك هاتدفع كتير ومش هاتستفاد منها و هاتصرف اكنك روحت تركيا او ماليزيا
ثانيا....* الفسح
على اد ما تقدر اتفسح لان شارم فيها حوالي 8 او 10 اماكن تروح تتفسح فيها و ممكن تشوف سايت (مسافر) هاتلاقى عليه الاماكن كلها
على سبيل المثال
1- سفاري (شروق الشمس )
2- سفاري (غروب الشمس )
3- سفاري + الرحلة البدويه
4- رحلة ابو جالوم و بتتضمن (عربيه جيب + ركوب جمال + شاي بدوي + غداء بدوي + سنوركلينج + الذهاب الى مدينة دهب )
5- الجلاس بووت و الغواصه (مش ممتعين)
6- راس محمد
اه على فكره ماتحجزش اكتر من 4 ايام لانك ماديا و جسديا هاتكون تعبت من الرحله
انا كنت بنام 4 ساعات و اقوم اطلع رحله من دول
بالنسبه للفلوس اعمل حسابك على 3000 للفرد بحد ادني لان معظم الرحلات دي تكلفة الفرد 150 الى 250 جنيه
وحاول تشوف سايت logta.com شوف الفنادق او شركات السياحة و لو ليك واحد صاحبك عايش هناك يكون افضل
لو هاتروح بعربيتك يبقى خد الفندق فى اي حته
لو هاتروح بالمواصلات يبقى حاول تكون قريب من السوق القديم علشان تبقى جنب خطوط المواصلات
حاجه اخيره (التاكسيات هناك حرميه فى الاجره) فى معاهم عداد بس هو هايفتكرك من الكفار اللى اموالهم حل له
طيب فيه شركات ساحة ممكن تنظملى حاجة كويسة
سهل حشيش غاليه شويتين و مفهاش فسح
بس فنادقها تحفه و لسه جديده
وفى فنادق 7 نجوم
واوعي تروح الغردقه فسح قليله و متعه اقل بكتيير
لأني للاسف روحت شرم 3 ايام و طلعت من هناك على الغردقه كمان 3 ايام مفيش اي مقارنه
انا معرفش بصراحه بس ممكن يومين و اقولك على اسماء شركات
اه بالنسبه للفسح انت مش محتاج شركات
مجرد ماتوصل هاتلاقى الفندق معاه تليفونات منظمين للرحلات دي و لو نزلت نعمه باي هاتلاقى فى شركات كتيره بتناديلك علشان توديك رحلات من دي و هاتلاقى كلها مكتوب الاسعار
خد بالك ماتحولش تروح فى فتره العيد الكبير و فى اجازه نص السنه و رأس السنه الميلاديه (بيكون فى زياده اكتر من 50 % فى اسعار كل حاجه )
اه حاجه كمان لازم تفتكرها
مطعم مشويات اسمه مشويت المصريين فى السوق القديم (تحفه و اسعاره مناسبه )
حد بالك ان كل اسعار الرحلات فيها فصال كتير سواء المركب الزجاجى او السفارى و لو من نعمة ممكن تاخد الميكروباص للسوق القديمة هية مش رومانسية بس المسافة مش كبيرة و انصحك بحاجة على نعمة باى و فية موقع علشان تاخد فكرة عن الاسعار و الاحسن تروح بعربيتك لو كويسة علشان الطيران غالى.انا نرلت فىفندق تروبيتل كان كويس بس تطلب دور فوق التانى او التالت علشان تشوف البحرزمبروك
http://www.thomas.....gypt.com/holid...ptID=3&SecID=1
حد بالك ان كل اسعار الرحلات فيها فصال كتير سواء المركب الزجاجى او السفارى و لو من نعمة ممكن تاخد الميكروباص للسوق القديمة هية مش رومانسية بس المسافة مش كبيرة و انصحك بحاجة على نعمة باى و فية موقع علشان تاخد فكرة عن الاسعار و الاحسن تروح بعربيتك لو كويسة علشان الطيران غالى.انا نرلت فىفندق تروبيتل كان كويس بس تطلب دور فوق التانى او التالت علشان تشوف البحرزمبروك
http://www.thomas.....gypt.com/holid...ptID=3&SecID=1
اسف الليك اهو
http://www.thomas.....gypt.com/holid...ptID=3&SecID=1
اسف اللينك اهوة
http://www.logta.com/ar/SearchResult...=1&pagesize=10
دي عروض بالفنادق