حط اعصابك في تلاجة اقبل متنزل من البيت

**attiahf** · 26-09-2010 04:03 PM

عادى جدا اللى بيحصل فى الشارع بس انا للاسف اعصابى مش فى تلاجة زيكم روحت خابط على خفيف (يدوبك لمست العربية رجلية) واحد من اللى ماشيين فى الشارع بصورة تنرفز علشان يتعلم وبالطبع بدء فاصل ردح وبالطبع ان مسكتش واديتلة فى جنابة ورحت قافل الازاز وماشى وسايبة بيتخانق مع دبان وشة...خلية يتحرق دمة زى ما بيحرق دم الناس

**م.احمد زكريا** · 26-09-2010 04:33 PM

وهو ده العادي في شوارع مصر

**venomixus** · 26-09-2010 05:24 PM

أنا مرة كنت ماشي في شارع جانبي اتجاهين بس ضيق شوية وبعدين قبل مأوصل لآخر الشارع ييجي كده بخمسة ، ستة متر واحدة راحت داخله ومعانده وعاوزاني أرجعلها الشارع كله علشان صاحبة السمو تعدي، رحت واقف وبقولها ارجعي انتي الحته الصغيرة دي .. راحت مشوحالي بقرف كده بأيديها انني أرجع ورا ولا أكني مثلاً بشتغل عند اللي جابوها .. فرحت متنح برضو .. لقيتها بقى متنحه هي كمان وفضلنا واقفين 5 دقايق .. أنا بقى لا ارادي كده رحت نازل من العربية وقافلها بالمفتاح وضحكت ومشيت. طبعاً أنا كانت أعصابي بايظه وقمت ماشي في شارع جانبي تاني ورحت أتابع الموقف من بعيد لقيت عربية تانيه جت وقفت وراها وعربية وقفت ورايا شوية وراحت راجه وهربانه من الشارع. سبتها كده تستوي 5 دقايق كمان وبعدين رجعت بس برضو اضطريت أرجع بضهري علشان العربية اللي وراها! :)