حط اعصابك في تلاجة اقبل متنزل من البيت
الموضوع فعلا محتاج تلاجة الواحد يريح فيها .. لان اللي بيحصل في الشوارع حاجة تحرق الدم وترفع الضغط وتجيب جلطات وامراض مستعصية ..
وبصراحة انا ميش عارف هي حالة العشوائية اللي احنا عايشين فيها دي اخرتها اي؟؟
المهم هو الموضوع اللي حصل معايا ميش قصة كبيرة ولا حاجة بس هي حاجة معبرة عن العشوائية واللامبالاة اللي احنا بقينا فيها
امبارح كنت راكن موازي للرصيف في حتة هادية ورحت لقضاء مصلحة لمدة 15 دقيقة .. اتاريني للاسف ركنت قبل مكتبة بحوالي 20م كدة ..وانتم طبعا عارفين المكتبات عاملة اذاي دلوقتي .. موسم بقي كل سنة وانتم طيبين.. رجعت لقيت واحد واقف جمبي ومدي ويتنج وكمان ورايا واحد واقف .. وفي المسافة الصغيرة اللي بيني وبين العربية اللي قدامي عربية وقفت رشق عمودي على الرصيف
طبعا زنقة مايعلم بيها الا ربنا .. قلت اكيد صاحب العربية في المكتبة .. دخلت انده في المكتبة لما صوتي اتبح محدش رد ..
:ask:
10 دقايق وكررت نفس الموضوع محدش رد برضة ..
:majd(2):
المهم وقفت حطيت ايدي على العربية وسلمت امرى لله وفضلت مستني .. شوية وطلعت واحدة ست من المكتبة .. اة والله من المكتبة.. وجاية بتتكلم في الموبايل وبصتلي شزرا وفتحت باب العربية بتعاعتها تمهيدا للمشي ..
:36_1_2[1]:
انا بصتليها وقلتلها انا مستنيكي بقالي كتير وانت قافلة عليا .. مردتيش عليا (ميش مشكلة كلب وبيهوهو) (او سفية ولازم هي تعرض عني) ..
:36_6_3[1]:
مرة واحدة لقيتها بتقل للي بتكلمه في التليفون اية عايزة سلاح التلميذ طيب .. قامت قافلة باب العربية ونازلة رايحة للمكتبة تاني .. قلتلها بنرفزة ايه دة يا مدام انا هفضل مستنيكي ولا اية .. ردت بكل برود دقيقة واحدة هجيب بقيت الحاجة ..
:B4_237:
قلتلها دانتي قافلة عليا وانا مستنيكي هو في اية بالضبظ .. وبدأت اعلى صوتي (بس من غير اي غلط) قامت بصتلي بكل قرف وركبت العربية وهي بتنفخ (كاني غلطت اني ميش قادر اصبر عليها لما تخلص طلبتها) (ميش المفروض الناس لبعضيها بردة) ..
وقامت ركبت العربية وفضلت تطلع وتخش يجي 5 دقايق كانها سايقة عربية نقل ..
:beatdeadhorse5:
وقامت سيبالي حتة 2م يدوب تطلع العربية بتعتي بالعافية وفضلت واقفة علشان تنزل تكمل التسوق بتاعها .. ربنا يكفينا ويكفيكم البلاوي وحرقة الدم .. ويصبرنا على ما ابتلانا به من تسيب وعدم احساس بالاخرين وعدم احساس بالمسئولية (فعلا الكلمة اللي مكتوبة جوة الاوتوبيسات اللي بتقول الاحساس نعمة .. فعلا كلمة رائعة لا محل لها من الاعراب عندنا)
:120146b
