اشترى بالجملة من العتبة شارع كلوت بيه و ريح نفسك
عندهم الزيت بالجملة و السبرتوا بالجملة و الزجاجة الفاضية كمان
و هوه دة المكان الرئيسى و الوحيد فى مصر للبيع بالجملة فى هذا المجال
اشترى بالجملة من العتبة شارع كلوت بيه و ريح نفسك
عندهم الزيت بالجملة و السبرتوا بالجملة و الزجاجة الفاضية كمان
و هوه دة المكان الرئيسى و الوحيد فى مصر للبيع بالجملة فى هذا المجال
وصفه تجنن
شكرا ياباشا على الموضوع
انا فعلا عوز اجرب اركب برفان بنفسى
باذن الله فى اقرب فرصه هروح المحل اللى بتقول عليه فى شبرا اشترى منه
المكان الوحيد اللي تقدر تجيب منه زيت أصلي هو العتبه : ميدان الجامع .. وده كل تجار البرفانات بيجيبو منه بالجملة .. ولازم تتأكد ان الزيت من شركة مان الفرنساوية والمثبت اسمه زيت الصندل ومتجيبش الأنواع الشعبية اللي الجرام منها ب 75 قرش .. فيه الأصلي المركز ب 1.25 جنيه أو 1.5 .. أنا صرفت الافات علي البرفانات دي .. عشقي الأول والأخير منها الأصلي ومنها التركيب .. وعلي فكره سر التركيبه دي محدش يعرفها غير العبد لله .. وكل اللي بيتقال ده غلط كبير مبيطلعش البرفان زي الأصلي .. والتعتيق ده فن .. عندي زجاجات برفان معتقه من سنه 2004 .. لما بفتحها بس الأوضه كلها بتتملي من ريحتها .. ولما بحط منها وبمشي في حته الناس بتعرف اني مشيت من المكان ده .. وفي الشغل الناس كلها بتعرف اني جيت من البرفان وكلهم هيموتو ويعرفوا انا بعملها ازاي .. وبحط أنواع ايه ... بس عمري مابقول لحد طبعا .
يا حاج_هاتخبى علينا ليه_ما تقول خلى كل الناس تنبسط وتستفاد_كلنا اللى عندة معلومة بيقولها_وانا عن نفسى بركب عطورى الشخصية_بالطريقة دى_ومبسوط بيها جدا_لانى كنت بشترى الأصلى من برا_وبعد ما بركبها بطريقتى ما فيش فرق يذكر_وبعدين حضرتك_إزاى بتقول عندك عطور من 2004_اسا سا صلاحية أى عطر لا تتعدى سنتين بأى حال_ودة كلام الشركات الكبيرة زى كريستيان ديور.مثلا_وقالوا ان العطر بعد سنتين_ريحتة بتتغير_والزيت بتتغير خواصة_وبتبقى زى الحمض_وانا احب استفيد من حضرتك حضرتك لأن واضح انك تعرف أكتر منى.وفوق كل ذى علم عليم.
علي فكره شركات العطور الأصلية مش بتستخدم الكحول الطبي بتاعنا ده (الأيثيلي ) دول بيستخدموا نوع غالي جدا من الكحول اسمه Isopropyl Alchol
http://www.amitbhawani.com/blog/Imag...an-monitor.jpg
(CH3)2CHOH .. وده اللتر النضيف منه معدي ال 100 جنيه والسبرتو اللي بيتجاب اللتر ب 12 جنيه ده كله مضروب وبيسبب أمراض خبيثة خطر جدا انه بترش علي الجلد .. تعرف انك لما تحط منه علي جلدك تلاقية بيحرق . ولما ترشه علي البلاستيك تلاقية بيدوب بعد فتره .. وده قاتل لانه بيمتص من علي الجلد وبيدخل الجسم وبيسبب تشوه في كروموسومات اللخلايا . انصحك لما تشتري كحول اشتري الأيثيلي وليس الميثيلي من شركة مواد كيماوية ومش من صيدلية حتي .. لأنه بيتغش برده والاتنين ليهم نفس الريحة واللون .. بس سعات بيحطوا علي السبرتو الميثيلي لون أحمر .. وده مش لونه الحقيقي لأن فيه ناس ولعياذ بالله بتشربة عشان تسكر .. فبيجيلهم عمى دائم لاقدر الله .. لأنه بيسبب ضمور في العصب البصري .
انا بشترى الكحول من الصيدلية وممتاز جدا جدا_وما بيعملش إلتهاب فى الجلد نهائى_أهم حاجة ان الكحول يبقى ما لوش ريحة_وبعدين_بتاع الصيدلية_بيستخدم فى أغراض طبية_يعنى قبل ما تاخد حقنة بيطهر الجلد بيه_وانا شايف انة ممتاز جدا_ولا يسبب أى إلتهابات ولا إحمرار_دة اسمة طبى_وزجاجة 50 مللى تقريبا_ب3 جنيه ونص_يعتبر مش رخيص بردة_والتركيبة بتطلع ممتازة جدا جدا جدا.واحنا بنتكلم فى طريقة بسيطة وغير مكلفة تماما.
وحياتك بيغشوه برده بيزودوه ميه يعني المكتوب عليه 70% بيبقي بالكتير 25%
أيه يا باشا مستخسر في اخواتك في المنتدى تعرفهم الطريقة .. معتقدتش أن حد فيهم حيبخل بالدعاء ليك :ask:... وإذا مقلتش بقى أنت حر:rfds: برضه الناس حتدعيلك :3mla: هههههههه
على فكرة أنا جربت العطور التركيب وكلهم بالنسبة ليا فاشلين فشل ذريع على الرغم من أي كنت بسمع أن فلان أوعى وشك وعلان متقولش ولا كلمة .. وكله أونطة في الأخر .
عندك حق في موضوع الكحول ده .. لأنه لما كان بيجي على الجلد بيعمل زي نوع كدة من الحساسية .. بالإضافة أن الريحة ممكن تبقع في الهدوم ومبتبقاش مظبوطة وبتروح بسرعة .
أرجوك الحقني بالطريقة .. الميزانية بتبوظ من البرفانات الأوريجينال :fdsa:.. وأخوك مجنون برفانات :44:.
متاااااااابع
يا جماعة أقسم بالله_الطريقة اللى انا وصفتهالكم ممتازة جدا جدا_والله العظيم_لما بنزل الجيران فى الدور الخامس بيعرفوا انى نزلت_وأكتر من مرة لو قابلت حد من جيرانا البنات على السلم_بيقولولى يخرب بيت برفاناتك_وأقسم بالله واحدة منهم صممت انى اقولها اسم البرفيوم بتاعى_وقلبت شنطتها على قلم وكتبتة على ايديها_كانت عايزة تشتريه لزوجها_هى جارة جدتى_قالتلى على فكرة انا ركبتها وماعجبتنيش_مش زى اللى انت حاطتها.
تسلم على الموضوع الهايل
انا بفضل بنزوات
البنزيل
وهو الافضل
لانه صاحب اعلى درجه
غليان
فى المثبتات
يعنى ابطى شىء فى
التطاير
وبيخلى الزيت والكحول
يتمزجو بشكل كامل
وماينفصلوش ابدا حتى بعد التعرض للحراره
او التقطير وبيحافظ على التركيبة لفتره طويله جدا
بنزوات البنزيل هو
المثبت المستخدم فى
تركيب العطور الاصليه
وهو الافضل عن تجربه وهو المثبت المذكور
على كل مواقع الانترنت العالميه.
اللهم بلغت اللهم فأشهد.
بسم الله الرحمن الرحيم
الاخوة الكرام لكم خلاصة ثمانية اعوام من التجارب والابحاث عن البرفانات وتركيبها
اولا يجب ان تعلموا شيئا مهم :
ان سر البرفان ليس في الزيوت العطرية (الايسانس) , وانما في تركيب الكحول . الخلاصة:
اظن انكم جميعا تعلمون المقادير المطلوبة للتركيبات واماكن بيعها ايضا لا يخفي علي احد
انواع الكحول:
1_ كحول مثيلي
من اخطر مايمكن والتركيب بة حرام حرام حرام . لية؟
لانة يسبب امراض خطيرة للانسان اقلها سرطان الجلد والدم والعياذ بالله ومع الاسف جميع محلات التركيبات الموجودة في السوق تتعامل بة لانة رخيص الثمن (الكيلوا بسبعة جنيهات) (العشرين لتر بسبعون جنيها) ولو نظرنا الي المجتمعات العربية لوجدنا ان المرضين السابق ذكرهما قد انتشرا بطريقة فظيعة .
2-كحول اثيلي
هو المطلوب لصناعة البرفانات ولا ضرر منة للانسان , ويوجد بتركيزات مختلفة بدءا من99% و 95% و 80%
الافضل للبرفانات هو ال 95%
3-كحول ايزو بروبيلي
من افضل الانواع علي الاطلاق , وتصنع منة افخم الانواع العالمية, شديدة التركيز, التي لا يقل ثمنها عن خمسمائة جنيها, غير انة لا يصلح استخدام البرفان المصنوع منة قبل مرور عام ونصف من التعتيق, لان رائحة الكحول نفاذة جدا, ولا بد من مرور هذة الفترة حتي تختلط مع الاسانس ويصيرا شيئا واحدا, كما يمكن اسراع التعتيق باضافة بعض المواد التي تسرع من عملية الاذابة
المثبتات :
يوجد الكثير منها افضلها
1-بنزوات البنزيل
2-الصندل
3-صمغ الجاوي
4- الجلسرين
ملحوظة: مع الكحول الايزو لا بد ان يضاف معة ثلاث نقط كحول بنزيلي
كما يمكن اضافتة ايضا مع الكحول الاثيلي ولكن نقطتان فقط لل100ملي
ناتي لاهم نقطة في تركيب البرفانات:
بعد تدبير جميع ما سبق سوف تنتج برفان جميل ذو رائحة جميلة, لكن ان قارنتة بالاصلي تجد الفرق كبير ؟ لية ؟
لان الكحول لم يتفاعل مع الايسانس وانما حدث اختلاط فقط.
وهو السر الذي يجهلهة جميع مصنعي البرفانات في الدول العربية فقد احتفظت الشركات الكبري بهذا السر,
يجب ان تعلموا شيئا :
ان البرفانات الاصلي لا يوضع معها لون لتلوينها وانما تفاعل الايسانس مع الكحول في خلال اسبوعان نتيجة اضافة هذا المذيب اليهما ليصفر او يخضر حسب لون الايسانس الاصلي وبدون تدخل منا في تلوينة, وهو دليل علي ان كل جزئ من الكحول قد اختلط اخطلاطا تاما مع الايسانس حتي يصيرا شيئا واحدا لا يمكن فصلهما حتي وان قطرا
للاسف لا يوجد هذا المذيب بالاسواق,لانة كما ذكرت سابقا سر من اسرار الشركة المصنعة, غير انني استطعت ان اعرف تركيبة ويتكلف الجرام منة
اربعة جنيهات مصرية تقريبا, وحيث ان الجرام منة عبارة عن 33 نقطة ونحتاج لكل زجاجة مائة ملي لنقطتان فقط ,اذن الجرام الواحد يكفي لصنع 16 زجاجة برفان مائة ملي تقريبا, ليكون برفان اصلي بمعني الكلمةلا اعرف ان كنتم تستطيعوا تنفيذ تركيبها, وعلي الرغم من انها سر افنيت فيها ليال كثيرة , الا انني ساخبركم بها علي ان تدعوا لي بخير
التركيبة كما يلي:
3جرام بنزوفينون + 20جرام كحول بنزيلي + 4نقطة تربينول
يتم مزجهم جيدا وتركهم اربعة وعشرون ساعة-----------------(1)
100ملي كحول اثيلي + 50ملي كحول سينامك---------------------(2)
20جرام بنزوات البنزيل+ 5جرام سينامك استيت--------------(3)
يتم مزج الجميع ثم يقطروا, وهو المذيب المطلوب للبرفان
ملحوظة: يراعي ان يكون التقطير بدون نار علي البخار لانها اشياء قابلة للاشتعال
منقول على مسؤلية المصدر .
المصدر : الأخ حسام صاحب شركة عطور محلية برجاء الدعاء له في مقابل الأستفادة من خبرته الطويلة .
أيه يا جماعة المصطلحات الكيميائية دي .. أشي بنزوات البنزيل وكحول أيزو بروبيلي أنا كنت فاكر الحاجات دي من ثانوي يعني أكتر من 20 سنة .. الحاجات دي تيجي منين .. وهل لو قلت للراجل عاوز بنزوات البنزيل ولا كحول ايثيلي حيسبني في حالي .. ده مش بعيد :beatdeadhorse5:ويقولي روح انت مذاكر ليك كلمتين وجاي تقولهوملي .. يا ريت توضيح أماكن شراء الحاجات دي وخاصة أني سألت واحد النهاردة بيركب برفانات (بس وحشه) قالي معرفش حاجة اسمها بنزوات البنزيل دي أنا بحط مثبت (مش فاكر أسمه) أو جلسرين ؟!!
يا جماعة التركيبة اللى أنا قولتها_جميلة جدا جدا_وما بتتكلفش كتير _وبسيطة جدا جدا_ياريت نجرب وبعدين نحكم_لأن اغلب الأعضاء وأولهم انا ما فيش وقت للتجارب_والبحث_عن المكونات النادرة_انت بنفسك لاحظ_لو رحت تركب برفيوم_هتلاقى الراجل_عملهالك_بنفس الطريقة_اللى قولتهالك_بس إحنا هانستعمل كحول طبى_ونركبها ونعقتها _بمزاج فى البيت.والنتايج ممتازة جدا جدا.انا بقالى سين بعملها بالطريقة دى.وإن شاء الله هاعمل بكرة واحدة_علشان الشتاء_باكو ريبان القديمة_واووو_مع البدل_والصوف بقى_إنسى.
موضوع جامد جدا
انا عاوز اعرف منك شويه حاجات انا بجرب اركب برفانات بنفسى بقالى سنه وشغاال كويس بس لقيييت اللى بيركب احسن منى 100مره كل ماجى اساله على حاجه يقولى سر المهنه فا انا بصراحه اتكسفت اساله تانى بوص يا باشا بقى انا عاوز اعرف التركيبهب تعتك ومنين انتا فهمنى انتا بتجيب الخامات منين وبكام بعد اذنك طبعااا
هقوللك بقى على حاجه الشخص اللى بيركب دا انا شغاال فى مصنع سيراميك الفا الراجل دا كل مبيعدى بس او يمشى من حته ببقى عارف انوا مشى من المكان والله لما حد بيسالنى علييه فى المصنع بقولهم اذا كان جه ولا مجااش ورحته نفاذه جدا انا قعدت معااه مره يوم كامل هى هى نفس الريحه بتاعه الصبح يارييت تقولى بجد لانى قربت ايأس ممكن المساعده لوسمحت
سؤال بس تانى
ما هو مظهر العطور واييه هو زيت سلفيون وهل ليهم فايده
والماء المقطر بردوا لييه فايده ولا لا
وعاوز اعرف ايه هى الروائح الشتويه والصيفيه
بجد انا مجنون ااوى بالبرفانات بس نفسى ابقى متميز بس مش عارف
منتدي رائع ياشباب
اى حد عنده معلومه جديده في الموضوع يفيدنا يلرجاله