-
شارع السوادن ربنا يرحمنا
السلام عليكم
اكيد كتير هنا عارفين شارع السودان بيبتدى من مقار او من خشب
لحد ميدان لبنان المهم انوا بجد شارع مقرف لابعد الحدود:B4_237:
امبارح وانا سايق فيه كنت حاسس انى بلعب لعبه جتا بس انا كنت متفرج مش اكتر
الطريق كل ميت متر يقف عشان اتوبيس بينزل ولا ميكروباص بيحمل او واحد تايه وماشى على مهلو
ويولع الى ورا ولما يفتح وربنا يكرم تلاقى بلاعات محترمه وشويه واحد بيقطع الشارع وانت وحظك بقى
ولو حولت تقرب من المنى بصات يبقى انت حد داعى عليك ومتقدرش تفتح بقك ولو حولت بس انك تدوس
شويه على الكلاكس يبقى نهارك مش فايت وابقى قبلنى لو روحت :36_6_3[1]:
ده غير موقف مضحك جدا ماشى ورا تاكسى اكسنت وملاكى نيسان جديده
بتاع الصنى شاب روش عمال يغرز وبتاع التاكسى عمال يدو ر على حد يركبوا وبيقف كل شويه بدون حتى تنبيه
طبعا التاني سخنوا على بعض وكانت النتيجه
الاتنين دخلوا فى بعض وياريت وش فى وش ولا وش فى شنطه لا من الاجناب كل واحد قرر انوا يطلع التانى على الرصيف فى وقت واحد
راحوا مسلمين على بعض يعنى حرام والله العربيات الى بتبهدل ديه وديه كل عشان فرق ثوانى :120146b
والاغرب ان الى معاه عربيه قديمه بيمشى مش هامه حاجه دايس وخلاص والاقى واحد راكب فيات 132
مركب جمبوا واحده فرحانه بنفسها وعمالين يكلوا شويه يمشى شمال ويسرح يدخل على اليمين
وانا بقى الى اركز الراجل مش فاضى بالى معاه هيركز فى الاكل ولا فيها ولا فى السواقه :s1[1]:
واجى عند ارض اللوا بعد المهازل الى شوفتها الاقى امين سايب البلطجيه بتوع المكروبصات والمنى بصات فى نص الطريق
وجى عليه بيقولى الرخص قولتوا اتفضل بص فيهم وبعدها بيقولى اركن على جمب قولتوا انهى جمب
الشمال ولا اليمين ولا اصلا الطريق ماشى اساسا عشان اركن راح للظباط قالوا اعمل بيه ايه ده
مالرخص سليمه مش فاهم بيخدها ليه وطبعا حولت اركن بس متحركتش ملى بسبب الزحمه ولقيتوا جى بيقولى اتفضل ومشيت :ask:
وتلاقى واحد طلع دراعه من الشباك عشان تقف وتتحرق بقى لو جى بسرعه مالراجل طلع دراعه
انا مبقتش عارف المهازل الى بتحصل ديه مين سببها بيقولوا بسبب الطغيان الى فى البلد مش فاهم
ده ايه علاقتوا بالى بيحصل وبثقافه البنى ادمين انا اتعديت والله من الناس ديه
الجميل فى الموضوع ان الواحد لازم اعصابه تبقى هاديه مهما حصل
وان شاء الله ربنا يسرها معانا جميعا اسف لو صدعتكوا بس الواحد كان عاوز يخرج الى جواه
-
انا بتجنب المشى فى شارع السودان ده تماما من الكيت كات الى بين السريات
لكن من الجامعه لاول الهرم وفيصل ممكن
-
دة العادي ياباشاا وانت راجع برضو نفس النظام بالضبط والله من كتر اللى بيحصل اتعودت ع كدة وبقيت بهرب من شوراع الداخليه من جوة لحد ما اصول لاخر شارع قبل ميدان لبنان ويا ادخل يمين والف عشان اطلع دائري او اكمل واعدي تقاطاعت وادخل من اول شارع يمين
ش السودان الاخ الاصغر لفيصل وابن عم الهرم ولنا الله .....
-
والله عربيه كارو محمله بتعدى من الحارة اللى رايحه ميدان لبنان للر راجعه الجيزة وفيصل الساعه 3 الضهر وعادى جدا و المينى باص اللى فاكر نفسه راكب عجله وراكب وهو و المينى باص بتاعه على الكنبه اللى ورا عندى
-
-
الشوارع خلاص هتنفجر من كتر الزحمه
-
والله الشوارع كلها بقت عاملة ذى السرك الواحد لازم ياخد حقنة بنج قبل مايطلع بالعربية
-
ياما شوفت فى الشارع ده الويل وانا رايح الجامعه بس الحمدلله بقيت أمشى على كوبرى صفت اللبن من الدائرى وبينزلنى قدام الجامعه بس للأسف أتعمل الكوبرى ده بعد مإتخرجت الحمدلله على كل شئ
-
ده العادي من اهل وشوارع مصر
-
من احد الاسباب اللي خلتني انقل مدينة نصر كان شارع السودان هو كله زفت بس الشارع دة لعنه و هو ضيق و ميكروباصاته كلها الاتوبيسات الكبيرة بس برضة اهون من فيصل و الهرم
Content Relevant URLs by
vBSEO 3.6.0 PL2