لا ياباشا قطع غيار النيو اكسنت مش رخيصه و قارن اسعار قطع الغيار العربيتين من التوكيل
مش تقارن اسعار قطع غيار الأكسنت بره التوكيل و تقارنها بأسعار اللوجان فى التوكيل
عرض للطباعة
ماهو أنا بتكلم عن قطع الغيار من التوكيل:) النيو أكسنت من أربع سنين أول لما ظهرت"كانت قطع غيارها غالية فعلا" انما دلوقتى كلام تانى خالص و أسأل فى التوكيل...على سبيل المثال فلتر البنزين أول لما العربية طلعت كان ب 350جنيه لكن حاليا بحوالى 120 130 جنيه ...هقول احضرتك على حاجة لسه مغيرها فى صيانة ال130ألف و هى طلمبة البنزين...سعرها 450جنيه. ..شوف طلمبة البنزين بكام فى الفرنساوى و لو جبتها من التوكيل مش هتلاقى ميكانيكى بسهوله بيفهم فى الفرنساوى علشان يركبهالك و لازم تتحوج للتوكيل ...على عكس النيو أكسنت بجيب قطع الغيار من التوكيل و الميكانيكى بمنهى السلاسه بيفك ويركب بدون أى عقد لأن الهيونداى سهل جدا فى صيانته و بسهوله بتلاقى صنايعيه بتشتغل فيه...و الله أنا الميكانيكى بتاعى بروفيسير فى شغله و كنت مرة واقف عندة بعمل شغل عربيتى و جه وا حد راكب ميجان و عندة مشكلة و الميكانيكى على طول قاله أنا أسف يا باشا ماليش فى الفرنساوى!
يا اخى لاتقارن الهيونداى بالرينو . تصدق بالله ما تلاقى الرينو ولا الاروبى كله فى السعوديه الا قليل وماركات وفئات معينه عربيات فشلت . تعالوا شوفوا الهيونداى بكل فئاته منتشر زى الرز فى المملكه عربيات ناجحه وممتازة واسعارها معقوله وقطع غيار متوفر عكس الكلام التانى دة كله
اكسنت طبعا...اسرع وانعم وموتورها جامد جدا وقطع غيارها ارخخص
يا جماعة الراجل بيتكلم عن واقع خليجي حيث المساحات شاسعة والعربية الواحد بيجيبها مش علشان يلف بيها حوالين البيت قريب من التوكيل
لان العربية يلزمها انتشار بوكيل كويس وتوافر قطع غيار خارج التوكيل وحد بيفهم في العربية وهيونداي عملت ده زي الممثلات الصاعدات بتعمل شوية تنازلات وبعد كدة بتعزز نفسها لما يبقي لها سعر
وانا من عشاق اللوجان كمواصفات وموجودة هنا الهاف اوبشن يدوي ب35000ريال سعودي والتوماتيك ب37500 ريال سعودي والاتوماتيك فول اوبشن ب 41500 ريال سعودي سعرها ممتاز بس حتبقي اغلي من تمنها في مصر بالجمارك وانا خايف كصيانة من الاتوماتيك علشان بعدين لو جبتها ونزلتها مصر بس هي تستاهل
بس الفكرة هنا في توافر قطع الغيار زي زراعة الاعضاء من سيارات الحوادث وشيل وحط بدل ما تبقي غرامة التصليح عالية في التوكيل والفكرة في مدي توفر قطع الغيار وهنا العربيات ممكن تتخبط بسهولة لان التأمين شغال نار والناس مبيهمهاش صوابع ايديك مش زي بعضها
واحنا تفكيرنا كمصريين بالنسبة للعربية في الغالب مبنغيرش عربيات كتير لان الواحد بيكون دافع فيها دم قلبه وبتبقي واحدة من العيلة عشريين قوي احنا