الرسائل الخاصة ... مع أو ضد

**rodyA113** · 23-09-2010 03:30 PM

بصراحه مش من حقه يشوفها لو اترفع شكوي فعلا ان في حد بيضايق حد لأن غير كده يعتبره تجسس وده حرام شرعا ...لكن لو في اذاي اوك يقدم شكوي وترفع والإداره تاخد اجراءاتها

**FunnyMickey** · 23-09-2010 03:35 PM

وافرضي واحد سافل مثلا قعد يبعت رسائل خاصه لبنت ويقل ادبه ويشتم مثلا

الاداره حتعرف منين
ماهو من المراقبه
انما اللي قاعد عمال علي بطال يستغل سلطته في مراقبه الناس ويشوف وخلاص
ده اللي غلط

بالمناسبه انتي عملتي الاستطلاع ده ازاي
عشان اما ارشح نفسي رئيس جمهوريه عاوز ابقي اعمله عشان اشوف اراء الشعب
:) :)

بس متجيبليش اللي بيفتح الصناديق
عاوزه حقيقي

**A7MED_PHARMA** · 23-09-2010 04:08 PM

7- ممنــوع نقل أى رسائل من على الخاص إلى أى قسم من أقسام المنتدى (أى الرسائل المرسلة على الرسائل الخاصة) لأن تلك الرسائل أرسلها المرسل و هو يعلم أنها ليست للنشر و إن كان بها ما يستدعى الشكوى فمن الممكن إرسالها إلى الإدارة على الخاص أيضا )
ستعامــل هــذه المشاركـــات بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .
• فى حالـة مخالفـة هـذه القاعـدة ثانى مرة سيتـم إنذار ثانى العضـو مع إيقافـه أسبوعيـن.
• فى حالـة مخالفـة هـذه القاعـدة ثالث مرة سيتـم إلغاء عضويتـه.

دي القاعدة رقم 7 من قوانين المنتدى هنا
وإلي بتدي حق الخصوصية للرسايل الخاصة..
الرسايل الخاصة ملهاش علاقة بالمنتدى ..طالما مش ظاهرة على الصقحات الرسمية للمنتدى

وطبعا
موضوع إن مدير الموقع يتلصص على رسايل الاعضاء لبعضهم ...إلي هما إختاروا أنها تكون سرية
دي إسمها قلة أدب

**aymanmaly** · 23-09-2010 05:10 PM

انا ضد اي سبب لقراءة الرسائل الخاصة

فى حالة الشكوى من رسائل تبعث الشكوى الى ادارة المنتدى و عمل الشكوى يعتبر ضمنيا موافقة من العضو بالاطلاع على الرسائل الخاصة للشاكى

بس هى المشكلة فى الرسائل الحاصة فى المنتديات ؟
الحدق يفهم و خليها فى سركم

**nabaster** · 23-09-2010 05:26 PM

الي فهمته من العنوان

موضوع الرسايل الخاصه الي بتتعبت لاخواتنا العضوات

والي بتحمل في طيات بعضها معاني مش كويسه

والي من فتره بعض العضوات اشتكت منها

.................................................. ......................................

نيجي لموضوعنا الاساسي

عموما ان ضد الموضوع ده طبعا

ولو في عضو بيشتكي من رساله معينه او عضو معين

يبعت الرساله علي اليوزر الخاص بلجنة فض المنازعات مثلا

حصل معايا الموقف ده

واتكسفت ابعت الرساله اصراحه

بس فؤجئت تاني يوم ان اللجنه وقفت العضو وبلغتني بده علي الخاص

هل اتوقف بسبب الرساله ولا لسبب تاني دي بقي الله اعلم

.................................................. ..................................

فرصه بالمره اقول لصاحبة الموضوع اهلا بيكي في المنتدي

وبلاش فكرة الانسحاب والكلام الفارغ ده

وسبب ردي هنا لان مواضيع الانسحاب والترحيب مش من طبيعتي ارد فيها (باستثناء فئه معينه)

A.Yakout