*
**
***
****
*****
الفول بيقول
انا لك علي طول
بس انت تقول
انا عايز فول
تلاقيه في العز
وفي الازمات
من غير طوابير
ومن غير خناقات
من غير دنانير
من غير دولارات
وعيالك وانت وكله يبات
متهني وراضي بنين وبنات
بس انت تقول انا عايز فول
والفول بيقول
الفول ده صديق
والفول ده جرئ
وبيفتح جوة المعدة طريق
ويهد قلوع جوة المفجوع
ويسد الجوع يمكن اسبوع
ويعدي ولو في 200 مشروع
بس انت تفكر في الموضوع
وبسرعة تقول انا عايز فول
والفول بيقول
من غيري يا صاحبي هتعمل ايه؟
!هتقولي انا هفطر شاي وباتيه
!واتغدي كباب واتعشي فيليه
طب بكرة يا صاحبي هتعمل ايه؟
طب بعده ازاي تتصرف فيه؟
ده الفول يستاهل حمد عليه
إدعيله يا شيخ ربي يخليه
*****
****
***
**
*
المفضلات