الموضوع: هل تحذير الاخرين من الرادار حرام ؟؟

المشاركة الأصلية كتبت بواسطة samirayad

حينما أستفتيت قلبى

وجدتها حراما

ومن يساعد فى الضحك على لجان المرور ....آثم بلاشك

لأنك ساعدت فى عدم تقويم السائقين مجنونى السرعه

وبالتالى زودت فرصة تعرضهم وتعرض الآخرين للحوادث


لأنه بالبدى كده

لما واحد يتلدع له فى مخالفتين تلاته سرعات

حيتلم ويهدى برضه

وبكده قللنا فرص حدوث الحوادث

يعنى أنا لما ألاغى غيرى بالرعاش أو العالى أو الأنتظار على أن فيه لجان رادار

يبقى بساعد على كثرة المخاطر والحوادث

حلاقى إللى بيقوللى

ياكابتن لطيف .....أشمعنى دى إللى عاوزها صح وبتقول حرام لما نعمل كده

حقوله

أنت بأنتهاجك لمثل هذا السلوك ....بتساعد على زيادة نسبة حدوث الحوادث

مش كده ولا أيه

الله ينور عليك يا هندسة والله انا كنت عايز اقول كده من الاول بس قلت اسيبه يتستفتي قلبه وهو ان شاء الله سوف يوجهه للصح بأذن الله واللى هي الفطرة السليمة اللى جوه البني ادم

المشاركة الأصلية كتبت بواسطة ahamed7405

اسف انا غير متفق مع وجه نظر حدرتك لية لان اقسم بالله لى صديق موت ام سيقة عربيتها فى طريق اوتستراد بسبب السرعة فتخيل لو ده امك او امى كنت هتوافق على مبدائك ده
غير كده الى بيهدوا دول بمجرد لما يعدوا الكمين كل بيطير اسرع من الاول لانهم عرفين ان مفيش اكمنة تانى

انا كان وجه نظري في المبدا نفسة بتاع الردار .. اما انا نفسي فضد السرعة من اساس وانا اصلا واحد كل سواقتي علي 70و 90 واخر سرعة يوم اجيب السرعة بتكون 120 ومش بتكرر كتير ..

المشاركة الأصلية كتبت بواسطة samirayad

حينما أستفتيت قلبى

وجدتها حراما

ومن يساعد فى الضحك على لجان المرور ....آثم بلاشك

لأنك ساعدت فى عدم تقويم السائقين مجنونى السرعه

وبالتالى زودت فرصة تعرضهم وتعرض الآخرين للحوادث


لأنه بالبدى كده

لما واحد يتلدع له فى مخالفتين تلاته سرعات

حيتلم ويهدى برضه

وبكده قللنا فرص حدوث الحوادث

يعنى أنا لما ألاغى غيرى بالرعاش أو العالى أو الأنتظار على أن فيه لجان رادار

يبقى بساعد على كثرة المخاطر والحوادث

حلاقى إللى بيقوللى

ياكابتن لطيف .....أشمعنى دى إللى عاوزها صح وبتقول حرام لما نعمل كده

حقوله

أنت بأنتهاجك لمثل هذا السلوك ....بتساعد على زيادة نسبة حدوث الحوادث

مش كده ولا أيه

وممكن نقول ان السلوك دا بيخلى الناس تمشى مظبوط
انا مش بجادل حضرتك ولا حاجة
كلام حضرتك هو الصح ومنطقى 100% وانا عارف ان كلامى غلط
بس انا ماحبش اى حاجة تدخل فى جيب الداخلية من مال الشعب لانى مش حاسس انهم بيفيدونى فى حاجة يعنى دلوقتى البلطجية بقوا تبع الداخلية...بلاها من دى وزارة وهاعمل اى حاجة عشان مايخدوش مليم من الشعب
ومعظم اللجان بتبقى رشاوى ..يعنى يقولك ادفع لكل امين 20 جنيه وامشى وهانشيلك المخالفة
القصد:ايه الفرق بين المرور وقطاع الطرق؟؟....ياريت اكون عرفت اوصل فكرتى بالسؤال ده
ومرة تانية انا مش بجادل...كلام حضرتك هو الصح لكن مش مع العالم دى
تقبل مرورى

أولا .. احب اشكركم جميعا علي مشاركاتكم و أرائكم

ثانيا.. أنا بأتفق تماما مع الرأي بأن تحذير الاخرين من الرادار خطأ و مش عايز أقول حرام أو حلال علشان موضوع التحليل و التحريم ده موضوع كبير أوي زي ماتفضل الاخ "أبوعبدالله" ووضح لنا

و لكن ...

أيه رأيكم أني لما حذرت العربيات اللي كانت ماشية ورايا أمبارح و كلها عربيات حديثة و معظم اللي كانوا سايقينها شباب صغير و أكبرهم يمكن لايتعدي الأربعين و مع ذلك ظل الجميع ملتزم بحدود السرعة القصوي (100 كم/ساعة) حتي بعد ماعدينا الرادار لأنهم شعروا بمصداقية في تحذيراتي و أستمر الحال علي هذا المنوال ألي حدود العاشر من رمضان و بعض هذه السيارات ظلوا متلازمين طوال الطريق و بعضهم أكمل معي الي طريق السويس

المهم أننا مررنا بحوالي 3 رادارات و 3 لجان و الحمد لله لم تتوقف أي سيارة منهم في أي لجنة

عايز أوضح لحضراتكم نقطة تانية ..
في بعض مراحل الطريق كنا نسير أحيانا علي 120 كم/ساعة و لكن عندما تكون حالة الطريق تسمح بذلك و لاتوجد مناطق سكنية أو أزدحام مروري

اللي خلاني أكتب هذا الموضوع الحيرة مابين أمرين :
- الاول .. أنني عندما حذرت هذه السيارات أستمروا في السير بنفس السرعات المقررة و لم يتجاوزا ألا في حدود كما ذكرت و في مناطق محددة تسمح بمثل هذه الزيادات فشعرت أن تحذيري كان مهم و حقق الهدف بتوعية الاخرين من وجود الرادار و اهمية الالتزام بالسرعة المقررة
- الثاني .. الحيرة من حرمانية هذا التصرف كما أشرت في السابق

و لكن ..
تعالوا نشوف الموضوع بطريقة تانية ..
علي المحور و الدائري توجد لافتات توضح مكان تواجد الرادار !!!
أذا فالتحذير مطلوب و من لا يلتزم بمثل هذا التحذير فهذا خطأه و هذا وزره

بصراحة أنا لسه محتار و لكن ... لو وجدت أن هذه الطريقة ستكون وسيلة لظبط أيقاع الطريق و الحد من السرعات و لو في اماكن محددة تكون محفوفة بالمخاطر فسأتبعها من باب أماطة الاذي عن الطريق

مع خالص تحياتي
م/ سمير الشهاوي

المشاركة الأصلية كتبت بواسطة samirayad

أنا مش ببص للفلوس إللى حتدخل للداخليه ولا غيره

أنا بأبص من منظور عدم الضرر بالآخرين

خطأءك فى حق نفسك أو تقصيرك فى العباده من الوارد أن يغتفر من قبل المولى سبحانه وتعالى

أما خطاءك فى حق الآخرين وظلمهم

لابد أن تدفعه أمام المولى يوم القيامه

وتذكر حديث النبى (ص) عن المفلس

حينما قال (ص)

أتدرون من المفلس .......................صدق الرسول (ص)



بمعنى

أنت أما تشجع واحد وتنبهه أن فيه رادار فى المكان الفلانى

يبقى أنت أشتركت فى جريمه الضرر بالآخرين ...........وهنا الخطر الدنيوى والدينى ومن هنا يجيىء التحريم

فمثلا

نفترض أننى بأعمل السلوك ده ....وبأنبه غيرى لوجود الرادار

وحصل إللى حصل ....وسواق مجنون من إللى أنا نبهتم موت واحد أو عمل حادثه وأضر بغيره

يبقى أنا مشترك معاه ولا لا

هنا السؤال .........والأجابه معروفه

نعم أنا أشتركت معاه فى ألحاق الأذى بالآخرين ...............

يبقى منبصش بأه للى بيخش جيوب وزارة الداخليه

الفلوس بتروح وتيجىء ............أما لو بنى آدم أنا كنت سبب فى موته ( للأسباب السابقه )

أظن ولا أموال الدنيا ممكن تعوضنى عن الجرم الذى أرتكبته بمثل هذا السلوك

والله انا مقتنع بوجهة نظر حضرتك وعارف انها الصح...بس دا فى حالة ان السواقين بيدفعوا فعلا ال150...لكن معظمها بتبقى رشاوى وحاجة تسد النفس من الفساد اللى باشوفه فى اللجان
وهى اكيد غلط لكن حرام فدى مش عارف اقتنع بيها لان قصاد كلام حضرتك المقنع بلاقى فساد يخلينى مقدرش اقتنع بيه مع انه الصح
وشكرا يابشمهندس على كلام حضرتك