لو سمحتوا عايز اعرف اسعار البى ام الموديلات الى فى التسعينات بس الكابورليه (سقف كامل متحرك) و ايه العيوب بتاعته و ياريت لو ذكر اسم الموديل تحياتى
عرض للطباعة
لو سمحتوا عايز اعرف اسعار البى ام الموديلات الى فى التسعينات بس الكابورليه (سقف كامل متحرك) و ايه العيوب بتاعته و ياريت لو ذكر اسم الموديل تحياتى
معلش ح تصبر شويه هنا لحال ما يتم الرد من الاعضاء
ده اسمة e36 وبيبقى من 1991 لحد 2000 بس المنتشر موديلات 93 و94 العربية دي لو أوريجنال بيبقى سعرها من 100000 لحد 140000 وعلى حسب هي مانيوال ولا أوتوماتيك معاها هارد توب ولا لأ معاها ستاره خلفي والجنوط والسقف القماش سليم ولا متقطع وطبعا بيفتح ويقفل كهربا في كل الكابوريلية,أما العربية او جاية نصين استيراد وملحومة بتكلف 60000 ل70000
عيوبها طبعا السقف غالي لو حصل فية حاجة هو تمنة استيراد مش أقل من 7000
ثانيا معظم الكابوريلية مواتير 2000 و2500 سي سي يعني 6 سلندر ودي ضريبتها في السنة مش أقل من 1000 جنية
بس ميزة الكابوريلية في البي ام أنه ماسك سعر وسعرة مبينزلش
ولو عاوز تتأكد أن العربية كابوريلية أوريجنال بتاخد رقم الشاسيه كامل المحفور في البربريز الأمامي وتكشف على الرقم في التوكيل أو أديلي الرقم وأنا أعرفلك
فيه اعلان على كار 100100
العربية 328 تقريبا موديل 96 و مطلوب فيها 195 الف و معروضة من فتره
الف شكر للجميع !!
طبعا لأ سعر السياره مش مبالغ فيه لكن صاحب السياره فاكر إنه مثلا بيبيع موديل 2009!
فيه سيارة E46 2000 325 ci كابروليه بيطلب 195000 جنيه و مضبوطه شكل ل M3!, عداد 80000 كم.
وأخرى E46 2000 325 ci كابروليه بيطلب 180000 جنيه بعداد 104000كم.
سعر مبالغ فيه بدرجه رهيبه مش أقل من 80000 جنيه! معلومه لك ال 328 مثلها مثل ال 325 هتقول طبعا كيف؟؟؟ هذا الشخص يهرج لكن انا هشرح لك
فيه 3 محركات السائده فى السعات الكبيره بالنسبه لهذه السيارات هى ال M50 و ال M52 و ال M54. طبعا فيه محركات جديده للأشكال الجديده لكن انا هينحسر كلامى على حسب الحاله اللى إحنا بنتكلم عليها.
ال M50B25 قدرته 192 حصان, ولم يصدر منه إلا 3 محركات اكبرها بسعة 2494 سى سى (2500 مثل ما بنقول).
و ال M52 صدر منه بداية من M52B20 إلى M52B28 وهو الموجود بال 328 محرك بسعة 2793 سى سى (2800 مثل ما بنقول) بقدرة 193 حصان وفيه منه نوعين M532B28 و M52TUB28 و ال TU المقصود بها Technical Upgrade الفرق بينهم 2 حصان يعنى ال M52B28 قدرته 191 حصان و ال M52TUB28 قدرته 193 حصان! المفترض إن ال E36 من عام 1995 إلى عام 2000 (لأن حتى عام 2000 كان يوجد E36 ليس بمصر و إنما بالخارج كانت محصوره فى الكابروليه و الكوبيه فقط لكن نهاية السيدان فعليا فى الخارج كانت عام 1999 بمصر كانت 1998) ناتى لأخر نوع من المحركات المذكوره بالأعلى وهو ال M54B25 و هذا صدر منه 3 سعات فقط ال M54B22 و M54B25 و M54B30 بالنسبه لل M54B25 هو الموجود بال 525 و قدرته 192 حصان
يعنى فى النهايه تلخيصا:
M50B25 قدرة 192 حصان, ولم يصدر منه محرك بسعة 2800 إنما فقط 2500
M52B28 قدرة 191 حصان, M52TUB28 بقدرة 193 حصان, المحرك الوحيد الذى صدر من بسعة 2800 سى سى
M54B25 قدرة 192 حصان, ولم يصدر منه محرك بسعة 2800 سى سى
بالنسبة للكابروليه فيه لسنة 1997 فى مصر و هتجد لكن مش بسهوله لأنها ليست متداوله بسبب غلاءها! فيه سيارة موديل 1994 كابروليه أصلى و لكن سوفت توب وليست هارد توب معروضه مواصفاتها (السيارة كابورليه اصلى يمكن الكشف فى التوكيل رقم الشاسيه هو رقم الموتور كماليات M3 (عتب و اكصدامات و مرايات و باكتات خارجية و داخلية) اللون اسود فرش بيج جلد طبيعى التكييف تاتش طارة M3 جنط BBS 18 inch اصلى السقف كهرباء يعمل بحالة ممتازة شدادة موتور وعلبة شكمان AC Schnitzer للبيع لأعلى سعر.)
بالنسبه للكابروليه نادر جدا أن تجد سياره ليست بنصفين لكن هذه السياره صاحبها بيقول إنها ليست نصفين عند أتصالى به. كان النصفين فى ال كوبيه و الكابروليه, لكن الكابروليه ساد لسهولة لحامه (لعدم وجود سقف بخلاف الكوبيه)
شىء نسيت ذكره فى ردى إن ال m50b25 بيصل إلى قدرة ال 192 حصان عند 6000 دوره, بينما ال m52b28 بيصل إلى 193 حصان عند 5300 دوره بينما ال m52tub28 بيصل إلى 193 حصان عند 5500 دوره. و تصحيح لمعلوماتى ولك إن ال E36 انتهت بحلول عام 1999 وليس 2000, انتهت بشكل الكابرويه مع نهاية عام 1999. بينما الكوبيه نهاية عام 1998. السيدان مع نهاية عام 1997. اعتذر لقلة معلوماتى فى ردى السابق لأن المعلومات العامه ليست كافيه لكن يجب الرجوع دائما و البحث للتأكد من صحة المعلومات.
الف الف شكر والله افادة عظيمة