حسبى الله ونعم الوكيل

**shiko85** · 26-09-2010 08:34 PM

المشاركة الأصلية كتبت بواسطة zakiali

امال لو رحت مرور فيصل هتعمل ايه .. هتكره العيشة واللي عايشينها انا ساكن اول الهرم وطوابير العربيات يوم السبت ده بالذات بتوصل من مرور فيصل لأول الهرم .. والناضورجية كلاب الحكومه واقفينلك بره يلمو السبوبه .. ياباشا تخلص كله بــ 250 ؟؟ ولو عربية جامده وصاحبها لابس نضارة شمس يهجموا عليه ياباشا كله بــ 500 تخيليو بيلموا كام ألف جنيه حرام في اليوم !! حار ونار فيهم الي جهنم ان شاء الله

مرور فيصل بجد سئ جدا جدا جدا

**hugan** · 26-09-2010 09:16 PM

مفيش مرور في مصر كلها زي مرور السلام
كنت بطلع التصريح الشهري ب80 جنيه
كان بياخدهم المندوب جمعه لو لسه موجود هناك
كل الحكايه ختم النسر وتجديد التاريخ علي التصريح
وقابلت واحد هنا كان بيروح هناك يوميا لمده 3 ايام من الفجر علشان يطلع شهاده بيانات وفي الاخر شاف جمعه لما انا قلت له عليه
اسواء اداره مرور علي مستوي الجمهوريه كلها
وفي الاخر غيرت محل اقامتي علي الزيتون
زكريا عزمي اخر حلاوه مفيش بعد كده خلصت فحص ونمر واستلام رخصه السياره ونقل رخصه القياده كمان في اقل من 2 ساعه ساعتين
بتاخد رقم لو العمليه زحمه شويه يعني لو يوم سبت وتقعد محترم في الكافتيريا لحد دورك وتخلص ورقك كله
ممكن تروح اي وقت ممكن من بعد الضهر كمان
انما مرور السلام عايز الحرق بجاز هو واللي ماسكينه
والله العظيم الناس كانت بتضرب بعض علي الشبابيك
وكان لازم تصلي الفجر وتخرج من بيتك واكيد مش ها تخلص في نفس اليوم كمان