Hyundai i10 or KIA picanto or Speranza A113

السلام عليكم

أنا عايزه أشتري عربيه جديدة بس محتاره جدا بين الثلاث عربيات دول Hyundai i10 or KIA picanto or Speranza A113
ياريت لو حد يعرف يقولي مميزات و عيوب كل واحدة مع العلم إني عايزاها مش أكتر من 60 ألف
ياريت يا جماعة تساعدوني أني أختار من ناحية الثبات و الوسع الداخلي و أسعار قطع الغيار ............
و مين فيهم تنفع إني أسافر بها مع العائله لأماكن زي إسكندرية مش بعيده قوي يعني :biggrin:

أنا لسه هتعلم السواقه جديد فياريت كمان حد يقولي على مكان كويس أتعلم فيه بس يكون في مصر الجديدة و الأسعار كمان بالمره :biggrin:

و ما هي أفضل المعارض اللي ممكن أشتري منها و يكون التقسيط بتعها كويس

و أخيرا ربنا يجازيكم خيرا

picantoooooooo

فى اكتر من مقارنه فى المنتدى لو دورتى هتلاقى... وحضرتك عايزه مانوال ولا اوتو؟ عشان هتفرق فى اختيارك
وانا معايا a113 لو تحبى تعرفى عنها حاجه تحت امرك وملاك كيا وهيونداى هيفيدوكى فى الباقى

البيكانتو احسنهم

البيكانتو وال i10 اعتمادية اكتر عن ال a113

وميزة البيكانتو عن ال i10 رخص قطع الغيار نسبيا والضمان ال 5 سنين

من راي خليكي ف البيكانتو او ال i10

اقتباس:

---

المشاركة الأصلية كتبت بواسطة ashouhdy

picantoooooooo

---

+111111111111111111111

البيكانتو كوري وقطع غيار معقولة وتوكيل معقول نسبيا بس العفشة ناشفة شوية
اي تن تجميع هندي وقطع غيار مولعة بس العفشة انعم
الاسبرانزا تجميع مصري وموتور اقوى بس سعر ارخص

البيكانتو و و و و

pica pica pica ;)

البيكانتو للاسف جودتها افضلهم! و لكن سعرها اعلاهم! الهاف اوبشن ب 62 الف و الفل ب 65 الف (استهبال على عربيه اول ما نزلت كانت ب 48 الف) الهيونداي اي 10 سيبك منها خااااااالص! ملهاش قطع غيار الا في التوكيل و كمان في بعض قطع الغيار مش بتيجي الا بالطلب و مولعه يعني انا فاكر الفانوس الامامي كان ب 1300 جنيه اغلى من الانترا و النيو اكسنت! السبيرانزا عربيه زي ما انت عالرفه صيني: اوسع صالون و اكبر شنطه و اكبر موتور و ارخص سعر يعني تقريبا ب 50 الف حاليا بس! قطع غيارها رخيصه جدا و متوفره في كل مكان و لكن عيبها انها صيني يعني جودة تصنيع قليله و في مشاكل نسبيه في العفشه! انها ناشفه او كده
ممكن تفكري في ال سوزوكي سيلاريو على الاقل ياباني هندي ولا كوري ولا صيني و فيها abs و وساده هوا و ب 60 الف برضه!
كل العربيات دي بتسافر و بتجري لأنها جديدة و ممكن تروح لشرم الشيخ كمان

السلاريو 3 سلندر و1000 سي سي
البيكانتو والاي تن 1100 سي سي و 4 سلندر
الاسبرانزا 1300 سي سي و 4 سلندر و87 حصان

اقتباس:

---

المشاركة الأصلية كتبت بواسطة Nemo0o0o

أنا لسه هتعلم السواقه جديد فياريت كمان حد يقولي على مكان كويس أتعلم فيه بس يكون في مصر الجديدة و الأسعار كمان بالمره :biggrin:

و ما هي أفضل المعارض اللي ممكن أشتري منها و يكون التقسيط بتعها كويس

---

شكرا جزيلا لكل الناس اللي رديت
وياريت حد يجوبني على السؤالين دول عشان محتاجة أتعلم بسرعة و أنزل أجيب العربية قريب :biggrin:

البيكانتو و الi10 تقريبا واحد
الفرق في الشكل و التوكيل
فشوف ايه اللي حضرتك مرتحاله
و توكل علي الله مع استبعاد الاسبيرانزا
و في النهايه ارشح البيكانتو
عشان توكيلها افضل من الهيونداي

A113 عربيه جميله بصراحه معايا بقالها سنه وماشيه زي الفل وكمان اكبر من الاتنين في الحجم وكمان 1300 سي سي الهيونداي والبيكانتو 1100 يعني مع تشغيل التكييف تقريبا 900 وانا بسافر بيها من الاسماعيليه للغردقه تقريبا 06 ساعات متواصله مفيهاش مشكله والحمد لله