طبعا انتم قلتو انى غلط فى المبلغ
فعلا انا دفعت 16 ج فى الصيانة دى
لية؟
انتم فاكرين انى كتبت اكثر من مرة ان فى منصور نظام لما تعمل عدد 4 صيانات متاتلية فى نفس الفرع تبقى الخامسة مجانا و دة فى صيانات ال 25000 و صيانات 50000 و 75000 و 100000 .
دة الى حصل معاية
و ال 16 ج دول ثمن فلتر الزيت
و طبعا انا كدة وفرت حوالى 200 ج قيمة الصيانة
التفاصيل
انا اشتريت زيت موبيل 1 من بنزينة قبل ما ارووح فرع التجمع الخامس علشان الفرع دة داخل بنزينة شل و بالتالى بيحط زيوت شل
رحت المركز استقبلنى المهندس محمود كالعادة و فهمتة ان دى اخر صيانة فى الضمان علشان الضمان 3 سنوات هايخلص اول اكتوبر علشان يغربل العربية
و بالفعل دخلت الصيانة الدورية العادية و تم فيها الاتى
الكشف على البوجيهات
تغير الزيت
ربط عفشة
نفخ فلتر الهواء
تنظيف فلتر البنزين
الكشف العام على العافشة
تدوير العجل
ضبط نسبة المياة
غسيل الماتور بالفوم
الاطمئنان على السيارة بصفة عامة
طيب اية الى طلع موجود ؟
دورة المياة واخذة هواء و فضل ياخذ هواء كثير
وبعد كدة قال الاولسية منفس و عايز واحد جديد
و فعلا حط واحد جيد و ادانى القديم و اخذ هواء تانى

البيض بتاع العربية عايز يتغير و ما ينفعش تغيرة فى الضمان
قلت هعملة برة اوفر

ركب معاية المهندس محمود ( المحترم جدا ) و لفينا بالعربية للتأكد ان كل حاجة بخير

و دفعت ال16 ج و مشيت

المشكلة الى حصلت بعد كدة بيومين
خرطوم المياة الى غيرنا الاولسية بتاعة طلع بينفس مش من الاولسية لاكن من خرم فى الخرطوم و دة خلانى و انا مروح بليل سمعت صوت فى العربية غريب لاقيت تنفيس مياة و بخار من الخرطوم
رحت راكن العربية و تانى يوم جبت حد غيرلى الخرطوم و حطينا مياة حمراء و بعد كدة اخذنا الهواء و عملنا كبس لدورة المياة و اتحلت المشكلة
الى مضايقنى فعلا انى دفعت 85 قيمة الخرطوم و 20 ج مصنعية بس لو كان ممكن اروح التوكيل كنت غيرت فى الضمان بس خفت تحصل مشكلة للماتور لو المياة خلصت قبل ما اوصل
و الحمد لله جت سليمة