ايهما الافضل من حيث قلة الاعطال و المشاكل ؟ و ايهما تشعر انه يتحمل اكتر كعفشة و صاج ؟
ارجو الرد فقط لمن له الخبرة الفعلية مع السيارتين
ايهما الافضل من حيث قلة الاعطال و المشاكل ؟ و ايهما تشعر انه يتحمل اكتر كعفشة و صاج ؟
ارجو الرد فقط لمن له الخبرة الفعلية مع السيارتين
انا امتلكت الفيورا مرة واحدة وال 128 3 مرات واعتقد ان هذا يؤهلنى للإجابة طبقا لل prequalification إللى انت حاططها
الصاج واحد للسيارتين ، وان كنت بحس ا ان تصميم الكبوت بتاع ال128 اللى بيبات جوا الرفارف ووليس على جانبى السيارة وكذلك الشنطة السيدان خفيفة الوزن 128 بيخلى ال 128 ملمومة اكتر، ايضا- وبرغم تأثر السيارتين بالبارومة-لكن ال128 ارحم فى مسألة تأثرها بالبارومة
بالنسبة للمشاكل والأعطال معتقدش ان فيه فرق، ما يصيب هذة يصيب تلك، وان كان يوجد عطل واحد شهير فى ال128 لا يصيب ال 127 والفيورا بسهولة هو انقطاع سلك الدبرياج، لكن باقى الأعطال تكاد تكون نسخة طبق الأصل فى السيارتين وممكن تراجع الموضوع ده علشان تعرف اكتر عن الأعطال الشهيرة فى ال128 وهى نفسها مكررة للفيورا
العفشة برضه ماتفرقش كتير وان كانت ال128 اثبت كثيرا فى السرعات العالية لكن الفيورا تتميز بمرونة اكثر لمنظومة التوجيه
لو هنقيم الشروه على بعضها انا بفضل ال128 كثيرا عن الفيورا لهدوئها واتساعها وثباتها
http://www.nilemotors.net/Nile/showthread.php?t=675
علبتين الشاسيه بيستحملوا اكتر فى الفيورا
الف شكر علي الرد ......
بس عندي كام استفسار كده ارجو الرد عليهم ...... معلش انا طماع شوية :d
-بالنسبة لسلك الدبرياج ليه بيقطع كتير كده في ال128 ؟ و هل الموضوع ده ليه حل ؟ و لو ركبت سلك دبرياج نضيف ممكن يتحمل معايا كام كيلومتر مشي بالعربية ؟ وده بيبقي نوعه ايه ؟
-وانا سمعت كمان من اتنين من اصدقائي كانوا بيمتلكوا 128 قبل كده فترة طويلة قالولي ان فيها مشكلة تانية بالنسبة للجزء اللي رابط العجلتين اللي وراء لحامه علطول بيفك و بيخلي العجلتين اللي وراء مفارقين جامد عن الفرق بين العجلتين اللي في الامام وبالتالي لازم الجزء ده يتلحم كل كام شهر .... هل حد صادف الموضوع ده قبل كده ؟ و هل فيه حل نهائي للمشكلة دي ؟
-وهل فيه حل نهائي لموضوع فتح الشاسيه و العلب في ال128 ؟
للرفع........
كلام الاستاذ سبعاوي وافي جدااا
ولكن بص للاتنين تلاقي شكل الفيورا افضل
السوبر فيورا 5 غيار ال 128 لغاية 89 4 غيار
مش كتير ممكن كل ثلاثة أشهر مثلاً أو كل ستة أشهر حسب الإستخدام
الحل لما يتقطع تغيره (تغييره سهل)
نوعه أصلي إيطالي مفيش غيره تقريباً وسعره حوالي 20 جنيه على قدر تذكري
كلام غريب لم أره مطلقاً وعمره ما حصل معايا في سيارتين 128 خلال حوالي سبع سنين إستخدام شاق جداً
هناك أكثر من حل نهائي:
- 1 - يتم وضع وردة خلف الكوبلن بعد فتح الشاسيه ولن تحتاج لفعل المزيد (وهذا حل عملي ورخيص)
- 2 - يتم إستبدال الأكس في الجنب المفتوح بأكس آخر أطول (آكس ريجاتا مثلاً) أو نقوم بتطويل الأكس في المخرطة (وهذا حل محترف ممتاز)
- 3 - الذهاب لمتخصص شاسيهات لكي يعطي السيارة زرجينة لكي يلم الفتح بتاع الشاسيه (لا أستحب هذا الحل) والمشكلة قد تتكرر في هذه الحالة بعد فترة
الف شكر علي هذا الرد الوافي
باشمهندس أحمد
حضرتك بتقول تغييره سلك الدبرياج لما بيقطع سهل
المشكلة إنه لما بيقطع بيكون فعلاً وقف حال
يعني أنا في 8 شهور قطع مني 3 مرات
وفي الـ 3 مرات وقفت مكاني منهم مرة كان على الطريق الزراعي في اسكندرية واتصلت بميكانيكي جالي وخد القديم وجاب زيه لأن أنا عرفت كمان ان فيه منه 3 مقاسات
ولازم اللي يتركب يكون زي اللي اتشال بالظبط
شايف ان مشكلته انه مش زي مشكلة كتير من اعطال العربية اللي هو انك ممكن تيجي على نفسك وعلى العربية وتمشي بيها وتوصل لأقرب ميكانيكي لأن ساعتها بتقف مكانك والعربية مش بتتحرك من مكانها
هل فعلاً مفيش حل جذري للمشكلة دي؟
أنا كان معايا 28 و سلك الدبرياج فضل سليم لمدة سنة و اللي اعرفه إن دا راجع لحرفية الفني اللي بيركبه و ثانيا لكتر استخدام الواحد للدبرياج و المشكلة دي بتحتم عليك انك يبقى معاك على طول سلك دبرياج احتياطي في العربية
ال 28 ممكن تركبلها بارات في الشنطة و الكبوت عشان تلم العلب و تخليها متفتحش
من عيوب ال 28 إن كل حرامية السيارات بيدورو عليها عشان شنطتها بتتفتح بمنتهى السهولة يعني لو جبتها اوعى تحط اي حاجة ليها قيمة في الشنطة
من عيوبها انها بتسخن بشكل هلامي في الصيف عشان كدا يفضل تحط مياه خضرا في الريداتير
دي المشكلات اللي كانت قابلتني في ال 28 ودي حلولها بس هي مينفعش تقارنها بالفيورا خالص
يكفي ان الفيورا اللي راكب جنب السواق تقريبا بيبقى قاعد على حجره