(:@:) كلمة ونص-18-3- 2008

**sab3aawy** · 17-03-2008 07:29 PM

إكتشفت طريقة جديدة جهنمية لمعرفة الكيلومترات الحقيقة المقطوعة بالسيارة ، بعيدا عن العداد الذى قد يتم اللعب فيه

فلا أدرى حقيقة لماذا يفترض صبى البنزين فى المحطة قدرا من الصداقة والعشم قد نشأ بينى وبينه نتيجة لقيامه ببيع البنزين لى مما يسمح له باعطاء نفسه الحق بالإستناد على سيارتى واراحة ظهره الكريم على معدنها تاركا اثرا لا ينمحى إما فى الطلاء او فى الصاج نفسه

ومثلما يقوم الخبراء بمعرفة عمر الأشجار من عدد حلقات الساق ومعرفة عمر القطع الأثرية من نسبة الكربون المشع الموجود فيها، يمكن كذلك معرفة عمر السيارة الحقيقى بعد الخرابيش والإنبعاجات الموجودة فى رفرف السيارة الموجود فيه باب البنزين

دى حاجة تفلق

**Goodle** · 17-03-2008 07:36 PM

الله يجازيك يا أخ سبعاوي :)

انت سحبتنا في سكة تانية خالص.. ومستني تقول لنا على طريقة سرية من واقع خبرتك الميكانيكية

وفي الآخر وقعتني من الضحك..

أنا لسه في الشغل ما مشيتش والناس اللي حواليا بصوا عليا إيه المجنون ده بيضحك لوحده كده ليه

ربنا يجازيك خير
ويصلح حالي وحالك
قول آمين :)

**mostafabakry** · 17-03-2008 08:03 PM

فكرة برده
بس المشكلة لو الرفرف اصلا متفور يا ريس من كتر عشم الراجل دا خلاه جاب اخره خالص
هههههههههههههههه

**SuMo** · 18-03-2008 12:15 AM

7ram 3lik ya sab3awy da enta moshkla

**د.اسماعيل النجار** · 18-03-2008 02:13 AM

انا قلتلك قبل كدة ياسبعاوى انت مستقبلك فى الكتابة الساخرة
انت من احسن الظرفاء فى هذا الزمن الكيب ---لاتحرمنا من رسمك للبسمه على شفاههنا تقبل خالص مودتى