صباح الفل عليكوا
مبدئيا كدا انا عايز افضفض واخد رايكوا يعني لو الكلام طول متتخنقوش مني
دلوقتي انا بعت عربيتي الاسكورت وعايز اجيب فوكاس ان شاء الله بس في كذا مشكلة وكذا تفكير في دماغي لحد مادماغي ورمت من كتر التفكير
1_تناقض الاسعار عاملي هبل في دماغي ودا بسبب ان الفورد مش منتشرة ومبشوفهاش ادامي في الشوارع كتير فبدور علي معروض للبيع علي النت وهنا بئي تشوف العجب
واحدة 2005 مطلوب 65 الف
واحدة 2006 مطلوب 55 الف
هوب واحدة تانية 2006 مطلوب 70 طب ال15 دول فين الله اعلم
فجأة 2005 مطلوب 55 الف وتروح تسال بتاع قطع الغيار الاقيه يقولي ال2005 دلوقتي ب45 الف
لحد ماخلاص قربت اتجنن
2_لو لاقيت 2005 او 2004 معروضة اخلص ولا الموديل دا شكله بئي قديم؟؟لان من اول 2006 وهم مغيرين الشكل تماما فهحس كدا ان عربيتي (باعتبار ماسيكون يعني) شكلها قديم مع انها لسة موديلها جديد (2005)
بس ارجع واقول العربية اساسا مش موجودة كتير والناس مش هتعرف اوي ان دا شكل قديم ولا جديد والقديم شكله حلو بردو مش وحش يعني
3_لو موديلات من 2003 لحد 2005 بتبدأمن 45 الف مثلا طب انا دلوقتي لو جبت واحدة فرضا علي 55 يبقي انا كدا خسرت 10 الاف مبدئيا غير النزول الطبيعي في سعر العربية بعد كدا يعني شاريها ب55 واجي اتفاجأ كمان سنتين انها ب35 ولا حاجة يبقي ساعتها من 35 ل45 اهون من 35 ل55 حد فاهم حاجة؟؟
4_من اول موديلات 2006 او نقول بالتحديد 2006 سعرها اصوله يبقي كام؟؟؟؟يعني 60 او 65 مثلا؟؟طب ولو كدا يبقي انا غلطان لما افوت شكل جديد تماما عن القديم عشان خاطر 5000 زيادة ولا عادي؟؟؟
والله انا عارف ان لو واحد كان حابب يخدم وقرا الموضوع للاخر زمانه دلوقتي بيدعي عليا
بس بجد مش عارف اعمل ايه لدرجة اني في الاخر بقول ياعم متوجعش في قلبك واشتري نوبيرا او لانسر او ماشابه بس قلبي مش مطاوعني يارب الاقي حد يرد عليا بس من غير مايشتم او يمد ايديه
المفضلات