الموضوع: أفضل ألوان نيسان صني 2011

المشاركة الأصلية كتبت بواسطة moslem_4ever

أنا فعلا شوفت الاستفتاء الجميل اللى حضرتك عملته ده وشبه استقريت على اللون الفضي بس للأسف مفيش منه فرش بيج وده سبب الحيرة اللى انا فيها وللعلم انا كان معايا لانسر بومة كحلى فرش رمادى وتعبتنى فى موضوع التراب ده كتير جدا حتى انها كانت بتترب وهى لسه بتتغسل :c_laugh[1]:
فعشان كده عايز اسأل حضرتك على الفرش الاسود هل حسيت انك ندمت او ان البيج كان افضل وعلى فكرة انا ليا اصحاب عندهم بيج وبيشكرو فيه جدا وبيقولوا مش بيبان فى التراب زى الاسود على عكس ما كنت متوقع

ماندمتش تماما علي الفرش الاسود صحيح هو بيبان فيه التراب بس انت لو كل يومين مسحته بفوطة مش هتاخد منك دقيقة واحدة يبءي خلاص

الفرش البيج برضه بيبان فيه التراب طبعا مش زي الاسود و خصوصا ان مش كله بيج ده فيه اجزاء غامقة تقريبا رمادي فاتح او كده و المشكله في البيج الكبيرة انه بيبان فيه البصمات و البقع اوي و بالذات الفرش بتاع جوانب الابواب الشمواه ده و تنضيفه و العنايه بيه مش سهله زي الاسود و لازم عشان ينضف كويس يروح لحد متخصص زي كار كير مثلا انا مقتنع تماما بالفرش الاسود.

ده بالاضافة ان الفرش البيج مع الوقت بيغمق و بيبدأ حتي التنضيف ميبنش فيه (شوفت عربيات فرشها بيج بعد استخدام كذا سنة) لكن الاسود هيفضل معاك زي ما هو طبعا العربية و هي لسه جديدة لما تتفرج عليها هيعجبك اوي اي لون و اي فرش لكن انت بص بعد الاستخدام لفترة.

و طبعا الفضي مفيش منه فرش بيج و نيسان عندهم حق في كده لان فرش بيج مع فضي بصراحة هيبءي صعب جدا مع ان اللانسر كل الوانها حتي الفضي بينزل معاها فرش بيج مشوفتش فرش اسود خالص للانسر قبل كده لكن اللون الفضي اصلا فاتح من برة و كمان دواخل بيج فاتحة هيبءي المنظر غير عاطفي وده طبعا رأيي انا الشخصي

بالنسبة للون الخارجي طبعا الالوان الغامقة شيك جدا زي الاسود و النبيتي لكن الفاتحة عمليه اكتر.

أفضل لون حاليا من وجهة نظري الفيراني مع فرش إسود (مشكلته الوحيدة انك هتحجز و تستني كتير عشان عليه ضغط اوي)

اللون النبيتى و الرصاصى حلوين