الموضوع: أفضل ألوان نيسان صني 2011

المشاركة الأصلية كتبت بواسطة moslem_4ever

السلام عليكم
مرحبا بكل اهل واصحاب نيسان صني

اريد أخذ أراء حضراتكم وخبراتكم فى اختيار لون السيارة الخارجي الافضل الاشيك والعملي فى نفس الوقت

وكمان ايهما أفضل من الداخل البيج ام الاسود

ارجوا من الجميع المشاركة لان فعلا بثق في أرئكم جميعا وشكرااا

بص يابرنس اللون دة مع فرش بيج على الشكل الجديد كليآ للنيسان صنى دة شيك
http://www.nissan.com.sa/index.php?option=com_.......&view=article&id=131&I temid=162

في الاول والاخر الالوان دي مسألةنسبيا حسب راحتك
لكن فيه الوان بتعطي السيارةشكل فخم مثل الاسود وده بيصلح للناس الكبار الكلاسيكيين بيعطي فخامة
او النبيتي للاشخاص المميزين او اللون الموف الجديد للشباب او البيج اللي هو منتشر بين الجميع
وبالنسبة للفرش الداخلي بيكون البيج مريح للعين ولو عاوزه عملي اكتر يبقي الاسود لانه مش بتبان في اي اوساخ او اتربة

والف مبروك ياباشا مقدما

المشاركة الأصلية كتبت بواسطة raedegypt

بص يابرنس اللون دة مع فرش بيج على الشكل الجديد كليآ للنيسان صنى دة شيك
http://www.nissan.com.sa/index.php?option=com_.......&view=article&id=131&I temid=162

اشكر حضرتك جدا على الرد وياريت تقولى هو اللون ده ايه لان اللينك مش بيفتح للأسف

المشاركة الأصلية كتبت بواسطة yahyaabdelmoez

في الاول والاخر الالوان دي مسألةنسبيا حسب راحتك
لكن فيه الوان بتعطي السيارةشكل فخم مثل الاسود وده بيصلح للناس الكبار الكلاسيكيين بيعطي فخامة
او النبيتي للاشخاص المميزين او اللون الموف الجديد للشباب او البيج اللي هو منتشر بين الجميع
وبالنسبة للفرش الداخلي بيكون البيج مريح للعين ولو عاوزه عملي اكتر يبقي الاسود لانه مش بتبان في اي اوساخ او اتربة

والف مبروك ياباشا مقدما

جزاك الله خيرا ردك يا استاذ يحيى فعلا وافي عشان كده انا بميل للألون الفواتح

المشاركة الأصلية كتبت بواسطة SeaShark

هي دي اذواق طبعا انا كنت عامل استفتاء علي الموضوع بتاع الالوان ده هنا

http://www.nilemotors.net/Nile/157119-2010.html

يمكن يفيدك و برضه شوف انت مرتاح لايه و بتحب الالوان الفاتحة ولا الغوامق

انا بءي كان ليا تجربة أليمة جدا مع موضوع اللون ده
لما روحت اشتري العربية اتفقت مع التوكيل قبلها بساعتين تقريبا ان انا عايز اللون البترولي اللي هو (أزرق سماوي) المهم كله تمام و هما عندهم اللون و لما روحت عشان استلم و خلاص بستلم العربيه و شالوا حتي الورق الابيض اللي عليها من برة و بيغسلوها كانت المفاجأة بالنسبة ليا ان العربية من جوا فرشها بيج و مكنش انا في دماغي خالص موضوع ان في لونين من جوا ده و انا مش بحب موضوع الفرش البيج ده تماما - هو شيك و كل حاجة بس بيتوسخ بسرعة و عايز عناية جامده و انا كمان عندي وسواس النظافة يعني هقضي عمري كله بنضف في العربية من جوا المهم انا اتخانقت معاهم و قولتلهم انتو ليه مقولتوش ان الفرش من جوا في لونين و ان العربية دي هيكون فرشها بيج و مكنش عندهم من نفس اللون فرش اسود.

بس و بعدين انا قررت اني مش هستلم العربية لان فعلا انا مش هقدر استلمها بالفرش الفاتح كده و قولتله انه لازم يغير اللون يا اما اخد فلوسي و امشي و طبعا انا كنت دفعت و الموضوع كان بايخ جدا المهم قالي انا عندي فضي و فرش اسود زي ما انت عايز....

طبعا بعد ما خلاص دفعت الفلوس و كتبنا الورق و ادبست خلاص و كنت في موقف لا احسد عليه بعد ما كنت خلاص هدور العربية و امشي قولتله ماشي مع اني مش بحب اللون الفضي و كنت مضايق جدا اول فترة بعد ما اخدت العربية و عشان فعلا انا مكنتش بحب الفضي بس انا بدأت اني اتعود عليه و احبه.

هو انا ركبت الوان غاملقه و الوان فاتحة

الغوامق زي الاسود و النبيتي شيك اوي و بتدي منظر كويس مشكلتها انها بيبان فيها التراب و الخدوش و بتمتص الشمس اوي و طبعا ما اكثرها في مصر

الفواتح زي الفضي لون رياضي شكله بالليل احلي بكتير من النهار مش بيبان فيه التراب و الخدوش اوي زي الغوامق و بيعكس الشمس الي حد كبير و ميزته للي مش بيحب النواكل من بره انها بيداريها لان الصني فيها نواكل كتير من برة زي الشكبة الامامية و مقابض الابواب و حليات في الشنطة ده غير الاربع فوانيس و خصوصا الفوانيس الخلفيه انها شفافه.

طبعا النواكل دي شكلها مش بيظهر اوي مع الفواتح و بتبان جدا مع الغوامق في ناس بتحب الكونتراست ده و في ناس لا.

أنا فعلا شوفت الاستفتاء الجميل اللى حضرتك عملته ده وشبه استقريت على اللون الفضي بس للأسف مفيش منه فرش بيج وده سبب الحيرة اللى انا فيها وللعلم انا كان معايا لانسر بومة كحلى فرش رمادى وتعبتنى فى موضوع التراب ده كتير جدا حتى انها كانت بتترب وهى لسه بتتغسل
فعشان كده عايز اسأل حضرتك على الفرش الاسود هل حسيت انك ندمت او ان البيج كان افضل وعلى فكرة انا ليا اصحاب عندهم بيج وبيشكرو فيه جدا وبيقولوا مش بيبان فى التراب زى الاسود على عكس ما كنت متوقع

المشاركة الأصلية كتبت بواسطة moslem_4ever

اشكر حضرتك جدا على الرد وياريت تقولى هو اللون ده ايه لان اللينك مش بيفتح للأسف

اكتب Nissan Cars Saudi Arabia
اختار سيارات من تحتها سيارات تانى ومنها اختار صنى تشوف العربيه الشكل الجديد لصنى 2011 الكوريه الصنع