ارجو المساعده

**crazylambada** · 24-09-2010 05:10 AM

ابن خالتي نازل ان شاء الله كمان شهر من بره و عاوزني اشوفله شقه في مدينه نصر او مصر الجديده المساحه مش مهمه بحد اقصى 450 الف جنيه
نزلت سالت عند سمسار بيقولي المتر في مدينه نصر من 4 الاف ل7 الاف و اقل شقه مساحتها 165 و انت طالع و ان كان مفيش حاجه مناسبه بالنسبه ليه ايه الاماكن القريبه لمصر الجديده او مدينه نصر بس تبقى نضيفه و فيها خدمات و ميبقاش فيها لبش و شكرا

**vBulletin** · 24-09-2010 05:18 AM

ربنا يرجعة بالسلامة ان شاء اللة لو الواحد يفتكر زمان كان عندى شقة قرب السراج بعتها بسعر لو واحد سمعة النهاردة كان اتخض المهم لية كدة بس هو نصاب ولا اية السمسار دة بص الشقق فى مدينة نصر بتبقى حسب العمارة والمنطقة والكلام دة كلة
عارف انت مصطفى النحاس فى ظهرة فية شوارع كويسة والشقق هناك 200 متر ب 450 الف وممكن كما ينزل فى السعر شوية بساط بس ما اعتقدش
انا اعرف راجل سمسار كويس جدا فى الحى الثامن مدينة نصر ودة راجل انا عارفة ومجربة بقالى من زمان لو عايز نمرتة ابعتهالك وانت تقولة انك من طرفى عشان يخدمك جامد

خلى بالك سوق العقارات نايم فى مدينة نصر لانة ناس معدودة الى بتشترى وبسبب الغلو بردة فمتخليش السمسار ياخدك صيد لانة الى عندة حاجة فى مدينة نصر دية فرصتة للبيع فاكيد هايتهاون معاك شوية

**crazylambada** · 24-09-2010 05:21 AM

متشكر جدا لحضرتك بس ايه التجمع الثامن مدينه نصر
انا اعرف في مدينه نصر ممدوح سالم المؤتمرات طريق النصر عباس العقاد شارع احمد خيري و شارع مصطفى النحاس
و متشكر مره تانيه لان بجد كنت متضايق علشانه

**vBulletin** · 24-09-2010 05:28 AM

المشاركة الأصلية كتبت بواسطة crazylambada

متشكر جدا لحضرتك بس ايه التجمع الثامن مدينه نصر
انا اعرف في مدينه نصر ممدوح سالم المؤتمرات طريق النصر عباس العقاد شارع احمد خيري و شارع مصطفى النحاس
و متشكر مره تانيه لان بجد كنت متضايق علشانه

ياباشا الناس لبعضها ولا يهمك
مهو الحى الثامن بيبقى مصطفى النحاس عند اولاد رجب مدرسة النهل لو اديت ظهرك للمنهل اخر الشارع هتلاقى النادى الاهلى

وهو عندة حاجات ممكن يبقى عند النادى او قبلة او عباس العقاد بس عباس دة مشكلة اسعارة رهيبة خليك حولية احسن يعنى مصطفى النحاس .او ذاكر الحسين او شارع بن قتيبة الكلام النظيف دوة