مصيبة فى حضانة الازهر النموذجى

**محمد بلال** · 24-09-2010 08:27 AM

انا رحت اطمئن على ولدى فى الحضانة kg2 حضانة الازهر النموذجى ( خاص بمصروفات ) الولد قالى عاوز اعمل حمام نزلت بيه دورات المياه الخاصة بالحضانة لقيت حمام الاولاد جنب حمام البنات الطامه ان دورات المياه دى مشتركة مع تلاميذ الابتدائى يعنى من سن 11:4 سنوات ولقيت عيل كده فى خامسة أو سادسه ابتدائى قاعد فى الحمام وبيعمل حركات العادة السرية انا خفت على ولدى من الوضع ده واحنا بسمع بلاوى عن التحرشات روحت إدارة المدرسة وحكتلهم اللى حصل وطلبت منهم يفصل دورات مياه المرحلة التمهيدية عن الابتدائى ولكن الى الان لا حياة لمن تنادى اصرف ازاى

**dr-mohamed** · 24-09-2010 09:09 AM

وهايبقي الحال على ما هو عليه

**AHMADALY1999** · 24-09-2010 11:14 AM

للاسف الاسهل انك تنقله لمدرسة تانية

**Sherif Khalifa** · 24-09-2010 11:17 AM

و حضرتك عايز حاجة ازهرى لية ؟
علشان انا (طوال) عمرى مشفتش فى مدارس الازهر حاجة عدلة

**Memo_Lancer** · 24-09-2010 11:29 AM

المشاركة الأصلية كتبت بواسطة sherif khalifa

و حضرتك عايز حاجة ازهرى لية ؟
علشان انا (طوال) عمرى مشفتش فى مدارس الازهر حاجة عدلة

+111111111111111111111
كلها فعلا ........ تيت.......

**moody1** · 24-09-2010 12:20 PM

المشاركة الأصلية كتبت بواسطة sherif khalifa

و حضرتك عايز حاجة ازهرى لية ؟
علشان انا (طوال) عمرى مشفتش فى مدارس الازهر حاجة عدلة

فعلا اللى يدخل ابنه مدرسة ازهرية

على اساس انه هيتخرج قمة فالتدين و التقوى و العلم

يبقى غلطان

المدارس الازهرية المستوى التعليمى فيها ضعيف جدا

**esam_comm** · 24-09-2010 01:51 PM

يا جماعه الموضوع مش ازهري وعادي الموضوع الاهم ان لازم يبقي في فصل بين الحمامات فعلا ودي اهم حاجه وماينفعش طفل 4 سنوات يستخدم نفس الحمام بتاع طالب في الصف السادس يعني عز سن المراهقه
نصيحه للاخ استعوض ربنا في المصروفات وماتودهوش تاني احنا هانعلم ولادنا ولا هانجيبلهم عقد لاقدر الله تقعد معاهم طول عمرهم

**محمد بلال** · 24-09-2010 01:54 PM

انا فكرت ان المعهد لو معملش حاجه حبعت فاكس لشيخ الازهر د. احمد الطيب وحخلى الصحافة تتدخل فى الموضوع عن طريق واحد صفحى معرفه والله المستعان

**hany121** · 24-09-2010 01:58 PM

قدم فيهم بلاغ للنائب العام واتصل بجريدة المصري اليوم واحكلهم اللي حصل.. الناس ال... ده ما بتتحركش الا لما تتفضح في الجرايد.. مهم دول من نوعية اللي يخافو ما يختشوش.......