الاميرية او السواح لو حديعرف يفيدني ؟؟؟؟

**M.ABDEEN** · 24-09-2010 08:39 AM

السلام عليكم ورحمة الله وبركاته
حد يعرف فين او اروح ازاي لاكاديمية التدريب اللي في ميدان السواح بجانب بسكو مصر دي فين بالضبط وفي انهي شارع ياريت اللي عارف يفدني ويدلني علشان ماتوهش وشكرا ليكم

**ahmed2y** · 24-09-2010 12:03 PM

انت هتيجى منين

**Adham** · 24-09-2010 12:07 PM

روح ميدان روكسي و امشي من شارع القبة (العبودي على شمالك) و عدي الاشارة بتاعه جسر السويس و كمل حاتلاقي الشارع بيلف يمين ورا قصر الطاهرة كمل معاة حاتلاقي كوبري قدامك اطلعه و لما تنزل كمل شوية تبقى في الاميرية

**gebreel** · 24-09-2010 12:15 PM

بص يا باشا انا شايف انك من التجمع الخامس فهوصفلك من هناك

انت هتاخد محور الna لحد مدينة نصر و بعدين تاخد شمالك اكنك طالع على دائري المعادي هتمر من جنب مقابر المسيحين على يمينك و تلاقي الشارع بيلف معاك يمين بعد ما يلف يمين كمل على طول اتجاه الحي السابع و بمجرد الوصول ليه هتلاقي فندق الشرطة على شمالك و فيه صانية كدة صغيرة كمل على طول بردو بقيت في الموقف على طول هتلاقي نفسك عند رابعة من عند رابعة خد شمالك هتبقى في شارع النصر و المنصة توصل لحد قاعة المؤتمرات تاخد يمينك و تكمل على طول تطلع كوبري الفنجري و تنزل منو و على طول هتلاقي معهد اللغات بتاع القوات المسلحة على شمالك و مستشفى كوبري القبة على اليمين اطلع الكوبري و انزل اول نزلة يمين هتلاقي قصر الضيافة على شمالك لف اول يوترن و خلي القصر يمينك لحد نهاية سور القصر (الشارع ده مليان مطبات خلي بالك) هلتاقي ميدان و بنزينة موبيل قدامك خد شمالك و على طول بعد جراج هيئة النقل العام هتلاقي بسكو مصر على اليمين و اسئل هناك بقى على المكان اللي عاوز تروحو لأني مش عارفو

**=ISLAM=** · 24-09-2010 03:18 PM

حضرتك انا ساكن في السواح بالاضافه لوصفه الاستاذ جبيريل فانا هاقولك علي طريق تاني

من شارع التسعين تاخد الدائري وتنزل نزله طريق السويس في اتجاه الماظه (اللي هيه توديك الي كوبري ال

4.5) تطلع كوبري 4.5 وتكمل علي طول الي دار الاشاره ثم الماظه ثم نفق الثوره ثم روكسي ثم سراي القبه

بعد لما تنزل من كوبري سراي القبه هايبقي قدامك شارع السواح امشي فيه علي طول بسكو مصر علي

يمينك ومعهد التدريب (تقريبا اسمه المعهد الصناعي للتدريب) علي شمالك بعد بنزينه مغلقه

**ahmed2y** · 24-09-2010 08:06 PM

المشاركة الأصلية كتبت بواسطة =islam=

حضرتك انا ساكن في السواح بالاضافه لوصفه الاستاذ جبيريل فانا هاقولك علي طريق تاني

من شارع التسعين تاخد الدائري وتنزل نزله طريق السويس في اتجاه الماظه (اللي هيه توديك الي كوبري ال

4.5) تطلع كوبري 4.5 وتكمل علي طول الي دار الاشاره ثم الماظه ثم نفق الثوره ثم روكسي ثم سراي القبه

بعد لما تنزل من كوبري سراي القبه هايبقي قدامك شارع السواح امشي فيه علي طول بسكو مصر علي

يمينك ومعهد التدريب (تقريبا اسمه المعهد الصناعي للتدريب) علي شمالك بعد بنزينه مغلقه

وحضرتك مبن فى السواح

**=ISLAM=** · 25-09-2010 02:02 AM

المشاركة الأصلية كتبت بواسطة ahmed2y

وحضرتك مبن فى السواح

من عند بنك القاهره

**ahmed2y** · 25-09-2010 10:40 AM

كمان من عند البنك دا احنا جيران بقى انا ساكن وار بنك القاهرة على طول انت ساكن فين هناك بقى يا ترى

**M.ABDEEN** · 25-09-2010 08:01 PM

شكرا ليكم قوي يا جماعة وميرسي لذوقكم

الموضوع: الاميرية او السواح لو حديعرف يفيدني ؟؟؟؟

LinkBack

أدوات الموضوع

عرض

-

المواضيع المتشابهه

ازاي اروح المقطم من السواح

حديعرف سعرلوحة الكمبيوتر لاوكتافيا a52008

حديعرف محل أو مكان أشترى منه كاسيتات سونى دى ؟؟

هو كان في ايه عند كوبري السواح النهاردة ؟

سؤال عن كوبري السواح

الكلمات الدلالية لهذا الموضوع

المفضلات

المفضلات

ضوابط المشاركة