-
سبير كار أم جينز كار
السلام عليكم يا شباب
أريد أن أقوم بعمل فرش لسيارتى , و من واقع ما قرأت هنا فالمقارنة ستكون بين سبير كار و جينز كار
أنا عندى انطباع مبدأى ان الموديلات عند جينز كار متنوعة واشيك , بس الأسعار عند سبير أرخص , والله أعلم
هل يمكن أن تفيدونى ما الفرق بين الاثنين من حيث الأسعار , الجودة , المعاملة .....الخ
-
السلام عليكم
انا مجرب الاتنين في عربيات صديقين ليا اوكتافيا 2009 عند جينز كار و سيفيك 2010 عند سبير كار
بص يا باشا
الفرق الوحيد اللي بينهم هو ان جينز كار بيعملك الفرش تفصيل و علي حسب الخامة اللي انت عاوزها
وده اللي بيفرق في السعر
جينز كار كمان بيتميز بالصنايعية المحترفين اللي فيه بصراحة شدة الفرش علي الكراسي مظبوطة جدا جدا جدا تحس انها فابريكة فعلا
عشان كده جينز كار يستاهل يبقي احسن
بس في المقابل هاتاخد ميعاد في يوم اخر عشان تركب الفرش يعني مش هاتركب الفرش في نفس اليوم
لو هانتكلم في نفس الخامة يبقي شدة الفرش علي الكراسي احسن ده غير ان الفرش اصلا معمول علي مقاسات كراسي عربيتك
اما سبير كار عندهم الفرش جاهز
ينفع يركب لاي عربية
و بالتالي فهو اصلا اوسع من الكراسي شوية بس بردو بيتشد علي الكراسي و مش بيبان انه واسع
بس ده بيخلي الكليبسات اللي بيقفلوا بيها الفرش باينة مع شوية كعورة و كرمشة بسيطة في الزوايا الصعبة
بس في المقابل بتركب الفرش في السريع و انت واقف و بسعر ارخص
الخلاصة
لو عاوز فرش للاستهلاك و خلاص يبقي سبير كار
لكن لو عاوز فرش شيك جدا و زي الفابريكة بالظبط يبقي جينز كار
-
الله ينور عليك يا أسامة
ألف شكر ليك يا باشا على المعلومات دى
-
ايه الحلاوة دي ناس محترفين ويديلك المعلومة زي الموزة المتقشرة
-
انا جربت الاتنين و بجد جينز كار انضف بكتييييير و تمنه فيه
-
ادخل موقع تاني هيقولك سبير كار احسن من الدنيا كلها وفرشه احسن من فرش الشركات الاصلية
هنا المعلومة الحقيقية من اخوة ليس لهم مصلحة او فائدة من اي شخص
-
-
انا بصراحه عامل في سبير كار
وانا عضو في المنتدي التاني
وطبيعي يقولوا كده لانه عامل دعايه هناك
فعلا معاملتهم جميله جدا وناس محترمه اوي
وخصوصا أ/ امير
بس حاجه واحده بس هيا اللي تخليني اقولك روح جينز
اولا : كريم منير عامل هناك والصور بتقول ان الفرش رائع
ثانيا : الفرش بتاعي بصراحه قشر من الكتافات
يعني شايف نص الكرسي الاطراف بتاعته بقي
اللي غايظني بقي انه قشر من الكرسي بتاعي
طب الكرسي اللي جمبي اللي اصلا محدش بيقعد عليه
قشر منين
بس
ده اللي يخليني اقولك روح جينز
مع ان ممكن الفرق يوصل الضعف فعلا لاني عامل الفرش بتاعي ب600 جنيه
-
العالى تمنه فيه
جينز كار قيمه مقابل شغل نضييييييييييييييف أوى
-
ما شاء الله , كل دى ردود فى يوم واحد ؟ :10D5C8w1107:
شكرا لكل من تكرم بالرد , بينا على جينز كار !!
Content Relevant URLs by
vBSEO 3.6.0 PL2