ازاي المعارض بتختار مندوب المبيعات ؟

**mhmdalsaadany** · 25-09-2010 02:24 AM

والله يا سيد بيه كلامك مظبوط انا ليا واحد صاحبي شغال في ياسين بيقلي ان بي ام بتعمل 3 مليار للدعايه منهم مليار للكورسات بتاعت المندوبين ومديرين المعارض حتى هو كان لسه راجع من دوره من شهرين كدا في دبي عن الفئه السابعه فقط مش حتى كله لأ دا تخصص كل موديل ليه كورس فعلا توكيلات محترمه اوي
مش اخونا منصور ولا سمير ريان كاربيراتير والله موت من الضحك

**mohie777** · 25-09-2010 04:26 AM

المشكلة انه مقتنع بان الى بيقوله هو الصح وده الى بيخلى الواحد يتجن ويسبب المكان ويمشى

**MaZaGAngeE** · 25-09-2010 05:00 AM

المشاركة الأصلية كتبت بواسطة mohie777

المشكلة انه مقتنع بان الى بيقوله هو الصح وده الى بيخلى الواحد يتجن ويسبب المكان ويمشى

أيوه صح ده أقنعني ان البومة أحسن مليون مرة من الشارك و ان الشارك قطع غيارها اغلى من الفولفو و البي ام و كمان ضعيفة جدا و موتورها 1500 بس و ان الموتور الصغير النمنم ده من اهم اسباب فشل شركة ميتسوبيشي ككل
بالذمة فيه في الدنيا حمار للدرجة دي ؟

المصيبة السودا ان المدام كانت معايا و انبهرت بكلام الواد و اقولها ده حمار تقولي ازاي ده شغله في العربيات ده اكتر واحد فاهم فيها ازاي شغله و مش فاهم فيه و بعدين البومة و الشارك من نفس الشركة يعني مش هياخد نسبة اكبر لو مخدناش دي و خدنا دي....

شفتوا المصيبة

يعني ابقى راجل ركيب عربيات من 20 سنة و ركبت اغلب الأنواع العالية و الواطية و الجاهل ده يقول اي كلام و الهانم تمشي ورا العك بتاعه
بس على مين وريتها فرق الأسعار بين ريان و بين معارض تانية و صدقت انهم حرامية و نصابين

**Amrrr** · 26-09-2010 02:13 PM

المشاركة الأصلية كتبت بواسطة hugan

لكن هما فعلا مذاكرين كويس شرح نظام القسط وجدوله القسط والفايد ه.

ماهو اغلب الناس اللي بتشتري عربية مش عايز اكتر من كدة وبيجيب العربية على اساس ان واحد صاحب واحد يعرف واحد صاحبه عنده العربية او العربية شكلها شيك وحلو اوي او مليانة كماليات ومش هتلاقي ناس كتير عايزة تعرف معلومات حقيقية للعربية زيك كدة واكيد زي اغلب الأعضاء هنا
باصادف في الشغل ناس كتير مش بيسألوا على حاجة فعلا في العربية غير دفعت مقدم كام وقسط كام وهتقف بكام بعد القسط ياااااااااااااااااااااااا اااااااااه دا كتير اوي !!! وبس كدة
لكن حد يقوللي العربية عاملة ايه ؟ عفشتها مثلا ؟ استهلاك البنزين ؟ التوكيل والصيانة ؟ ................. مفيش الكلام دا