ازاي المعارض بتختار مندوب المبيعات ؟

**MaZaGAngeE** · 24-09-2010 02:05 PM

لأني محب و غاوي العربيات دايما بنزل اشوف ايه الجديد و ايه الأخبار , و كل مرة بدخل معرض أو صالة عرض و أتكلم مع مندوب المبيعات ألاقي الراجل في الضياع و معندوش أدنى فكرة عن العربية اللي بيحاول يقنعني بيها ... و لا معلومات ميكانيكية و لا مواصفات و لا فئات و لا حتى معلومات عامة عن السيارات بشكل عام ...

الناس دي بتشتغل أو ازاي بيتم اختيارهم ؟ على أي أساس ؟
شكله حلو و أمور و مستحمي و دقنه محلوقة و في وسط الكلام كلمة و لا اتنين انجليزي ؟
همه مبيعملوش اختبار معلومات عن السيارات ؟ طب حتى معلومات عامة عنها طيب ...

أنا عايزه لابس أي حاجة , و دقنه طويلة , و مبهدل , بس يديني معلومة سليمة و صحيحة و انا مش طماع عشان يكون عارف كل انواع و موديلات السيارات لأ كفاية قوي العربية اللي بيبيعها حتى من غير ما يكون عارف السيارات المنافسة ليها .. لأ كفاية عليه عربيته بس

و دي ملاحظة مش بس في العربيات لأ دي كمان في الكاميرات و التلفزيونات و الأجهزه الالكترونية عموما ...

هوه فيه ايه بس ؟

**esam_comm** · 24-09-2010 02:08 PM

دي طبيعه الحال يجيبو المندوب ويرموه ويقولو مهو مصري و هايسلك اموره مانت عارف الفتايين

**Abo_Lina** · 24-09-2010 03:22 PM

لازم يكون بيتكلم كتير
حتى لو بيتكلم غلط
المهم مايبطلش كلام

**tigernet** · 24-09-2010 06:13 PM

لان بعضهم بيخدها وظيفة و بس
و لا بيحب العربيات و الكاميرات و التلفزيونات و الأجهزه الالكترونية

**MaZaGAngeE** · 24-09-2010 07:47 PM

دول معندهمش حتى ادنى فكره عن السواقة و لا العربيات خالص

طيب مهو اكيد في ناس بتحب العربيات و ينفعوا .... بلاش دول
طيب حتى يكون عارف بيبيع ايه ....
طيب يدوله دوره او محاضرات عن العربيات

اي حاجة يا ناس ...... لكن يكون ابيض , ماسح , ضياع , غيبوبة كده حرام و الله

**mr_sameh** · 24-09-2010 07:53 PM

فعلا انا دخلت اكتر من معرض واكتشفت ان بتوع المبيعات في الضياع

**sayed911** · 24-09-2010 10:47 PM

همة بص يا فندم ها يكون 100 100 في امور لو قلتلوا احسبلي العربية دي لو ها ادفع 70% من تمنها همة شاطرين جدا جدا جدا جدا في الحسابات المالية ولكن في الأمور التانية ولا كأنه موجود من اساسوا خالــــــــــــــــــــــ ـــــــص كبيروا قوي لو كان حافظ البروشور الخاص بالعربية 200 سيسي وشوية كماليات تيجي تقولوا مثلا العربية حرقها كام في الـ 100 كيلو التجهيزات اللي في المحرك نوع التقنية كفاية انو في سمير ريان يا استاذ لقيت آنسة واقفة في المبيعات فا بسألها عن الكروز بقولها العربية دي كام حصان تقولي نفس متور الأوبترا قلتلها منا عارف متور الأوبترا لكن انا عايز اعرف هل الشركة نزلت فيه اي تعديلات تقولي اصل الكربيراتير بتعها اعلى من القديم قولتها طيب سلام عليكم بقى يادوب الحق انا ولكن همة المفروض فعلا يوقفوا ناس واخدة كورسات في صيانة السيارات ومكيانيزم العربية ونظم التعليق وكده يعني ... بس مظنش مثلا انو في مهندس سيارات او ميكاترونكس ها يبقى عنده استعداد لتجاوبات الشعب المصرى ولكن للأمانة التوكيلات المحترمة فقط هيا اللي بتلاقي ناس فعلا فاهمة في العربيات زي البافارية وغيرها ولكن الله المستعان يا اخي

**MaZaGAngeE** · 25-09-2010 12:19 AM

يا سيد بيه مش لازم يكون عارف تكنولوجيا السياره و لا التفاصيل الميكانيكية ....
لا
انا بس عايزه يكون عارف مواصفات العربية اللي بياكل عيش من وراها

**sayed911** · 25-09-2010 12:29 AM

والله صدقني يا فندم انه برة عنده تفاصيل عن العربية المصنع نفسه مش بيبقى عنده اي بيانات عنها وفكرة التيست درايف ديه موجودة في اي توكيل فيكي يا اي بلد برة مصر انما عندنا انك تكون جربت العربية دي قبل كده ده شئ من القلائل في بعض التوكيلات وبالحجز كمان والله ولكن انا مش بتكلم انه يبقى عارف فيها كل حاجة ولكن على الأقل يبقى بيرد بطريقة تحسسك انه على الأقل فاهم العربية دي بتدور ازاي يكلمني ايه الفرق بين موديل 2009 و2010 مش مجرد بيقوللي تعايش وعيش وجرب ههه ولكن فعلا الله المستعان على اللي احنا فيه واشكرك اخي على طريقة طرحك للفكرة بطريقة جميلة وملفتة وتحياتي لك اخي ..

**hugan** · 25-09-2010 12:42 AM

الوكيل لو السياره مستورده اوالمصنع في مصر ان كانت السياره مصري يطبع ورقتين بلاش كتيب صغير عن مواصفات كل عربيه بالتفصيل المممل والمندوب يذاكرهم ويسمعهم لكل عميل داخل اي معرض يسال عن العربيه اي كان نوعها لو هم فعلا عندهم اهتمام بمواصفات كل عربيه وان في عميل تهمه المواصفات
لكن هما فعلا مذاكرين كويس شرح نظام القسط وجدوله القسط والفايد ه.

الموضوع: ازاي المعارض بتختار مندوب المبيعات ؟

LinkBack

أدوات الموضوع

عرض

ازاي المعارض بتختار مندوب المبيعات ؟ - انشر الموضوع فى :

-

-

-

-

-

-

-

المواضيع المتشابهه

بتختار عربيتك علي اي اساس؟؟

مطلوب مندوب مبيعات

هل مندوب المبيعات بيمضي علي ايصال امانة؟ منتظر ردودكم

حد معاه رقم مندوب hsbc

الكلمات الدلالية لهذا الموضوع

المفضلات

المفضلات

ضوابط المشاركة