عرض للطباعة
السلام عليكم ورحمه الله وبركاته
على مر اسبوعين حتى الان واسعار الخضروات تعدت اسعار الفاكهه بدون سابق انذار
سالت احد اصدقائى فى سوق العبور قال لى ان الارض لم تعطى السنه ده لكن الواقع بيقول لما الارضى لا تعطى ياتى الاستيراد
لكن اللى شاغلنى هو ان السبب الرئيسى لزياده اسعار الخضروات هو التصدير وده مش جديد علينا بنصدر كل شىء على حساب الشعب يجوع يموت مش مشكله المنهم هكسب كام
اتمنى من يعرف السبب يخبرنا
فعلا حصل ضربه شديده السنه دي و المحصول كان أقل من المتوقع علي جميع الأصعده
والدي بقاله 15 سنة شغال في الزراعة هنا في مصر.وأنا شغال في السودان في أكبر شركة زراعية هناك.
اللي عاوز أقوله لحضرتك إن الخضار مش بس هنا غالي.بالعكس ده غالي في كل مكان في العالم.بس أنا هضرب مثل بثلاث دول تهمنا وهي مصر والسودان والسعودية (لأنها أكبر دولة خليجية سكانا وأرضا).
السعودية من حوالي 3 سنين الملك طلع قرار بعدم استخدام المياه الجوفية للزراعة إلا في حدود صغيرة جدا وده لأنهم أسرفوا جدا في استخدامها لدرجة مرعبة ولدرجة إن المخزون الإستراتيجي للمياه الجوفية في خطر عندهم وده أدى بالتالي لوقف مساحات كبيرة جدااااااااااااااا كانت بتزرع خضار وفاكهة مما أدى لنقص في الإحتياجات المحلية بشكل رهيب وده معناه زيادة الأسعار بشكل رهيب جدا ويمكن يأكد كلامي كل المقيمين هناك حاليا.كان الحل الوحيد قدامهم هو الإتجاه لزراعة مساحات كبيرة جدااااااااااا لتعويض الفاقد والنقص في الإستهلاك في بلاد تكون عندها مساحات كبيرة للزراعة وكمان موارد وعمالة رخيص.والبلاد ديه كانت مصر والسودان طبعا.
كل دول الخليج عندها نفس المشكلة ديه وكلهم اتجهوا لنفس الإتجاه لدرجة إن أكبر إستثمارات زراعية في السودان هي أموال خليجية حكومية وخاصة.
الموضوع ده أثر بشكل كبير جدااااااااا على أسعار الخضار والفاكهة في السودان لان أصبحت أغلب المساحات المزروعة يذهب إنتاجها للتصدير للدول اللي ذكرتها لحضرتك. يعني الدول ديه بتستفيد بالمساحات الرهيبة اللي بتقوم هي بزراعتها وكمان المساحات المزروعة محليا بيشتروا الإنتاج بتاعها.ده غير إن أصلا السوق السوداني يعاني من نقص شديد في الإنتاج لدرجة إن متوقع في خلال 3 سنين حدوث مجاعة بسبب إن كل الإنتاج بيتصدر لدول أخرى.
نفس الموضوع ده في مصر بستثمروا في زراعة مساحات كبيرة لحسابهم وكمان فتحوا الباب للإنتاج المحلي لتصديره ليهم في نفس الوقت.
المشكلة دلوقتي إن ده أثر تماما في كمية إنتاج الدول المنتجة مما أدى لزيادة الأسعار بشكل رهيب جدااا لدرجة إنه بيوصل أحيانا لأسعار أكتر من أسعار التصدير.يعني مثلا في السودان كيلو الطماطم في السودان في أشهر الصيف بيوصل ل20 جنيه سوداني يعني تقريبا 8 دولار.مع انه أصلا بتصدر ويتباع في البلاد المستورده بسعر أقل من كده بكتييييير وبالتالي لما أنا أكون زارع مساحة من الطماطم وتكون بتتباع في السوق بسعر معين يبقى أنا ليه أبيعها بسعر أقل؟؟!!!وبالتالي ده مع الوقت بيثبت السعر حتى لو كان سعر الإنتاج أقل من الرقم ده بكتيييييييييييير.
الحاجة الأهم من كل الكلام اللي فات ده هي ان دلوقتي بلادنا بتزرع بالطرق التقليدية جداااااااا وده بيأدي لأن الإنتاج بيبقى أقل بكتير وكمان تكلفة الإنتاج أعلى بكتير.في كون الدول الغنية بيستخدموا التكنولوجيا الحديثة جداا وده معناه إنتاج كبير جدااااااااااا مع تكلفة أقل.وللأسف الناس عندنا مخها صغير جدا ومش بيقدروا يستوعبوا إنهم ممكن يغيروا طريقتهم اللي ورثوها عن أجدادهم.وديه بقى بجد المشكلة اللي هدمر كل الإنتاج الزراعي في بلادنا على المدى القريب جداااااااااااااا.
.
الله ينور عليك:satelite:اقتباس:
المشاركة الأصلية كتبت بواسطة elpasha009
كفيت ووفيت:satelite:اقتباس:
المشاركة الأصلية كتبت بواسطة elpasha009
يقوم يوصل كيلو الطماطم ل 7 و 10 جنيه
حررررام
التقنية الحديثة اللى عندنا فى الزراعة حاليا هى الرى بالمجارى و هتلاقى واحد من الحكومة هايطلع يقولك أن ألأسعار العالمية للمجارى أرتفعت علشان كدة الخضار غلى!:red_indian:
كنت باجيب خضار و الست البياعة قالتلي إن الحر حرق البذور في التربة ..
و العهدة على البياعة :3_3_102[1]:
شكرا لحضرتك على الشرح الوافىاقتباس:
المشاركة الأصلية كتبت بواسطة elpasha009
طب مجرد سؤال
ليه مش بتعملوا فى مصر مشروع زراعى قائم على الاسس العالميه والتكنولوجى الحديث
بغض النظر عن ان مص الاستثمار فيها منيل بنيله لصغار المستثمرين :120146b
اقتباس:
المشاركة الأصلية كتبت بواسطة tyler_durden
دة الحر هو اللي حرق دماغها مش حرق البذور .
ومن امتى والغلاء ليه سبب فى البلد دى
الإجابة ديه محتاجة شرح كتيير جدا هحاول أختصره لحضرتك:)اقتباس:
المشاركة الأصلية كتبت بواسطة blazer
مصر تنقسم لقسمين في الزراعة وهما:
1-أراضي زراعية بطبيعتها وديه كلها يمتلكها الفلاحيين وبيمتلكوا مساحات صغيرة يعني مثلا تلاقي الفلاح يمتلك فدان بالكتيييييير قوي.
2-الأراضي الصحراوية المستصلحة وديه بيمتلكها مستثمرين سواء كانوا شركات أو فلاحيين أو أشخاص عاديين وبرده بتلاقي متوسط المساحه يمتلكها المستثمر أو الشركة في حدود 50 فدان ولو شركة كبيرة ولا حاجة ممكن تلاقيها بتمتلك 1000 فدان مثلا وميكونوش في مكان واحد.
البداية اللي فاتت عاوز أقول منها إن أغلب التكنولوجيا الحديثة بتحتاج مساحة كويسة على بعضها علشان تكون جدواها إقتصادية.وبالتالي علشان تجمع مساحة على بعضها محتاج تقنع 4 أو 5 أشخاص لو هي أرض صحراوية أو تقنع قرية بأكملها لو هي أرض زراعية وأنا لسه قايل في مشاركتي اللي فاتت إن الناس معندهاش إستعداد تتقبل الفكرة إنها تغير من طريقة الزراعة اللي ورثوها عن أجدادهم وده بسبب إن العائد من أستخدام التكنولوجيا الحديثة بيظهر تقريبا بعد 3 سنين.
على فكرة مصر فيها مزارع كتييييير جدا بتستخدم التكنولوجيا الحديثة بس للأسف كل منتجاتها للتصدير فقط وده لأن السعر دائما بيكون أغلى من الإنتاج العادي عشان المزارع ديه بتطبق بعض الإشتراطات الخاصة والمواصفات الخاصة علشان يتوافق على دخولها في البلاد المستوردة.
فيه حاجة كمان نسيت أقولها ان من سنة تقريبا الحكومة رفعت الددعم عن الكيماويات كلها وبقت بتباع بأسعارها العالمية وكمان بدأ يظهر ليها حيتان متخصصين في إستيرادها وده من أسباب ارتفاع الأسعار الحالي.
نسيت أقول لحضرتك ان الشركة اللي أنا شغال فيها في السودان أصلا هي شركتنا وكان هدفها في الأساس إدارة المشاريع الزراعية بالتكنولوجيا الحديثة والحمد لله الشركة في أقل من سنة كبرت وأصبحت أكبر شركة إدارة مشاريع زراعية في السودان لدرجة إن الحكومة السودانية دخلت في شراكة معانا لإيمانهم الشديد إن التكنولوجيا هي الحل.
اللي عاوز أقوله إن وحدة قياس الأرض هنا في مصر هي القيراط والفدان لكن في السودان هي الفدان وأحيانا الكيلومتر لأن الأرض هناك ملهاش حدود.
مثلا السنة اللي فاتت كنا بندير مشروع مساحته 108 ألف فدان يعني أكبر من محافضة الغربية كلها:) وبالتالي نقدر نطبق التكنولوجيا بجميع أشكالها وأنواعها بجدوى إقتصادية رخيصة جدااااااااااااا.
.
اقتباس:
المشاركة الأصلية كتبت بواسطة medo_2060
:satelite:
اقتباس:
المشاركة الأصلية كتبت بواسطة elpasha009
طيب احنا عارفين ان السودان مختلفة فحجات عن مصر ...
بس مفكرتوش تعملو استثمار لية فمصر يفيدنا ؟؟؟؟
مين قال إننا مش عاملين مشاريع تفيد مصر؟؟!!!!اقتباس:
المشاركة الأصلية كتبت بواسطة soma_sooma
لو قصد حضرتك على المشاريع الزراعية فأنا رديت على النقطة ديه في ردي رقم 12.
لكن مش معنى كده إننا مش بنعمل حاجات تفيد مصر.على سبيل المثال كل الموظفيين عندنا من مصر حتى العمالة من مصر,كل معداتنا بنجيبها من مصر معدا بعض المعدات اللي هيا أصلا مش بتتصنع في مصر,كل البذوور والتقاوي بنجيبها من مركز البحوث الزراعية - وزارة الزراعة,ده حتى كل فسح واللقائات الهامة للإخوة السودانيين بنعملها هنا في مصر يعني بنجيب سياحة لمصر.
كل البذوور والتقاوي بنجيبها من مركز البحوث الزراعية - وزارة الزراعة
مهم جدا الجملة دى
البذور بنجيبها من مركز البحوث الزراعية مش من اسرائيل
وسلملى على نينو ابن بتشولح
اظن عرفنا ليش مش بنتقدم مش فى الزراعه بس وفى كل حاجة
أنا مش فاهم حضرتك تقصد ايه بالظبط؟؟؟!!هل تقصد إن البذور اللي في مركز الزراعة جاية من إسرائيل؟؟؟اقتباس:
المشاركة الأصلية كتبت بواسطة amro1965
للعلم بس إسرائيل الدولة رقم واحد بعد أمريكا وهولندا في إنتاج البذور والتقاوي الزراعية.ومن أحسن الدولة اللي بتستخدم التكنولوجيا الزراعية.ومصر للأسف مليانة بذور وتقاوي وأسمدة وكيماويات من إسرائيل وتباع على الملاْ عادي جداااا وللأسف على حسب كلام المزارعين الثقة الحاجات الإسرائيلية بتدي إنتاجية عالية جداااااااااااا بس طبعا الله أعلم بمدى سلامتها للإنسان.
ههههههههههههه سلامة مين بقة دى دول بتدبح فينا هاتيجة منين السلامة دة ولو فى ايديهم كانوا ولعوا فينا وخلصوااقتباس:
المشاركة الأصلية كتبت بواسطة elpasha009
وريحوا نفسهم من الحيازة الاقتصادية الى بيعملوها دية دة بتوع اسرائيل دول ديابة
الحاجة الغريبة ان الدول الاوربية متكاتفة مع بعضعهم مش كل واحد بيقولك يلا يانفسى عشان المصلحة العامة وعشان كدة تلاقيهم الدول مفتوحة على بعض ومش محتاج فيزا
اما هنا سياتك كل دولة غير التانية مع ان فية دول محترمة لكن انا عاذرها لانهم مش لاقين الكلام الى جد عشان ينفذوة لانهم ممكن يكتبوا كلام وكلام وحيلنى بقة عقبال لما يتنفذ الموضوع الاقتصادى دة عايز وقفة من كلة مش من داخل الدولة بس لان من خارجها كمان وعلاقتك مع الدول العربية لانهم فى الاول والاخر اخواتك ومش غرب ولو لاقوك راجل مش هايقولو لا ادام فى مصلحة هاتعم على الكل
الكلام دة كله غلط
لان الرقعة الزراعية بتاعة الفلاحين المصريين بتقل مش بتزيد ليه لاننا بنبنى عليها او بنبورها او بنحاول نعمل عليها مشاريع تانية غير الزراعة
و بكدة الميه اللى هنحتاجها هتقل
صح ولا غلط
الميه فعلا قلت بس قلت اقل من احتياجاتنا للزراعة فمقدرناش نزرع و نسيب المحصول يموت عطشا فزرعنا حاجات تاخد ميه اقل
طب راحت فين الميه
اتحولت من بحيرت السد العالى قبل ما تدخل السد العالى
راحت توشكى
اسرائيل مبتعلبش زينا
اسرائيل امريكا وغيرهم من الدول الاستعماريه زمان كان لما دوله تريد احتلال دولة بتغزوها اما الان اصبح الامر مختلف
مثله مثل تاجر المخدرات يعطيك اول وثانى شمه ببلاش وبعدها اذا اردت الشراء يجب ان تدفع مصارى ماشى شرف ماشى كرامه ماشى عرض ماشى حتى اصبح تاجر المخدرات هو السيد والشمام هو العبد
اسرائيل وامريكا اعطتك الشمه الاولى والثانية والان بدات تحصد بدون ان تلقى عليك دانه او رصاصة واحده واللى عايزاه منك بتاخذه وجزمتها فوق رقابينا
ولا نسينا بذور الطماطم الاتية من اسرائيل التى تعطى محصول وفير اول وثانى سنه وبعدها الارض تموت وتحيا بالمضدات الحيوية اقصد بالاسمده وغيرة كتير واساله يوسف والى
نحن اصبحنا يجب ان نأخذ الجرعه يوميا ولا نموت وعلشان ناخذ الجرعه بأنتظام يجب ان نجوع وتشبع اسرائيل تغلى انابيب البوتجاز وترخص لعشر ثمنها لاسرائيل وحديد واسمنت للجدار العازل وغيرة كتير واذا رفضت تمنع جرعه الحياه لك
اتمنى ان اكون وصلت لحضراتكم حقائق صغيرة للواقع المظلم اللى ببنعيش فيه
لعن الله اناس ضاع الحق بينهم
اقتباس:
المشاركة الأصلية كتبت بواسطة tyler_durden
نفس الكلام الذى ده سمعته من بائع الخضار امس حسبى الله ونعم الوكيل على الذين هم السبب
جبت الطماطم النهارده بعد طول مقاطعه علي 7 جنيه و طماطم تانيه بلدي الكيلو 4 جنيه :) :B4_282:
و قلت للست هاتي كيلوا واحد قالت ليه بس يا استاذ دا انت كنت بتاخد بالسبعه كيلو :120146b و الكلام ان السبب الحر هو الي بيتقال هنا برضه
طب أنا بألاحظ إن بعض الفواكه زي العنب مثلا بيستمر في النمو داخل التلاجة !!
يعني أجيب العنب يبقى الحباية صغيرة كده .. يقعد يومين في التلاجة ألاقي حجم الحباية تضاعف !
مش محتاجين سبب منطقى لغلاء الاسعار احنا فى مصر يا اخواننا ممكن يكون السبب المنطقى دا اقتراب انتخابات مجلس الشعب ولا رئاسة الجمهورية ولا تاجر قام من نومه الصبح قال بيعوا النهارده الطماطم بـ10 جنيه هما مش بيقولوا عليها مجنونه.
على العموم الاسعار فى مصر اقل من دول الخليج.
مصر بتستورد قمح من السعودية عادى خالص ايه المشكلة.
احنا عندنا اراضى شاسعة جدا وقابلة للاستصلاح لكن الاراضى دى بتاعة الدولة ومبتديهاش لحد
والدى رئيس مجلس ادارة جمعية واحد من اهداف الجمعية دى امتلاك أو استئجار الاراضى بهدف استصلاحها
تجيب موافقة الوزير انه معندوش مانع الوزير يعرضها على رئيس الهيئة وهو بدوره يطلب الخرائط الخاصة وبعدين تجيبله مايثبت انها مش تابعة للجيش وبعدين ما يثبت ان مفيهاش آثار ومايثبت انها مش تابعة للاوقاف وما يثبت انها مش محمية طبيعية المشكلة تروح تلاقى الجيش بيقولك بتاعتنا والاثار تقولك بتاعتنا والبيئة تقولك دى محمية من هنا لهنا بتقدر تجيب ما يثبت انها خالية لانك بتكون متأكد من الاول انها تابعة للهيئة كل الاثباتات دى بتاخد سنين وفلوس ومجهود وفى الاخر هنبقى نعمل لجنة لتسعير الارض وفى الاخير هنبقى نعمل مزاد وجرى السنين طار فى الهوا شاشى وانت متدراشى وفى الاخير لا لجنة ولا مزاد.
اظن ان حضراتكوا شفتوا الطريق الدولى الساحلى بصوا على الجنبين بحرى الطريق وقبليه اراضى 100100 هتلاقوا فيها اراضى مستصلحة وشغاله حلو بس مساحتها صغيرة جدا طب ليه صغيره؟ محدش عارف طب الاراضى دى يتعمل عليها مزارع سمكية ملهاش حل وهتوفر آلاف من فرص العمل طب ليه مش مستغله؟
وانا كمان عاوزة اعرف
اه فعلااقتباس:
المشاركة الأصلية كتبت بواسطة Tyler_Durden
العنب
والخيار
واكيد حاجات تانيه
ودا واضح من الهرمونات اللى مالياها :beatdeadhorse5:
دا الفلفل الواحده بقت قد المنجايا الكبيره