الموضوع: انا مش لاقي الفيشه

المشاركة الأصلية كتبت بواسطة meero_boy2000

تمام كده بس بما اننا فتحنا الموضوع بقي انا كنت في التوكيل وقابلت مدير الصيانه هناك الخاص بالكهرباء وكنت بسأله علي شويه حاجات وكان في نص الموضوتع فيشه الاوكتين قالي كل اللي بيتقال عنها وتغيرها علي البنزين اللي هتحطه والكلام اللي بنعمله ده قالي كل ده فاكس واجتهادات دي لزمتها ان انت لو نسيت او غلطت لاي سبب من الاسباب او البزينه حططلك بنزين غلط مثلا اقل من ال 90 في الحاله دي تعدل الفيشه علي البنزين 80 علشان العربيه متسقفش منك ولا تبرجل قالي دي زي الاسبراتير في العربيات القديمه بالظبط بس علي انضف لكن مش لانك تحط بنزين 90 فتغيرها او 92 تغيرها قالي كل ده اي كلام فحبيت اقولكم انا عن نفسي اقتنعت بكلامك بصراحه ومردتش العب في حاجه لان اكيد كلام التوكيل موثوق فيه ومش هيخسر حاجه واللي قال كده مدير الصيانه قسم الكهربا واسمه م-احمد فتحي دايو ابورواش لو حد عايز يتأكد او لو حد بيروح هناك يعني وبالتوفيق

هوه كلامه نفس اللى احنا بنقوله هنا في المنتدى
و دي وظيفتها انها بتعرف العربيه نوع البنزين اللى محطوط فيها فابتظبط الكهربا بتاعتها على اساسه

يعني لما تحط 80 العربيه هاتظبط الكهربا عشان العربيه ماتسقفش بس

المشاركة الأصلية كتبت بواسطة M.Zaher

هوه كلامه نفس اللى احنا بنقوله هنا في المنتدى
و دي وظيفتها انها بتعرف العربيه نوع البنزين اللى محطوط فيها فابتظبط الكهربا بتاعتها على اساسه

يعني لما تحط 80 العربيه هاتظبط الكهربا عشان العربيه ماتسقفش بس

كلامك مظبوط بس وجه الاختلاف ان الناس هنا بتقول ان لو 80 تظبط كذا لو 90 تظبط كذا لو 92 تظبط كذا
الراجل المهندس كلامه انها تستخدم في حاله ال 80 لو هتحطه او لو حطيته غلط لان العربيه مش مؤهله للبنزين ال 80 لكن لو 90 او 92 تسيب العربيه زي ماهي متلعبش في حاجه بس ده وجهه الاختلاف