حاجة كده فكرت فيها امبارح بخصوص العربيات الحديثة

أولاً للناس اللي لسه ميعرفوش، انا اصلاً مهندس الكترونيات خريج اتصالات هندسة القاهرة

في شغلنا في حاجة اسمها الانظمة المدمجة... EMBEDDED SYSTEMS وده اي نظام كمبيوتر لأي جهاز متعدد المهام.. من اول الغسالات الاوتوماتيك للعربيات الرولز رويس... الانظمة دي بتبقى كود بيتكتب عادي جداً بس بيتعامل مع اجهزة مش كمبيوتر خالص.. يعني بنتكتب الكود اللي يقول للعربية انه لو الكونتاكت بيلف والفرامل مش مداسة.. متدورش المارش

اشهر شركة بتعمل الانظمة دي هي VALEO واللي معاه عربية بيجو هيلاقي اسمهم مكتوب على مفتاح العربية

انا كان ليا شرف اني كتبت شوية كود تجربة في النظام بتاع الAUTOMATIC PARKING في البي ام الفئة السابعة

يعني اول درس مستفاد... الكود بتاع الكونترول اللي ف عربيتك ده مظهرش جواها بالصدفة.. في شباب زيي بيكتبوه.. والشباب ده ساعات بيبقى :majd(2): او :beatdeadhorse5: ومش عايز يشتغل عادي يعني :36_1_8[1]:

ازاي بقى بنكتب الكود... بنكتبه على كمبيوتر بناء على امكانيات العربية اللي بنكتبلها، وبعدين بنحطه في عربية ونجرب (البي ام كان جاي معاها مهندس من الشركة عشان لو خيشت يضربنا و يمرمطنا في المحاكم) :policeman:

الفكرة انه طبعاً الكمال لله وحده.. ف عمر ما العربية بتعمل كل حاجة من اول مرة (البي ام مثلاً نسينا نظبط حاجة في السرعة... ف دخلت الركنة بسرعة جداً وهنجت ونورت تشك وبطلت لأن فيها نظلم امان تاني يمنعها انها تخبط نفسها... مشكلة العربية دي :Ta_clap[1]: ) ولما العربية بتدي اخطاء بنروح نصلحها ونجرب تاني

العربية مش بتنزل تتباع غير لما نتأكد انها كل حاجة فيها سليمة... اتأكدوا من ده 100% لكن ساعات ممكن يكون في مشاكل في الهاردوير اللي نزلنا عليه الكود.. دي عربية بالسلامة ع الزبالة او في زبون بيلبسها زي مصيلحي كده :36_6_3[1]:

هل احنا بنجرب كللللللل اخطاء البني ادمين؟ لأ برضوا في ناس بتعمل حاجات او بتحصل حاجات مشوفنهاش قبل كده :B4_237:

طب من وجهة نظري بقى كمصمم للبرامج دي.. ازاي اتفادى انه عربيتي تعمل حركات مش تمام... ببساطة... متعلملهاش على انها فاهمة زي البني ادم.... مثلاً العربية متصممة انه عمرها ما تدور وكمبرسور التكيف شغال.. ف لما بتدور والتكيف شغال.. الكنترول بيطفيه شوية ويشغله.. لكن تفتكروا هيعمل كده صح كل مرة؟ حتى والدنيا برد او حر؟ يا رب طبعاً :ask:

انا اول مرة اركب عربية فيها كنترول... وبقعد وانا سايق افكر في الكود اللي مكتوب جواها.. وهجرب اللي انا بقوله ده.. ونشوف الكنترول هيعيش قد ايه

مستني اسمع رأيكم في كلامي :3_3_102[1]:

طب هو حضرتك عايز توصل لايه بالضبط:shyy:؟؟؟؟

طبعا نتشرف بمعرفة حضرتك ونتشرف بكون واحد من الي كتب اكواد برمجه للبي ام 7 -series معانا في المنتدى ,, طيب انا الي فهمته ان حضرتك عاوز توصل ان العربيه الي بنركبها تبطبق انسب الطرق والاساليب الصحيحه والامثل لظروف التشغيل ونمنعها من عدم ارتكاب ال errors صح كده ولا لا ؟؟!!!!

تاني حاجة انا بقى عاوز اوصل ان حضرتك لو كنت بتاخد كورسات كمبيوتر كنت بتاخدها فين ههههههههههههههههههههههههه هههههههههههههههههههههههه

اقتباس:

---

المشاركة الأصلية كتبت بواسطة esam_comm

طب هو حضرتك عايز توصل لايه بالضبط:shyy:؟؟؟؟

---

تقربيا البشمهندش يقصد ان بعض الناس فكرة ان كمبيوتر العربية دة عجبة
و هو عبارة عن 1 + 1 = 2
ادى الحكاية كلها

انا مع حضرتك ان التكنولجى الكتير له اخطاء برضه
لكنه مفيد جدا ومريح جدا جدا
يعنى الكمبيوتر البدائى اللى كان فى بعض السيارات بيعمل تشك على كل حاجه فى العربيه ويديك تقرير عن الاعطال الموجوده
لكن البرمجه الجديده بتعمل اكتر من كدا بكتير موش مجرد تشييك بل تدخل فى الاوقات الصعبه والحرجه مثل الايقاف المفاجى عند الاصطدام ونظام abs اللى بيعمل على التوقف المثالى والتحكم الجبار فى العربيه
لذلك اكبر مشاكل كانت موجوده زمان فى الاودى لانها كانت نازله بتكنولجى عالى جدا وطبعا مع الوقت بيهنج وبيفقد بعض خواصه

طيب حضرتك الفكرة هل ممكن حضرتك لو مثلا عملة فكرة على عربية مفيش فيها كنترول يونيت اصلا يعني 125 مثلا موديل 69 هل ممكن يركبلها كونترول يونيت بحيث انك تبقى على دراية كاملة بكل مسمار في العربية ولا لازم البرمجة الخاصة بالكنترول دي تبقى في عربية اساسا جاية مجهزة بكنترول يونيت ؟؟ وثاني سؤال هوة فكرة حضرتك بتتمحور على ايه لأني عندي افكار كتير في دكاغي عنها ولكن ما من مجيب :d يعني انا نفسي نركب حاجة زي حساس تحت المراية اليمين والشمال وانا مثلا ماشي على 120 مثلا وحبيت ادخل في الحارة اليمين او الشمال وعربية جاية من البلايند سايد ومش شايفها لكن الحساس عارف انها موجودة لكن انا بقى عايز اطور الفكرة عكس شركة فولفو اللي بيعمل مجرد انذار الحساس يشوف سرعة العربية اللي قدامك قد ايه وبالعد بينك وبينها قد ايه بالضبط ولو مكنش فيه توقف مفاجئ الحساس يدي امر للدركسيون انه يمنعك من انك تلف يمين او شمال في خلال اللحظة دي لتفادي انك ترمي لى حد رمية صعبة وهوة جي بسرعة عالية وراك وافكار غيرها كتير ولكن اظن تنفيذها هنا في مصر ها يبقى صعب وعلى العموم حضرتك فكر في الكود وانا ها افكرلك في الفكرة ذات نفسها :d والله الموفق يا اخي ..

والله كلام حضرتك زي الفل

وانا بردة بكتب اكواد

بس للكمبيوتر مش العربيات :d

اقتباس:

---

المشاركة الأصلية كتبت بواسطة kamalsalem

أولاً للناس اللي لسه ميعرفوش، انا اصلاً مهندس الكترونيات خريج اتصالات هندسة القاهرة


اتشرفت بمعرفتك يا هندسة :satelite:, علي فكرة انا الكترونات برده بس لسه بدرس ( في ثالته هندسة ع شمس )
طبعا انا جنبك زيررررررررررررررررررررررو كبير
هو انت خدت كروسات مايكرو و برمجة فيـــــــــــــــــــن؟؟؟ ؟؟



انا كان ليا شرف اني كتبت شوية كود تجربة في النظام بتاع الAUTOMATIC PARKING في البي ام الفئة السابعة




يا عم احنا مش قدك :36_1_8[1]: , انا اخري اتعامل ب ++c و multisim علي الكمبيوتر


مستني اسمع رأيكم في كلامي

:Ta_clap[1]:

---

الله ينور يا ابو كمال رافع راسنا يا ابني والله طيب ماتفكر ازاي نطور الكنترول بتاع الموزه اللي معانا بالمره وممكن تعمل انت يونيت كامله ونجربها ونركبها بعد الضمان ميخلص فيها كل حاجه
انا مره سائلت عن الكروز كنترول بتاع مثبت السرعه في التوكيل عشان اركبه عندي قالولي مينفعش بس انا مش مقتنع ما الضفيره واحدة والكمبيوتر واحد طيب ايه المشكله اغير الطاره بواحده مالتي فانكشن وخلاص والفيش المفروض جاهزه المفروض
انا مره عملت كدا في عربية واحد صاحبي 308 ماكنش فيها مثبت سرعه كان في الهاي لاين بس طالبناها بالمثبت وكان الفرق 1500 جنيه بس تخيل انا مش عارف امينه مش راضيه ليه تعمله

أولاً أنا سعيد جداً إني عرفت حد في المجال ده هنا في المنتدى .. لأن ده الـ Career الي نفسي أشتغل فيه بإذن الله

أنا رابعة هندسة تحكم جامعة المنصورة

بالنسبة بقى للموضوع

الحل لهذه المشكلة في الـ Machine Learning

يعني العربية لما تحصل مشكلة تحللها وتشوف أسبابها والحلول المناسبة ، وتغير في النظام بحيث الخطأ ده ميحصلش مرة تانية

وده الفرق بين الإنسان والآلة

والتحدي في الوقت الحالي إني أخلي الآلة تفكر زي الإنسان وتجد الحلول المناسبة لأي مشكلة جديدة غير معروفة مسبقاً

واااااااااااااااااااااو :,: :B4_444: هههههههههههه
ماشاء الله عليك يا استاذ كمال و بالتوفيق دائما ان شاء الله


اول تعليق احلي تعليق :shyy: هههههههههههههههههه

برمجة الميكرو كنترولر اللى يشتغل فيها لازم تكون دماغه عالية

لان الغلطة فيها نتايجها صعبة اوى

وانا فرحان جدا ان شباب من عندنا بيشتركوا في مشاريع مهمة لشركات كبيرة زى bmw
ربنا معاك ويزيدك علما

انا كان ليا سؤال لغة البرمجة للانظمة دى ايه

------------------
محمد سالم

شئ جميل جدا أن حضرتك بتشتغل مع بي م ربنا معاك
ثاني حاجة بالنسبة للي عايز توصله لازم نفهم الناس الاول ان العربيات دي زي البشر في قدرة الإحتمال لأن احنا بنعامل العربية دي على أساس انها حتة حديدة ممكن نحملها زي ما احنا عايزين و الكلام دة بالنسبة للماكينات و الأجهزة عموما مش العربيات بس

أخر حاجة ممكن أسأل حضرتك بالنسبة للأكواد هل هي vb و لا #c و لا ++c
و بالنسبة للبرمجة دي طبعا بتكون للمايكروكونترولر و لازم أكون عارفه

همممممممممم
نفس نظرية الكود العادي خالص
بتبقى حاطط كود يشتغل بناء على INPUt معين و ساعتها يطلع الOUTPUT بتاعه

شيء جميل بس مرهق طبعا

اقتباس:

---

المشاركة الأصلية كتبت بواسطة Mzeid

شئ جميل جدا أن حضرتك بتشتغل مع بي م ربنا معاك
ثاني حاجة بالنسبة للي عايز توصله لازم نفهم الناس الاول ان العربيات دي زي البشر في قدرة الإحتمال لأن احنا بنعامل العربية دي على أساس انها حتة حديدة ممكن نحملها زي ما احنا عايزين و الكلام دة بالنسبة للماكينات و الأجهزة عموما مش العربيات بس

أخر حاجة ممكن أسأل حضرتك بالنسبة للأكواد هل هي vb و لا #c و لا ++c
و بالنسبة للبرمجة دي طبعا بتكون للمايكروكونترولر و لازم أكون عارفه

---

هممممم
اظن انها حسب الenvironment اللي هما عاملين عليها
كل دي حاجات مبنية أصلا على ال APIs اللي في الويندوز
و لغة البرمجة نفسها في الأخر مجرد interface او framework زي ما في الدوت نت كده

هما اصلا ممكن يكونوا بيكتبوا بلغة معمولة مخصوص , او على framework فيه mapping من الbinary للغة برمجة معروفة , او حتى يكونوا بيكتبوا الbinary نفسه

انا في انتظار بشغف انه يقول
:)

اقتباس:

---

المشاركة الأصلية كتبت بواسطة sayed911

طيب حضرتك الفكرة هل ممكن حضرتك لو مثلا عملة فكرة على عربية مفيش فيها كنترول يونيت اصلا يعني 125 مثلا موديل 69 هل ممكن يركبلها كونترول يونيت بحيث انك تبقى على دراية كاملة بكل مسمار في العربية ولا لازم البرمجة الخاصة بالكنترول دي تبقى في عربية اساسا جاية مجهزة بكنترول يونيت ؟؟ وثاني سؤال هوة فكرة حضرتك بتتمحور على ايه لأني عندي افكار كتير في دكاغي عنها ولكن ما من مجيب :d يعني انا نفسي نركب حاجة زي حساس تحت المراية اليمين والشمال وانا مثلا ماشي على 120 مثلا وحبيت ادخل في الحارة اليمين او الشمال وعربية جاية من البلايند سايد ومش شايفها لكن الحساس عارف انها موجودة لكن انا بقى عايز اطور الفكرة عكس شركة فولفو اللي بيعمل مجرد انذار الحساس يشوف سرعة العربية اللي قدامك قد ايه وبالعد بينك وبينها قد ايه بالضبط ولو مكنش فيه توقف مفاجئ الحساس يدي امر للدركسيون انه يمنعك من انك تلف يمين او شمال في خلال اللحظة دي لتفادي انك ترمي لى حد رمية صعبة وهوة جي بسرعة عالية وراك وافكار غيرها كتير ولكن اظن تنفيذها هنا في مصر ها يبقى صعب وعلى العموم حضرتك فكر في الكود وانا ها افكرلك في الفكرة ذات نفسها :d والله الموفق يا اخي ..

---

اللي انت بتقوله ده فكر عالي اوي... بس مش سهل. لسه التهاردة الصبح شفت خبر في الاخبار عن الفولفو الجديدة اللي مفروض انها بتقف لو جه بني ادم قدامها.... فشلت وبتشيل الناس عادي جداً.... بتقف بعد الجثة هههههه

اقتباس:

---

المشاركة الأصلية كتبت بواسطة Eng_AmrAllam

والله كلام حضرتك زي الفل

وانا بردة بكتب اكواد

بس للكمبيوتر مش العربيات :d

---

يعني... الفكر واحد والاداة مختلفة

اقتباس:

---

المشاركة الأصلية كتبت بواسطة mhmdalsaadany

الله ينور يا ابو كمال رافع راسنا يا ابني والله طيب ماتفكر ازاي نطور الكنترول بتاع الموزه اللي معانا بالمره وممكن تعمل انت يونيت كامله ونجربها ونركبها بعد الضمان ميخلص فيها كل حاجه
انا مره سائلت عن الكروز كنترول بتاع مثبت السرعه في التوكيل عشان اركبه عندي قالولي مينفعش بس انا مش مقتنع ما الضفيره واحدة والكمبيوتر واحد طيب ايه المشكله اغير الطاره بواحده مالتي فانكشن وخلاص والفيش المفروض جاهزه المفروض
انا مره عملت كدا في عربية واحد صاحبي 308 ماكنش فيها مثبت سرعه كان في الهاي لاين بس طالبناها بالمثبت وكان الفرق 1500 جنيه بس تخيل انا مش عارف امينه مش راضيه ليه تعمله

---

على فكرة... هات كشاف او وقف الكروز بحيث العدادات تبقى في الشمس... هتلاقي العداد بتاع السرعة في مكان كووووول الاشارات بتاعة العربية اللي بتنزل برة.. وده يأكد كلامي اللي قلته قبل كده انه العربيات بتنزل كاملة وبعدين الوكيل المصري بيفك منها كل حاجة... الكروز مجهزة للabs والدليل انه اللمبة في التابلوه... واكيد كل حاجة تانية كده... ممكن تكون امينة مدفعتش تمن الsoftware اللي فيه الabs عشان انت عارف انه التحكم في الفرامل في حالة الabs بيبقى من خلال الكمبيوتر بتاع العربية

اقتباس:

---

المشاركة الأصلية كتبت بواسطة Abdo_Eldesokey

أولاً أنا سعيد جداً إني عرفت حد في المجال ده هنا في المنتدى .. لأن ده الـ Career الي نفسي أشتغل فيه بإذن الله

أنا رابعة هندسة تحكم جامعة المنصورة

بالنسبة بقى للموضوع

الحل لهذه المشكلة في الـ Machine Learning

يعني العربية لما تحصل مشكلة تحللها وتشوف أسبابها والحلول المناسبة ، وتغير في النظام بحيث الخطأ ده ميحصلش مرة تانية

وده الفرق بين الإنسان والآلة

والتحدي في الوقت الحالي إني أخلي الآلة تفكر زي الإنسان وتجد الحلول المناسبة لأي مشكلة جديدة غير معروفة مسبقاً

---

ماهو ده اللي انا بقوله.. انه لو العربية مدربة انها تعمل حاجة... متعدش تتحدى فيها وتتوقع انها كوووووول مرة هتعمل الحاجة الصح

اقتباس:

---

المشاركة الأصلية كتبت بواسطة smsmxxxxxx

برمجة الميكرو كنترولر اللى يشتغل فيها لازم تكون دماغه عالية

لان الغلطة فيها نتايجها صعبة اوى

وانا فرحان جدا ان شباب من عندنا بيشتركوا في مشاريع مهمة لشركات كبيرة زى bmw
ربنا معاك ويزيدك علما

انا كان ليا سؤال لغة البرمجة للانظمة دى ايه

------------------
محمد سالم

---

اولاً شكراً على كلامك وتشجيعك... وثانياً البرمجة على حسب العربية فيها كمبيوتر اد ايه.. البي ام كان فيها كمبيوتر زي بتاع البيت بالظبط.. وزنه 8 كيلو.. ونازل عليه linux او حاجة شبهه كده انا مش خبير linux الحقيقة وكنا بنكتب عليه c++

اقتباس:

---

المشاركة الأصلية كتبت بواسطة Mzeid

شئ جميل جدا أن حضرتك بتشتغل مع بي م ربنا معاك
ثاني حاجة بالنسبة للي عايز توصله لازم نفهم الناس الاول ان العربيات دي زي البشر في قدرة الإحتمال لأن احنا بنعامل العربية دي على أساس انها حتة حديدة ممكن نحملها زي ما احنا عايزين و الكلام دة بالنسبة للماكينات و الأجهزة عموما مش العربيات بس

أخر حاجة ممكن أسأل حضرتك بالنسبة للأكواد هل هي vb و لا #c و لا ++c
و بالنسبة للبرمجة دي طبعا بتكون للمايكروكونترولر و لازم أكون عارفه

---

الكود اللي انا كنت بكتبه كان c++ بس مش كله كده... في شركات اقل شويه في المستوى... بيبقى ansi c اللي هو القديم فوي على مايكرو كنترولر

اقتباس:

---

المشاركة الأصلية كتبت بواسطة tlrsiap

هممممم
اظن انها حسب الenvironment اللي هما عاملين عليها
كل دي حاجات مبنية أصلا على ال APIs اللي في الويندوز
و لغة البرمجة نفسها في الأخر مجرد interface او framework زي ما في الدوت نت كده

هما اصلا ممكن يكونوا بيكتبوا بلغة معمولة مخصوص , او على framework فيه mapping من الbinary للغة برمجة معروفة , او حتى يكونوا بيكتبوا الbinary نفسه

انا في انتظار بشغف انه يقول
:)

---

لأ مش لدرجة الbinary... عارف ايه اللي اتكتبله binary بجد؟ مكوك الفضاء ابولو اللي طلع القمر... الراجل اللي كتب الكود لسه عايش... والسوفتوير بتاع المكوك كله كان 20 ميجا هههههههه

متأسف يا جماعة اني مش برد كتير بس عشان انا مش ف مصر وهعملكوا تقرير قريب عن الحياة والسواقة في بلاد الفرنجة