127سوبر فيورا 950 سي سي موديل 85 مطلوب 19500

**hamadaalo2002** · 17-03-2008 10:19 PM

عربية موديل 85 سوبر فيورا العربية رشة جوة وبرة نضافة ولونها نحاسي,من جوة فرش الفابريكة بتاعها تابلوه شغال 10/10 وكمان العداد الديجتال بتاع البنزين شغال مع العلم انة مش بيشتغل في عربيات تانية كتير ,كوريك الفابريكة بتاعها ,والاستبن بتاعها الاصلي ,4 فرد كاوتش نضاف اوي ,ماتور بيجيب 120 كيلو وحالتها مقبولة,العربية واضح انها مش شقيانة واللي انا فهمتة من السمسار ان العربية مرفوعة 11 سنة ودة واضح,
المشاكل
رشة برة وجوة بس نضافة ولونها نحاسي
حتة بارومة في الفخدة تحت الاستبن
مرايا يمين مش مظبوطة
بس العربية تحس انها متصانة مش متبهدلة قد كدة والله اعلم

الراجل عاوز 19500

والسمكري بيقولي دي حتحتاج لها توضيب ب 3000 جنية بس انا شايف السمكري مش عاوز يمشي البيعه عشان يجيب حاجة من طرفة والله اعلم

تسوي كام؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

**NaderNabil** · 17-03-2008 10:24 PM

كتير 19500 لو رشه جوه طبعا....

لو قصدك علي الفخدتين بس همه اللي مرشوشين من جوه يبقي عادي...لكن لو باقية العربية يبقي مش عادي

**hamadaalo2002** · 17-03-2008 10:27 PM

والله يا باشا العربية دي قصتها
انها بتاعت واحد اشتراها في 85 فبريقة رفعها 11 سنة وبعد كدة استخدمها خفيف
ولسة بايع من شهرين
ورش جوة وبرة بس هية مش مخبطة والله اعلم وحنرفع ونشوف المشكلة في البارومة
بص هوة تقريبا قال 19000 ,وطبعا لسة في كلام

اخلص عللي كام عشان لما ابيع ما اتظلمش ؟؟
البارومة اية الحل؟

**NaderNabil** · 17-03-2008 10:30 PM

البارومة ممكن تبتدي تشتغل فيها كمان شهرين ولا حاجة...علي بداية الصيف و مش هتكلف كتير
اتاكد بس ايه اللي مرشوش من جوه..و ارفع الكنبة اللي ورا و شوف تحتها و شوف تحت فرش الشنطة...

و السعر هيتحدد علي أساس كل ده...لو طلعت نضيفة خلص علي 18000

**aid904** · 17-03-2008 10:31 PM

يا سيدي مدام رشه جوة يبقى تمنها كتير لان مفيش حاجه أسمها رشه جوة نضافه. بس عموما أي عربيه مستعمله 127 هتصرف عليها مش أقل من 2000 جنيه فنصيحه أستشير عفشجي وأكشف علي الموتور

**hamadaalo2002** · 17-03-2008 10:36 PM

شكرا لردودكم يا اخواني وحشوف الرجل بكرة
د
ومنتظر مزيد من الاراء

**thegoodhacker** · 17-03-2008 10:50 PM

طب ما سالتش السمكري العربية حتحتاج 3000 جنيه توضيب ليه ؟
لان حتة البارومة و ضبط المراية مش حيتكلف غير حاجة بسيطة اوي.......
و يتهيالي قبل ما تخلص في العربية دي استشير سمكري تاني علشان يقولك حتة البارومة دي حتتعالج و مش حتبقي ظاهرة بعد كده ولا لا علشان لو حتبقي ظاهرة اعتقد انها حتعيب العربية ......
بالنسبة للسعر اعتقد كتير اوي خصوصا انها راشة جوة

**hamadaalo2002** · 17-03-2008 10:55 PM

المشاركة الأصلية كتبت بواسطة thegoodhacker

طب ما سالتش السمكري العربية حتحتاج 3000 جنيه توضيب ليه ؟
لان حتة البارومة و ضبط المراية مش حيتكلف غير حاجة بسيطة اوي.......
و يتهيالي قبل ما تخلص في العربية دي استشير سمكري تاني علشان يقولك حتة البارومة دي حتتعالج و مش حتبقي ظاهرة بعد كده ولا لا علشان لو حتبقي ظاهرة اعتقد انها حتعيب العربية ......
بالنسبة للسعر اعتقد كتير اوي خصوصا انها راشة جوة

السمكري بيقول 3000 علي اساس يظيب البارومة اللي في العربية مع رش العربية تاني في الكامل لانة بيقول محتاجة وش ليها ,وبيقول لما تيجي تسمكر او تصلح معرض ان حاجة تفتح معاك فوانيس اي حاجة فممكن توصل 3000

دي وجهة نظره بس العربية شكلها متصانة غير كل اللي شفته

وفي وجهة نظرك يا باشا تسوي كام؟؟؟

**thegoodhacker** · 17-03-2008 11:31 PM

نصيحة لو البارومة فيها كتير ابعد عنها احسن بلاش وجع دماغ خصوصا لو كانت في دواخل العربية زي الفخد و البطيخات و ارضية الشنطة والقوايم.....
بالنسبة للسعر انا مش حاعرف اديلك رقم لانك ما قلتليش هي فعلا محتاجة تترش برة ولا لا و كمان كمية البارومة اد ايه و مكانها فين ؟
في رايي لو عربية زيها سليمة بس راشة دواخل و مافيهاش مصروف ممكن ادفع 17000 في ظل الاسعار الحالية......
لو عربية فابريقة جوة و مش محتاجة حاجة تلاقيها تخلص علي 18000 او 18500
وبرضه اسمع راي بقية الاعضاء

**hamadaalo2002** · 17-03-2008 11:35 PM

بص يا باشا الباروما في حتة جمب الاستبن بشوية وصغيرة ,وفي حتة في الباب اللي ورا السواق وصغيرة ودة اللي شفناه

حالتها من برة حلوة لكن مش لسة مرشوشة قريب

جوة الصالون كلة فابريكة تابلوة كراسي سقف