ان شاء الله واحد صحبة هيشترى جراند بونتوا المانويل الى ب 90 و عايز بامانة اعرف مميزاتها وعيوبها ونظام التوكيل وقطع الغيار وموجودة برة ولا لالا ؟؟؟؟؟؟؟؟؟؟؟
عرض للطباعة
ان شاء الله واحد صحبة هيشترى جراند بونتوا المانويل الى ب 90 و عايز بامانة اعرف مميزاتها وعيوبها ونظام التوكيل وقطع الغيار وموجودة برة ولا لالا ؟؟؟؟؟؟؟؟؟؟؟
حضرتك تقصد جراند بونتو ولا بونتو ايفو ؟؟
على العموم العربيتن واحد مع اختلاف الشكل برة و جوة
رأي ان مميزات السيارة:
1) انها واسعة من جوة بالنسبة لفئتها
2) الفرامل بتاعتها ما شاء الله جبارة و بتكلبش ف الارض
3) الاستابيلتي بتاعتها حلوة جدا و لا تقل كثيرا عن الالماني
4) موفرة جدااااااا ف استهلاك البنزين
5) فيها اوبشنز كتيير مخلياها متفوقة على سيارات في نفس الفئة و لكن اغلى
6) قطع غيار غالية حبتيين بس معمرة
7) مريحة جدا في السواقة
8) امان عالي جدا
9) اصبحت عربية مطلوبة و اعادة البيع مبقاش صعب ذي زمان ( عن تجربة )
_______________
العيوب :
1) سحبها مش قوي للدرجة بأنها تشد مع سيارات 1600 و السبب انها سيارة مدينة مش sport car
2) قطع غيار غالية
3) الموتور مش متقفل تحتية كلة ... مجرد الحتة بتاعتو بس ... و دة يسبب دخول بلاوي من تحت ... و ممكن تمشي فوق حاجة عالية تبوز حاجة جوة ( الصراحة محدش حصلو قبل كدة حاجة بسبب الموضوع دة ... بس بردة لازم نأخذ في الاعتبار
ممكن يكون فية عيوب اخرى او مميزات اخرى انا ملحظتهاش لكن اكيد الاعضاء الاخرين هيقولو عليها
التوكيل لم اتعامل معة فمقدرش احكم
على العموم العربية فعلا محترمة جدا و تنفع لمصر كعادة عربيات فيات من زمان :Ta_clap[1]:
تمام
رقم 3 في العيوب
انا مريت بيها :120146b
بس عديت علي خير
و طلعت في الكساحة العرضية اللي تحت الموتور مباشرا
ف اللي هجيب ايفو
انصح بتقفيلها من تحت الموتور
العربية ممتاززززززززززززززززززه
كستي كار
بس عايزه شوارع نظيفة تمشي عليها ( عفشة نشفة ) و بتبان في المطبات
اووووعي تفرمل مره وحده ( فرامل فظيعة ) >>> عربية هاتلبس فيك من وراء عدل
ملحوظة ( كل ما اشوف عربية جراند الاقي دهرها مخبوط )
و ثبات من هنا لبكرة في السرعات العالية
اما السحب ف هي احسن سيارة في فئتهـــــــــــــــــــــ ـــــــــــــــا:36_6_3[1]:
عربية جميلة جدًا
وأنا جربت سواقة الموديل ال ستبترونيك
جميلة وفراملها جامدة جدًا
لدرجة إنها ممكن تدايقك لما تكون بتسوقها لأول مرة
ولازم تكون رجلك على الفرامك حساسة جدًا
:b4_388:
يا جماعه مش عارف انتوا ليه شاغلين نفسكوا بموضوع التقفيل بتاع الموتور دة ليه؟؟ انا كان معايا سيينا 8 سنين وعمرى ماشتكيت من الموضوع دة ودلوقتى معايا بولو من سنه وبرضه ماشتكيتش من الموضوع دة خالص.. دة مش عيب وغير كدة الاكصدام مقفل ربع العربيه من تحت..
موضوع بسيط بجد و مالوش مشاكل..
بس اجمالا البونتو ايفو او الجراند بونتو ممتازين بمعنى الكلمه وان شاء الله يوفقك فى الاختيار
شكرا بجد ع الموضوع انا رضو بفكر اشتري جراند بونتو قريب
أنا ليا إستفسار بخصوص ألبونتو إيفو أنا عجباني العربية بس خايف لا تكون مصارفها كتير ( من بنزين و قطع غيار) ده بجانب إني نزلت الكتالوج بتاع ألبونتو و ألبونتو إيفو و مكتوب فيهم إن البنزين لازم مايكونش أقل من 95 . فى هل المصاريف بتاعت ألإيفو كتيرة و بالنسبة للبنزين ممكن أحط 92 عادي ولا هيكون ل تأثير وحش على الموتور و شكرا
قطع الغيار فية منها المعقول و المبالغ فية حبتيين و اسعارها في الموضوع دة http://www.nilemotors.net/Nile/144402-a.html
اما البنزين ف حط 92 عادي و العربية موفرة في البنزين مووووووووووووووت ... انا واحد صاحبي لما اللمبة تنور يحط فيها ب 20 جنيه بنزين بتودية من مدينة نصر ل 6 اكتوبر و تجيبه تاني ( المسافة حوالي 140 كيلو رايح+ جاي ) و هو بيحرق عليها كمان :3mla:
هو أنا فعلا قرأت إن فيه ناس كتير بتحط للبونتو بنزين 92 بس أنا خايف ليكون فيه تأثير وحيش على الموتور لأن في الكتالوج مكتوب إن نسبة الأوكتان بتاعت الموتور هي 95 و نسبة انضغاط الموتور هي 11 . فخايف على المدى البعيد إن يكون إل 92 له تأثير سيئ على العمر بتاع الموتور. سؤال أخر، أنا سألت على سعر الفانوس الأمامي في التوكيل و كان سعره في حدود أل 1200 جنيه ، هل يوجد بدائل (تايواني أو تركي) باسعار أقل ؟ ( أنا مهتم بل بونتو إيفو بس هي عمتن هي هي الجراند بونتو). شكرا