كلبش الدريكسيون

**عمرو عبيد** · 28-05-2007 12:08 PM

لو سمحتم فية نوعين من الكلابش واحد بمفتاح و التانى بارقام مين الأحسن و الأصعب فى الفك

**sab3aawy** · 28-05-2007 12:17 PM

انا طول عمرى بستعمل ابو مفتاح وشايف انه معقول، لأنك بتفكه بسهولة لما تيجى تركب السيارةن لكن ابو ارقام هيغلبك جدا فى ترتيب الأرقام، وهتبقى مشكلة لو انت عايز تتحرك بسرعة بالعربية

**M_ElSabaa** · 28-05-2007 06:36 PM

احسن نوع زى ما قال سبعاوى هو المفتاح بس هو فى اكتر من نوع للكلابش ابو مفتاح . فى بمفتاح عادى وفى بمفتاح غير فابل للنسخ وبيكون المفتاح ليه راس مدببة كدة وكمان النوع بيعتمد على وزن الحديد فى الكلابش وفى واحد فى شارع دمشق فى مصر الجديدة قدام ابراهيم بتاع الاستيكر انا جبت من عنده و خليت كل اصحابى جابو منه وهو عنده ابتداء من 30 الى 60 جنيه كل الانواع

**hamtle97** · 29-05-2007 09:30 AM

سؤال الى الاصدقاء المحترمين

مالفرق بين كلابش الدبرياج ( اللى يربط بين الدريكسيون و دواسة الدبرياج )
وكلابش الدريكسيون ( اللى يركب على الدريكسيون فقط )
ارجو توضيح الفرق فى طريقة العمل بين النوعين وانهى الافضل فيهم والاسعار
خالص شكرى وتقديرى

**sab3aawy** · 29-05-2007 09:57 AM

الكلابش اللى بيربط الديريكسيون فكرته انه بيمنع دوران الطارة لأن لو حاولت تلف الطارة لازم هايخبط فى الكرسى او الباب او اى حاجة، اسهل فى الربط والفك من النوع اللى بيربط الديريكسون فى الدبرياج او الفرامل، وهذا النوع (بتاع الديريكسيون فقط) هو الأكثر انتشارا فى العالم، كما انه انسب للعربيات الأوتوماتيك حيث انها بدون دبرياج
الكلابش اللى بيربط الديريكسيون فى الدبرياش بيعيق استخدام كلاهما ، اصعب الى حد ما فى الفك والتركيب من النوع بتاع الديريكسون فقط، ولكنه اكثر انتشارا فى مصر
بالنسبة للأفضلية فالإتنين مزعجين جدا لأى لص سيارات والأفضليه فيهما تتوقف على راحتك النفسيةن بس لو عربيتك اوتوماتيك يبقى هات النوع بتاع الديريكسون بس

بالنسبة للسعر فتقريبا واحد، يعنى لو الإتنين من نفس الشركة المنتجة هتلاقيهم بسعر واحد

انا عن نفسلا بستعمل النوعين

سبعاوى

**ihab** · 29-05-2007 11:36 AM

انا جبت واحد من التوفيقية بيبقى ليه 3 استخدامات:
1 - من الدركسيون للدبرياج
2 - على تارة الدركسيون
3 - يعمل على فرامل اليد و عصا الفتيس
و سعره كان 55 جنيه

**Karim_Monir** · 29-05-2007 02:23 PM

في نوع ايطالي جامد جدا جدا بتاع دركسيون بس شكلة عامل زي مضرب البيسبول
وكبير والمفتاح بتاع شكلة عجيب ومكن المفتاح غاطس جوة حاجة جامدة ماينفعش يتكسر خالص
بس تمنة غالي قوي
200 جنية عند اراب كوم
بس مش غالي علي عربيتك
وفيه ميزة تانية
ينفع شومة في الخناقات
:mrgreen: :mrgreen: :mrgreen: :mrgreen: :mrgreen:

**Ahmed Hassan** · 30-05-2007 01:30 AM

يا كريم... مينفعش تيجيبلي واحد هديه؟

**Abdallah** · 30-05-2007 01:57 AM

احمد يا حسن, انت داخل على طمع ولا ايه
خليهم اتنين يا ابو كنزى :D

-

الموضوع: كلبش الدريكسيون

LinkBack

أدوات الموضوع

عرض

-

-

-

-

-

-

المواضيع المتشابهه

كلبش عجل السياره

حكايتى مع كلبش المرور

حكايتى مع كلبش المرور

هو كلبش الدريكسيون فعال وللا مالوش لازمه

الكلمات الدلالية لهذا الموضوع

المفضلات

المفضلات

ضوابط المشاركة