سيراتو sx 2011 حاجة تنرفز من الوكيل

**islamelwahsh** · 24-09-2010 05:32 PM

بقالي تقريبا سنة بفكر اشتري سيراتو SX و قلت ان شاء الله على 2011 لما ابيع عربيتي و ييجي التوكيل تقريبا يخلي ال sx زي ال ex و يشيل
- التكييف التاتش ليه؟؟؟؟؟؟؟
- الجنط ال 17 موافق علشان مشاكله يمكن ال 16 احسن بس كان المفروض يخلي نفس شكل ال 17 التحفة
- بدل ما السعر يقل الفين جنيه لأ ازاي لازم يزيد

بجد الواحد ابتدى يفكر انه حيبقى خسران لما يجيبها ب 121 الف اللي فيها فتحة سقف و يبقى زي اللي 109 الف بس الفرق فتحة السقف فقط

**M.Radwan** · 24-09-2010 05:48 PM

طب ما تجيبها خليجي؟

**hazem89** · 24-09-2010 05:53 PM

انا برده زعلت لما خلو sx شبه ex بس فى فئه نازله ب 122,000 تكييف تاتش و سمارت كى و جنط 17 اعتقد هما حطو الفئتين قريبين من بعض يعنى فرق 1000 جند بس اللى مستغنى عن فتحه السقف يجيب الفئه بتاعت سمارت كى ب 122,000 او لو عاوز كلو يبقى الهاى لاين شوف انت عاوز ايه و تقدر تستغنى عن ايه و قرر

**modydosoki** · 24-09-2010 06:23 PM

انا رائي هات خليجي ومش حا تندم وكل ما تفكر في الوكيل فكر في الوفر الي انت وفرته حتلاقي نفسك كسبان

**yasso0101** · 25-09-2010 12:22 AM

الخليجي الناس بتشكر فيه و بعد ما المنتدى العظيم ظبطنا مع تكنو وان ...... الحمد لله فكر في الخليجي

**amgada7555** · 09-10-2010 01:15 PM

توكل على الله وهات خليجى وربنا يباركلك فيها وموش هتندم

**ghazy12** · 09-10-2010 01:42 PM

فكر في الخليجي السعودي للاسباب الاتيه...

- كماليات اكتر
- سعر اقل من الوكيل او حتى نفس السعر
- ضمان و صيانه مع تكنو وان

يبقى زيك زي الوكيل في الضمان و الصيانه, و افضل من الوكيل في السعر و الكماليات

ربنا يوفقك للخير...

**egypt0777** · 09-10-2010 02:12 PM

شكرا على المعلومة

انا برده كنت مستنى الموضوع بتاعك بس شكلى كده حروح على الخليجى

**Turospear** · 09-10-2010 05:14 PM

المشاركة الأصلية كتبت بواسطة islamelwahsh

بقالي تقريبا سنة بفكر اشتري سيراتو SX و قلت ان شاء الله على 2011 لما ابيع عربيتي و ييجي التوكيل تقريبا يخلي ال sx زي ال ex و يشيل
- التكييف التاتش ليه؟؟؟؟؟؟؟
- الجنط ال 17 موافق علشان مشاكله يمكن ال 16 احسن بس كان المفروض يخلي نفس شكل ال 17 التحفة
- بدل ما السعر يقل الفين جنيه لأ ازاي لازم يزيد

بجد الواحد ابتدى يفكر انه حيبقى خسران لما يجيبها ب 121 الف اللي فيها فتحة سقف و يبقى زي اللي 109 الف بس الفرق فتحة السقف فقط

مع احترامى ليك يا باشا بس مين الى قال ان الـ SX بقى قريب من EX
كفاية فرق الـ ABS والاتنين ايرباج والباركنج سينسور والعدادات الرياضية الى بتديك بينات عن كل حاجة فى العربية (بجد دى مهمه جدا) بالاضافة الى اختلاف خامات الفرش الداخلى دا غير ان الـ EX مش هتلاقى فيها حتى بطانة لشنطة العربية
صدقنى الفرق كبير بين الفئتين ويستاهل

اما بالنسبة للخليجى فانا بعد حيرة طويييييييلة الحمد لله جبت ال SX وكيل للاتى:
- مواصفات الـ SX لما تجيبها خليجى هنلاقيها مابين 117 و 118 الف وبدون ضمان طبعا
- الفرق بين الوكيل والخليجى حاجتين التكييف التاتش وفتحة السقف وانا مكانتش فارقة معايا فتحة السقف اما بالنسبة للتكيف هوا دا الى كنت زعلانلة بصراحة ولو انه بيادى نفس الغرض وشكلة مش وحش ولا حاجة بس التاتش احلى
- اما بالنسبة للجنط فا كون الجنط بقى 16 انا شايف انة ميزة ولو ان ال 17 شكلة احلى
فية ناس بتقول الخليجى افضل كجودة وكده ودى بصراحة مش متخيلها "الاتنين من مصنع واحد وبكماليات واحدة وممكن تتأكد من موقع كيا Global Service Way : Technical .......s Provider عن طريق ال VIN"
يعنى الى بيقارن مابين وكيل وخليجى هايبقى قدامة تكييف تاتش وفتحة سقف فى مقابل ضمان 5 سنين او 100000
ملحوظة " شراء ضمان للعربية ال5 سنين هايبقى حوالى 6000 جنية" يعنى مش ارخص ولا حاجة دا بالاضافة الى ان انت لو زيى من اسكندرية مش من القاهرة هاتحتاس علشان تلاقى مركز صيانة محترم

صلى استخارة وربنا يوفقك للى فيه الخير ان شاء الله

**NoRmAl** · 09-10-2010 06:43 PM

المشاركة الأصلية كتبت بواسطة Turospear

مع احترامى ليك يا باشا بس مين الى قال ان الـ SX بقى قريب من EX
كفاية فرق الـ ABS والاتنين ايرباج والباركنج سينسور والعدادات الرياضية الى بتديك بينات عن كل حاجة فى العربية (بجد دى مهمه جدا) بالاضافة الى اختلاف خامات الفرش الداخلى دا غير ان الـ EX مش هتلاقى فيها حتى بطانة لشنطة العربية
صدقنى الفرق كبير بين الفئتين ويستاهل

طبعا الفرق بين الex وال sx كبير ويستاهل كل مليم
بس فى بعض الاخطاء أحب اوضحهالك
العدادات الرياضيه مش معناها الكمبيوتر الى بيطلعلك كل حاجه :)
العدادات الرياضيه هى من الاخر الهاله الحمراء الى حول العداد
إنما الكمبيوتر تقريبا واحد
والمعلومات المعروضه من الكمبيوتر واحده بس فى أختلاف فى "شكل" عرضها
أنما هى هى نفس الوظائف من تريبس وأستهلاك البنزين لحظى ومتوسط وكل حاجه عدا الحراره
كمان بالمناسبه الex فيها بطانه فى شنطه العربيه :)