تفسير لما يحدث وشكرا .....................

**ehab3ma** · 24-09-2010 07:32 PM

ارجوا المشورة العربية لانوس 2003 فل اوبشن كشفت على العربيه عند محمد السيد وقلى ان اعربية ما شاء الله مظبوطة على الشعرة لدرجة انه خد القراءات عنده وعملها استندر للقراءات بس انا ملاحظ حاجة غريبه وسالته عليها العرية فيها رعشة على السلانسية وهى واقفة وكمان لما بزود بنزين بلاقى اعربية كويسة بس مؤشر الـ rpm لما برجع لمكانة العربية بترعش زى ما هتكون هتبطل وللعلم الـ rpm عندى مظبوط والحساس كمان مظبوط ارجوا افاده للاهمية وشكرا ...........................................

**M.Zaher** · 24-09-2010 07:55 PM

راجع على قواعد الموتور و الفتيس

**mely** · 24-09-2010 08:00 PM

اخبار الرشاشات ايه

هل تم تغيرها

**Ahmed Nasser** · 24-09-2010 08:01 PM

عندى نفس المشكلة فى نوبيرا 1 وواحد قال دى كهربا زائدة فى الموتور

**mrpop25** · 24-09-2010 08:04 PM

راعشة ثابتة يعنى و الا العربية فيها ترتيلة كدة يعنى رعشة بتيجى كل ثانيتين او تلاتة

**samirayad** · 24-09-2010 08:08 PM

بس مؤشر الـ rpm لما برجع لمكانة العربية بترعش زى ما هتكون هتبطل

الكلام ده ......متضارب مع الكلام ده

وللعلم الـ rpm عندى مظبوط والحساس كمان مظبوط

وغالبا عندك مشكلة رشاشات

**محمد الشامي** · 25-09-2010 01:08 AM

كشفت على البوجيهات ؟؟؟

**احمد ابراهيم** · 25-09-2010 02:05 AM

جميل اوى انك كتبت فى الموضوع ده لان عندى نفس المشكلة و مش عارف اعمل ايه و كنت رايح بكره الظهر لمحمد السيد

دا كمان انا لاحظت حاجة و انا طالع راجع النهارده و بربكن العربية بعد ما رجعت من مشوارى سيبت العربية دايرة طبعا بخلاف الرعشة و الرجة اللى احنا متفقين فيها بلاقيها كل نص دقيقة مثلا تنتش نتشة كده على خفيف و هى ممورة طبعا و لما ركزت اوى و ساعدنى على كده ان المكان هادى لما النتشة دى بتظهر بسمع صوت زى صوت الكهرباء كان مثلا بتركب فيشة مش صوت شرز و لكن صوت تكة بتاعة الكهرباء يا رب اكون عرفت اوصلكو الاعراض مظبوط ..... دا علما بانى حاطط بنزين 90 و شايل فيشة الاوكتان و عامل ايدل ليرن و البوجيهات مكملتش عندى الف كيلو و فلتر البنزين و كمان موتور طلمبة البنزين ... كمان الرعشة دى بتشد اكتر لما بشغل التكييف او حتى النور العالى بتظهر بس مش زى التكييف و لما بشغل الزجاج الكهربا بردو بتظهر

بعتذر طبعا لصاحب الموضوع انى عرضت مشكلتى معاه لكن اعتقد ان اللى عندى ده تطور للمشكلة بتاعتك لان انا كان عندى الرعشة اللى حضرتك بتقول عليها دى و محدش عرف من ايه و فى الاخر قالولى طبيعى

تقبل اعتذارى

و يا ريت حد يفيدنا احنا الاتنين