انا مش عارف اقول ايه دا طلع العيب مني انا!!!!!!!!!!!!!

احبائي واخواني
السلام عليكم ورحمه الله وبركاته
انا يوم الاحد الللي فات حكمت عليا الظروف اروح مشوار للساحل الكيلو 50 بالظبط عند قريه الشروق والرجوع في نفس اليوم
المهم العربيه مكنش فيها بنزين روحت ممون 20 لتر وطلعت علي الطريق الظهر كانت حوالي الساعه 1 ومشغل التكيف طبعا وكل اللى جي عمال يقلب نور وطبعا شئ بديهي الميعاد دا كله رادارات المهم ظبت رجلي علي الميه تمام وجبت الاستهلاك اللحظي كنت مظبته علي 6 او 5.8 بالكتير المفاجأه اني لاقيت رجلي ممكن تدوس سنه بسيطه اوي علي البنزين يبقى الاستهلاك 8او 9 من غير ما السرعه تزيد استغربت وكنت تقريبا لامس البنزين بطرف رجلي بس للحفاظ علي السرعه المهم انا واحد وصفلي اروح من طريق برج العرب والله يسامحه نسي يقولي اني ادخل يمين من عند اول صينيه وانا كملت عالطول لاحد ما عديت المنطقه الصناعيه وبعدين ناس وصفتلي رجعت تاني كل دا (قالي ان الكيلو 50 اقرب من برج العرب عن العلمين) المهم وصلت الساعه تقريبا 3.5 المهم عملت المشوار بتاعي و نزلت اسكندريه مع ناس تانيه وكنا بنشد حوالي 170/150 طول الطريق عشان دخلنا من عند الطريق الدولي من الساحل ورجعنا تاني برضه شد وجري مع بعض (وعلمت علي السيراتو في الملفات كنا بنخش سوا 140 انا اكمل وهو الاقيه نزل يمكن لحد 110 ويرجع يجري ورايا تاني يعني علمت عليه ثبات وسرعه )المهم طلبت معايا انزل اسكندريه تاني لوحدي قمت رايح كارفور وطبعا حطيت 20 لتر كمان وبعدين روحت عند بلبع عشقي الاول والاخير في اسكندريه جوه ولفيت شويه وطبعا حطيت 20 لتر كمان من محطه موبيل في ميامي المهم حبيت اروح بالليلكانت الساعه حوالي 4 الفجر ببص على الفلوس لاقيتها خلاص حوالي 30 جنيه فقط قلت اسحب من الفيزا اكتشفت اني نسيت الفيزا والكروت كلها في مصر ياحلاوه وطبعا اتكسفت اكلم اصحابي في الوقت دا المهم دخلت مونت 15 لتر ودفعت الكارته وقلت علي بركه الله سميت ودخلت الطريق طبعا انا كان كل همي اني اقرب من الهرم وبعدين اي حد يجيبلي بنزين وخلاص وظبط رجلي علي 100/120 مش اكتر والاستهلاك برضه كان 5.5 او 6بالكتير وموقفتش خالص المفاجأه التانيه العربيه وصلت مصر وعملت في اليوم دا 850 كم بحوالي 50 لتر واللمبه منورتش وكمان كان فيها 98 كم علي الكمبيوتر:Ta_clap[1]:
انا طبعا اقعدت ابوس الدركسيون والله العظيم من فرحتي ومش مصدق نفسي المهم دا كان اول موقف رجوله تعملوا الكروز معايا وبجد عليت في نظري اوي وممكن ناس منكم شافت موضوعي الخاص بشراء موتوسيكل عشان اريحها لانها بجد بنت ناس اوي
وربنا يباركلكي فيها ان شاء الله
انتوا ايه رائيكم
منتظر الردود
واسف للاطاله
وشكرا

ربنا يباركلك فيها
الكروز عربيه ممتازه وهيه هيه ماتور الاوبترا وعلي كلام الوكيل الفرق في بعض الحساسات بتاعت الموتور عشان موضوع الفتيس غير كده مفيش فرق
انا ليه بقول كده عشان الاوبترا في استهلاك البنزين ممتازه وبعد فتره من التعود عليها بطلع معاها احسن حاجه وده بيبان في السفر والطرق الطوالي لاكن طبعا اول ما تدخل الغساله اللي اسمها البلد الاستهلاك بيكون شبه الغساله بالضبط مالهوش حاكم او ضابط .
العربيه ان شاء الله تديك اداء احسن من كدهمع استخدامك ليها
وشكرا

يا عم وقعت قلبي.... بص يا باشا انا عملت ايه مع العلم اني هرماوي زيك

العربية كانت منورة (وعلى فكرة العربية دي مخيفة لما بتنور... المؤشر بيبقى تقريباً هيخرم التابلوه ويطلع من فوق)

حطيت بنزين من موبيل الكارتة... 50 جند = 27 لتر... وجبت البيبسي التمام (حد لاحظ انه باب الكروز متصمم انه ياخد ازازة لترين واقفة من غير ما تخبط في رجلك؟) ودفغت الكارتة وقمت ناطط على الطريق ومثبت نفسي على المية زيك كده وبرضه الاستهلاك 5 لتر في ال100كم مثلاً

بص بقى... لحد الكارتة ماشي 100... وبعدين لقيت الطريق طاهر... قعدت ادور على حد العب معاه بس لعب بني ادمين.. وتخيل مين اللي لعب معايا... جيتا خليجي بيضا سايقها واحد معاه عيلته... واللذيذ انه ولا عيالة ولا مراتي حسوا انو احنا بنجري مع بعض... جرينا مع بعض جرية حلوة لحد 180 واداني انتظار هدينا تاني لل100 بس بصراحة كان راكب على ضهري بس انا كنت طالع منه... وبعدين جرينا تاني من ال100 لل 200... بس انا سبته بعد ال160 يطلع مني عشان مكنتش عايز ارزع الدواسة للاخر (مبحبش في اي عربية احس اني دايس الدواسة للأرض.. يمكن عشان لما كنت بعمل كده في البولونيز كان الواير بيتقطع وش) بس كانت جرية حلوة... لحد ما حصل المقدر واتعلم علينا احنا الاتنين بطريقة مهينة جداً... صوت كلاكس عاليييي وفرملة كأننا واقفين... فتحت الحارة الشمال لقيت هوندا اكورد 2010 ليبيا طلع مننا كأننا واقفين والله

رحت اسكندرية... جربيت جوة اسكندرية مع اوكتافيا بيضا مفيمة على محور التعمير.. وسيراتو كوبيه... السيراتو صيف بدري.. والاوكتافيا فنس مني في الاخر برصه... بس الغريب انه معرفناش نجري على السرعات مع الباسات... وده لحد العجمي

بيت في العجمي.. وتاني يوم نزلت اسكندرية لحد بلبع.. وبعدين تهت عشان اوصل الرمل ولفيت الكورنيش بطوله مرتين، وبعدين محوى التعمير 170 تاني لحد العجمي

تالت يوم تزلت كارفور وبعدين من كارفور طلعت الطريق وهي كاتبالي 120كم فاضلين.. قولت امون من موبيل اللي على اول طريق الساحل قالولي 90 بس... قلتلها يا زوزو اعملي بأصلك ووديني الماستر... وقد كان.. وصلت الماستر وكان لسه كاتبة 70كم

من يومها امنت بالله اولاً وبأن العربية دي استهلاكها حلو جداً

مع العلم انه العربية دي من يوم ما استلمتها التكيف مش بيطفي لا نهار ولا ليل... والحمد لله وماشاء الله لا قوة الا بالله

الله ينور عليك يا كينج
بس فعلا موضوع دواسه البنزين دي فرق معايا اوي مكنتش اعرف انها حساسه اوي للدرجه دي انها ممكن تخلي الاستهلاك يزيد وبدون زياده سرعه يعني حرق بنزين علي الفاضي (وعلي فكره واحد صاحبي قالي ان دا تحميل علي الفتيس وبيشيع بدري والله اعلم )
وبرضه يا جماعه الكروز كروز
بس ليا سؤال يا كمال بيه انت بتجمع بعد 170 بسرعه ولا بتاخد دقيقه كدا ولا حاجه عشان تكمل عشان انا لحد دلوقتي مقدرتش اعديها عشان كل ما جري مالحقش واضطر اهدي
نفسي افتح بيها في طريق السخنه كدا ولا حاجه عشان اجرب بس لاني شكلي كدا هنزل سوفت وير جديد في صيانه ال10000

ما شاء الله
الله واكبر
مش هاقدر اقول غير كدة
انا بكتب و ماسك الخشب
انا رحت من القاهرة الى اسكندرية ب 7 لتر بالاوبترا الكلام دة من سنتين كنت ماشى 100 و بعد كدة بطلت احسب فى السفر

ما شاء الله عمده في كل حاجه حتى في استهلاك البنزين بسم الله ماشاء الله والله اكبر كمان
انا كمان ماسك الخشب

ربنا يبارك يارب لكل واحد في عربيته ويهدى الحكومه وتراعينا فى موضوع البنزين ، الواحد هنا بيتحصر ليتر 95 اوك ب 60هلله فقط وال 91 اوك 45 واللى يغيظك ان برده في ناس بتحط 91 تخيلوا

ماشاء الله استهلاك ممتاز ربنا يباركلك فيها

تعيشو وتعلمو على السيراتو
انا مرة كنت بشد مع تك تك وطلع منى على طريق القاهرة فيصل الدولى

لأ يا باشا دا احنا ولاد عم برضه وخليها مره عليك ومره علينا
ما انت عارف لو طالعين من الثبات لحد 100 من اللي هيكون قدام ومين بيكح وراه
السيراتو من الثبات في الطريق المستقيم ولا كلمه يمكن بس عشان احنا اتقل شويه في الملفات او ممكن في ناس كتير بتخاف من الملفات
لكن ولا كلمه علي كيداهم بنت عمنا الكوري الجميله

اقتباس:

---

المشاركة الأصلية كتبت بواسطة mhmdalsaadany

لأ يا باشا دا احنا ولاد عم برضه وخليها مره عليك ومره علينا
ما انت عارف لو طالعين من الثبات لحد 100 من اللي هيكون قدام ومين بيكح وراه
السيراتو من الثبات في الطريق المستقيم ولا كلمه يمكن بس عشان احنا اتقل شويه في الملفات او ممكن في ناس كتير بتخاف من الملفات
لكن ولا كلمه علي كيداهم بنت عمنا الكوري الجميله

---

يا باشا كلك ذوق حتى لو بتجامل
على فكرة انا سيراتو واخويا كروز ، وكان عندي اوبترا قبل السيراتو وحاليا سبارك مع السيراتو بس السبارك بعافية شوية ... ادعولها ربنا يشفيها ...

محمد باشا السعدنى_الحمد لله عدت على خير_وابقى خد الفيزا معاك بعد كدة_او نصيحة_منى حط مبلغ بسيط فى التابلوة وإنساهم _20 جنيه مثلا_إحتياطى _ياترى يا باشا لو كانت الشدة الحلوة دى_طلعتلك لينيا تربو من تحت الأرض_كان هايبقى ايه الكلام_ويا ترى شديت معاها قبل كدة.أوعى تفهم كلامى غلط_ولا حد يسخنك عليا_أنا بدردش معاك مش اكتر.وخلى بالك انا بعشق الكروز وخصوصا التابلوه الوهمى_بتاعها_والمقدمة الهجومية الجبارة_بس هى محتاجة جنط 17_محترم.

احمد باشا (اعتقد دا اسم حضرتك )
احب اعرف حضرتك ان اللينيا ممكن يطلع مني وهو دايس نص دواسه البنزين وانا فاحت نفسي وجايب اخر الدواسه كمان دي لينيا يا عم الحاج مش اي حاجه بس بصراحه مينفعش تقارن لينيا بالكوري او اي عربيه حتي لو ياباني من غير تربو اكيد التربو يكسب طبعا لكن قولي اللينيا ممكن تعمل ايه مع السوبربي الاسكودا وبرضه 1400 سي سي وتربو اكيد اللينيا تزعل مش كدا برضه
وشكرا علي النصيحه دي انا فعلا بعمل كدا وبسيب فلوس في الدرج اللي تحت التابلوه بس انت عارف ساعه القدر وكمان انا غلطان عشان اعدت اصرف زي العبيط من غير ما اتأكد اني معايا فلوس تاني وشكرا للنصيحه
بس انا ليا عندك سؤال انا عايز اجيب حته توب لوقدامك واحده يا ريت تقولي وتكون حاله وسعرها معقول ممكن لو سمحت عشان لو ورايا ست بتتكلم في الموبايل وطلعلي عم ايوب اكون مطمن ههههههههههههههههههههههه

اقتباس:

---

المشاركة الأصلية كتبت بواسطة bolok

يا باشا كلك ذوق حتى لو بتجامل
على فكرة انا سيراتو واخويا كروز ، وكان عندي اوبترا قبل السيراتو وحاليا سبارك مع السيراتو بس السبارك بعافية شوية ... ادعولها ربنا يشفيها ...

---

ربنا يشفيهالك بسرعه ان شاء الله
انا بجد مش بجامل دا كلام حقيقي السيراتو رهيبه في التجميع عشان الفتيس غيارته مش كتير زي الكروز وكمان 124 حصان لكن بصراحه برضه الكروز ثابته عنها بكتير واكيد انت جربت وعارف
وفي النهايه مصلحتنا واحده ان العربيتين ينتشروا ويكون ليهم قطع غيار متوفره سواء استيراد او اصلي مش كدا برضه واهو كله بيعلي سمعة الكوري لما الكوري يعمل عربيتين زي دول يبقى ان شاء الله اللي جاي احسن واحسن
والف شكر على زوقك:Ta_clap[1]:

اقتباس:

---

المشاركة الأصلية كتبت بواسطة aymanmaly

ما شاء الله
الله واكبر
مش هاقدر اقول غير كدة
انا بكتب و ماسك الخشب
انا رحت من القاهرة الى اسكندرية ب 7 لتر بالاوبترا الكلام دة من سنتين كنت ماشى 100 و بعد كدة بطلت احسب فى السفر

---

الله أكبر مش الله و أكبر

و حكايه ال 7 لتر دي محدش علق عليها
عارف ليه ؟؟
عشان واسعه شويه و كويس أنك بطلت تحسب


تم حصولك على تحذير ووقف لمدة يوم
يرجى استخدام اسلوب أفضل فى الحوار
مشرف 12 ب

اقتباس:

---

المشاركة الأصلية كتبت بواسطة ahmedsamir5edr

الله أكبر مش الله و أكبر

و حكايه ال 7 لتر دي محدش علق عليها
عارف ليه ؟؟
عشان واسعه شويه و كويس أنك بطلت تحسب

---

شكرا للتصليح
و الاسلوب الى حضرتك بتتكلم بية غير مقبول

اقتباس:

---

المشاركة الأصلية كتبت بواسطة mhmdalsaadany

احمد باشا (اعتقد دا اسم حضرتك )
احب اعرف حضرتك ان اللينيا ممكن يطلع مني وهو دايس نص دواسه البنزين وانا فاحت نفسي وجايب اخر الدواسه كمان دي لينيا يا عم الحاج مش اي حاجه بس بصراحه مينفعش تقارن لينيا بالكوري او اي عربيه حتي لو ياباني من غير تربو اكيد التربو يكسب طبعا لكن قولي اللينيا ممكن تعمل ايه مع السوبربي الاسكودا وبرضه 1400 سي سي وتربو اكيد اللينيا تزعل مش كدا برضه
وشكرا علي النصيحه دي انا فعلا بعمل كدا وبسيب فلوس في الدرج اللي تحت التابلوه بس انت عارف ساعه القدر وكمان انا غلطان عشان اعدت اصرف زي العبيط من غير ما اتأكد اني معايا فلوس تاني وشكرا للنصيحه
بس انا ليا عندك سؤال انا عايز اجيب حته توب لوقدامك واحده يا ريت تقولي وتكون حاله وسعرها معقول ممكن لو سمحت عشان لو ورايا ست بتتكلم في الموبايل وطلعلي عم ايوب اكون مطمن ههههههههههههههههههههههه

---

محمد_يا سعدنى_حرام عليك_انا مش قادر ابطل_ضحك_عم أيوب دة كان مصيبة وبالذات العيال اللى أتشقلبت من ورا لقدام نا لحد ما رحت الشغل_وانا عمال اضحك_وكل ما يخش عميل يلاقينى بضحك_يضحك_وانا ااااضحك_وابص فى الموبايل واكتب المشاركات وااااضحك_لحد ما جيه المدير الرخم_احمد يا أيمن !!!انت عمال تضحك على ايه_فى ايه يابنى_هو الموبايل بيزغزغ_قالى هات كدة_وبص_لقا المكتوب اجيلة يمين يجيلى يمين_اجيلة شمال_يجيلى شمال_وأتمسمر وفاتح ايديه ورجليه_المدير_زهل وضحك_مين اللى بييجى يمين وشمال دة_قولتلة مافيش!دة حادثة سيس كدة_قالى دى سيس اسود_وراح حاطط الموبايل ومشى وهو عمال يضحك_ومخبى.حرام عليك_فكرتنى ليه _جدتى هاتصحى من كتر الضحك.

طيب_يا باشا سؤال لولبى_واضح ان حضرتك بتحب اللينيا_طيب ليه ماشترتهاش_مع السعر قريب من توم كروز ههههه_وإمكانيات_اعلى وأقوى_ثانيا يا باشا على ما أظن تقريبا_ان السوبر بى تقيلة جدا كعادة سكودا وفولكس_فمش هاتس مع اللينيا إلا بعد 180 مثلا_ويا باشا_لو عايز زى عربيتى_والله ما تغلى عليك_ازروفنى 13 ألف وخدها_وهابقى خسران 2000 جنيه_كمان_بس يا خوفى لو إشترتها_تركن الكروز_لإن عربيتى تخنق بصراحة من قلة التگاليف_انا بحطلها البنزين بيحمض فى التنك_الناس_فى البنزينة_يقول اوووو_اخيرااا_ شل مصطفى النحاس_كلهم حبايبى_يالا ياعم حط ب20 جندى 92_واشوفك بعد 10 ايام_ياه يا باليو.يا مسيطانى!!!

بس يا باشا انا مجبتش اللينيا عشان للاسف منزلش منها 2010 كانت 2009بس فانا خفت تكون زي الباليو كدا نزلت سنه واحده ومحدش شافها تاني عشان كدا انا خفت منها وكمان عشان البيع عشان انا بغير كتير يعني كل سنتين تلاته باكتير وربنا يوفق بس بصراحه انا مقتنع بالكروز جدا حتى في الجري والله مش وحشه
اما عم ايوب دا كان مسخره انا قعدت اضخك لحد ما بطني شدت عليا وكمان تخيات منظر العيال وهما كلهم علي الكرسي قدام مش قادر من كتر الضحك
اما بقى الموزه بتاعتك اعتقد غاليه عليا شويه عشان انا اخري بالعافيه 11000 بجد انا جايبها عشان مشاويري لوحدي وانا عامل موضوع هنا عن طلب مساعده بعيد عن شيفروليه عايز فيه عربيه صغيره كدا
وبعدين انت عندك فتحه سقف ولا السقف جلد عشان الصوره مش واضحه

اقتباس:

---

المشاركة الأصلية كتبت بواسطة mhmdalsaadany

بس يا باشا انا مجبتش اللينيا عشان للاسف منزلش منها 2010 كانت 2009بس فانا خفت تكون زي الباليو كدا نزلت سنه واحده ومحدش شافها تاني عشان كدا انا خفت منها وكمان عشان البيع عشان انا بغير كتير يعني كل سنتين تلاته باكتير وربنا يوفق بس بصراحه انا مقتنع بالكروز جدا حتى في الجري والله مش وحشه
اما عم ايوب دا كان مسخره انا قعدت اضخك لحد ما بطني شدت عليا وكمان تخيات منظر العيال وهما كلهم علي الكرسي قدام مش قادر من كتر الضحك
اما بقى الموزه بتاعتك اعتقد غاليه عليا شويه عشان انا اخري بالعافيه 11000 بجد انا جايبها عشان مشاويري لوحدي وانا عامل موضوع هنا عن طلب مساعده بعيد عن شيفروليه عايز فيه عربيه صغيره كدا
وبعدين انت عندك فتحه سقف ولا السقف جلد عشان الصوره مش واضحه

---

لا هى فتحة سقف جلد_هى عربيتك لونها أيه _وجنط ولا طاسات_هقولك على فكرة حلوة بعد _ما عرف اللون

انا عربيتي لونها فيراني واول فئه اتوماتيك يعني طاسات
قول بقى الفكره بسرعه يالا قول قول قول قول هههههههههههههههههههههه

ما شاء الله استهلاك بنزين ممتاز ربنا يباركلك فيها
عجبني إنك أول مابتنزل اسكندرية بتروح على بلبع على طول, بتفكرني بنفسي :S_thum1[1]:

اقتباس:

---

المشاركة الأصلية كتبت بواسطة mhmdalsaadany

انا عربيتي لونها فيراني واول فئه اتوماتيك يعني طاسات
قول بقى الفكره بسرعه يالا قول قول قول قول هههههههههههههههههههههه

---

إذن يبقى ينفع_اشترى منى بقى_انا هاخلى الشارع كلة يتلوح عليها_بس دة لو انت بتحب الشكل يبقى سبورت_ وهيبقى عندك جنوط ب 100 جنيه_بس لو غاوى كلاسيك_يبقى سبها زى ما هيا_هاتفك ال4 طاسات_وهاتروح عند بوهيجى معلم_وفنان_يرشهم فرن_فرن فى الكابينة مش فى الشارع_واللون يكون احمر ميتاليك_وانت تختار الدرجة المفضلة_ييفضل أحمر فيرارى.صدقنى هاتخلى عربيتك الشارع كلة يتلوح لما يشوفها.جرب كدة.وليجند_مابيقولش حاجة سيس.

والله فكره حلوه جدا بس للاسف انا شايف ان العربيه مينفعش تكون حته وحته يعني يا عمل شغل فيها كلها يا اما ماعملش الكلام دا انا كنت عاملوه في الفيرنا واللانوس وكنت مظبط استيكر اسود عند الشنطه وسبويلر كرباج بتاع البي ام وشويه نواكل كدا كان شكلهم بجد تحفه بس انا مش عايز كدا في الموزه دي هي بجد مش محتاحه حاجه والناس في الحته مش سايباها في حالها من غير شغل فما بالك لو ظبطها
بس ممكن اعمل كدا قدام شويه دي لسه معملتش 9000 كم وطبعا ساعتها مش هلاقي غير سياتك عشان اطلب منه مساعده ولا ايه يا بوب
ومش هتديني السنيوره دي علي 11 ولا ايه النظام انا شاري من غير ماشوف عشان منك انت بس

ماشى ياعم_بس العربية كانت هاتطلع تحفة تحفة_وبالذات مع الرمادى_وبالنسبة لباليو_انا مشتريها ب13 وصارف بتاع 2000_وليك انت ياعم ب12500_العربية اللى معايا نادرة جدا_اقسم بالله جابت 12500 وانا ما كنتش راضى_بس انا خلاص تقريبا نفضت لموضوع الزواج_ما حدش يستاهل_ولو كنت متزوج ما كنش زمانى بكلمك دلوقتى _هاههههاى.وبفكر اقسط بونتو زيرو_بس خايف الأقساط تبقى تقيلة عليا_ ووالله العظيم ما تغلى عليك_ولو انت غاوى توب _أى عربية قدامك قولى وانا أشوفهالك_انا لو شفتها من بعيد_هاقولك حالتها من غير كشف.انا عامل في التوب دكتوراة.

خلاص ماشي يا كبير انا حاليا مسافر
وان شاء الله راجع يوم 5/10 ممكن لو مفيهاش رخامه مني ننزل سوا السوق ونظبط واحده كدا يعني مع بعض وممكن افكر فعلا في عربيتك بس لما اشوف ظروفي الاول
وبجد البونتو دي محترمه جدا ربنا يوعدك بيها عربيه فعلا ايطالي مش اي كلام وربنا يعينك ويعينا علي الاقساط
لحسن الواحد حاسس انه شغال عشان اقساط كل حاجه وفي الاخر بيتفضل فتافيت ربنا يعينا ان شاء الله
لو مستعد قولي ولو مش هينفع والله مفيهاش زعل خالص متخودش الموضوع احراج ولا حاجه

اقتباس:

---

المشاركة الأصلية كتبت بواسطة aymanmaly

شكرا للتصليح
و الاسلوب الى حضرتك بتتكلم بية غير مقبول

---

أسف

اقتباس:

---

المشاركة الأصلية كتبت بواسطة ahmedsamir5edr

أسف

---

حصل خير
احنا اخوات ولا داعى للاسف
و معرفة خير

اقتباس:

---

المشاركة الأصلية كتبت بواسطة mhmdalsaadany

خلاص ماشي يا كبير انا حاليا مسافر
وان شاء الله راجع يوم 5/10 ممكن لو مفيهاش رخامه مني ننزل سوا السوق ونظبط واحده كدا يعني مع بعض وممكن افكر فعلا في عربيتك بس لما اشوف ظروفي الاول
وبجد البونتو دي محترمه جدا ربنا يوعدك بيها عربيه فعلا ايطالي مش اي كلام وربنا يعينك ويعينا علي الاقساط
لحسن الواحد حاسس انه شغال عشان اقساط كل حاجه وفي الاخر بيتفضل فتافيت ربنا يعينا ان شاء الله
لو مستعد قولي ولو مش هينفع والله مفيهاش زعل خالص متخودش الموضوع احراج ولا حاجه

---

اقسم بالله ما حد هايجيبهالك غيرى_شوف أى وقت وننزل السوق_بس قولى قبلها بأسبوع_علشان انا يوم الجمعة بنزل من 12ل12_بدل زميلى:فهبقى ابدل معاه اليوم_بس قولى قابلها.انا عنيا ليك_وأوعى تتحرج منى_إعتبرنى أخوك_واطلب أى حاجة منى بالأمر.انت لسة هاتستأذن.

يا باشا انا والله مش عارف اقولك ايه
انت انسان محترم جدا والله العظيم وانا ان شاء الله اول ما انزل مصر هكلمك واخد رقم موبايلك ونتواصل ونتفق ان شاء الله
وانا شاكر ليك جدا جدا

رقمى انا وباليو_

باليو:0106006127.
.احمد ايمن:0115120140_.0105185389

اقتباس:

---

المشاركة الأصلية كتبت بواسطة mhmdalsaadany

ربنا يشفيهالك بسرعه ان شاء الله
انا بجد مش بجامل دا كلام حقيقي السيراتو رهيبه في التجميع عشان الفتيس غيارته مش كتير زي الكروز وكمان 124 حصان لكن بصراحه برضه الكروز ثابته عنها بكتير واكيد انت جربت وعارف
وفي النهايه مصلحتنا واحده ان العربيتين ينتشروا ويكون ليهم قطع غيار متوفره سواء استيراد او اصلي مش كدا برضه واهو كله بيعلي سمعة الكوري لما الكوري يعمل عربيتين زي دول يبقى ان شاء الله اللي جاي احسن واحسن
والف شكر على زوقك:ta_clap[1]:

---

انا بس عايز اعلق على موضوع ثابته عنها بكتير .. هو انت سوقت السيراتو قبل كدا
عايز اقولك ان اكيد اللى كان راكب السيراتو كان قلبه خفيف او ملوش فيها عشان يهدى فى ملفات وهو ماشى اصلا 140 و90% مثلا العربية هتبقى بالجنط الـ 17 وانت عربيتك طاسات .. احسبها انت كدا وقولى حوار الثبات دا :)
معلومة صغيرة .. قاعدة عجلات الكروز اطول بس قاعدة عجلات السيراتو اعرض

وما شاء الله الفتيس الـ 6 نقلات بيوفر جامد فى البنزين لو انت ماشى كويس .. يعنى مثلا فى البى ام عندى على 200 بيكون الـ rpm على 4 مثلا يعنى الموتور مرتاح اخر حاجة والاستهلاك فى اللذيذ بالنسبة للسرعة بتاعت العربية

والله يا باشا انا مش متحيز خالص ودا كان واضح في تعليقاتي بس بجد انا ركبت السيراتو كتير جدااااااااااا طبعا (لانها بإختصار مع نصف اصحابي على الاقل بجد اكتر من 15 واحد اعرفهم معاهم سيراتو ما شاء الله ) بس انا وهما بجد كان رائينا واحد ان الكروز ثابته عن السيراتو والله وبدون اي تحيز وبلاش بكتير عشان متزعلش بس بصراحه العربيتن ثوره في عالم الكوري
وفعلا الست نقلات بيريح الموتور جدا 120 كم والار بي ام 2.5 بس وكمان بيكون علي السادس من سرعه 70 تقريبا لو مش بتحرق
وتشرفت بالنقاش نع حضرتك وشكرا اخي الكريم

والله كلام يفرح ربنا يبارك

اقتباس:

---

المشاركة الأصلية كتبت بواسطة bolok

يا باشا كلك ذوق حتى لو بتجامل
على فكرة انا سيراتو واخويا كروز ، وكان عندي اوبترا قبل السيراتو وحاليا سبارك مع السيراتو بس السبارك بعافية شوية ... ادعولها ربنا يشفيها ...

---

أخي الفاضل بصفتك جربت السيراتو والكروز والأوبترا ايهم صالونها اوسع :11:وثباتها احسن وتسارعها افضل:11:
ارجو الأفاده
وشكرا

Saloon --> Cruze
Stability-->Cruze
Acceleration--> Cerato