اغير عربيتي بماتيريا اوتوماتيك ولا بلاش ؟؟ ايه رأيكو ؟؟؟

**Chicco** · 18-03-2008 04:21 AM

معلهش حابقي عكس الاتجاه.... حضرتك بتقولي إن عربيتك الهوندا كويسة و انك مبسوطة منها و في نفس الوقت مخطوبة يعني داخلة على جواز و مصاريف يبقى ليه تغيري عربيتك دلوقت و كمان عربية مش عاجبة ناس كتير (وأنا منهم .......وحدوووه :d)

**Noha.M** · 18-03-2008 04:24 AM

المشاركة الأصلية كتبت بواسطة Chicco

معلهش حابقي عكس الاتجاه.... حضرتك بتقولي إن عربيتك الهوندا كويسة و انك مبسوطة منها و في نفس الوقت مخطوبة يعني داخلة على جواز و مصاريف يبقى ليه تغيري عربيتك دلوقت و كمان عربية مش عاجبة ناس كتير (وأنا منهم .......وحدوووه :d)

ههههههههههههههه

انت كماااااااااان ؟؟؟؟:D

هو انا الوحيدة اللى شايفة العربية دى شكلها حلو ولا ايه ؟؟

بعدين انا عمري ما دخلت كدة على عربية زيرو:(

كله مستعمل مستعمل :(:(

برضه الزيرو ليه زهوته و ريحة العربية الجديدة بتديني احساس بالانتعاش

بعدين يغور الجواز مش مشكلة :p:p

**Chicco** · 18-03-2008 04:33 AM

يا باشا ربنا يديكي الصحة و طول العمر و تركبي زيرو لما تزهقي
الماتريا فيه ناس كتير بتحبها بس فيه ناس كتير برضه مش قابلينها
نصيحة أخيرة خلي الخناقات لبعد الجواز :D

**Noha.M** · 18-03-2008 04:42 AM

المشاركة الأصلية كتبت بواسطة Chicco

يا باشا ربنا يديكي الصحة و طول العمر و تركبي زيرو لما تزهقي
الماتريا فيه ناس كتير بتحبها بس فيه ناس كتير برضه مش قابلينها

نصيحة أخيرة خلي الخناقات لبعد الجواز :D

ما انا مستنية والله يا شيكو اشوف الناس هتقول ايه و بعدين اقرر عشان لاعبة فى دماغى اوى

بعدين الخناقات دى اجمل حاجة فى فترة الخطوبة :D:D

**Noha.M** · 18-03-2008 04:44 AM

بس موش بعيدا عن الشكل هى عربية حلوة كمواصفات صح؟؟؟

بعدين دى ارخض عربية يابانى 1500 اوتوماتيك

بسش صحيح كان عندى استفسار

العربية اللى ركبتها فى المعرض كانت مانيوال و لقيت الفتيس مكانو فوق اوى كدة و

مش طايلاه خــــــــــــــــــــــــ ـــــــــــــــــالص ..ايه النظام فى الاوتوماتيك ؟؟

نفس الموضوع كدة؟؟

**Chicco** · 18-03-2008 04:54 AM

كمواصفات عربية كويسة جدا
حكاية الفتيس ديه يسأل فيها خبراء الدايهاتسو
و ربنا يتمم بخير إن شاء الله :d

**OlaOsman** · 18-03-2008 06:19 AM

بصي يا اونو.. طبعا الموضوع يخصك و انتي اللي تقدري تحددي أولوياتك.. فعلا ميزة في الماتيريا انها واسعة اوي من جوه.. انا ركبتها مرة.. شقة مستقلة بذاتها أصلا :D

متهيألي وسعها ده يدور عليه حد معاه عائلة 4 أفراد على الأقل و ده اللي يخليه يتغاضى عن الشكل اللي برضه انا مش بلعاه و حساها أتوبيس صغير.. بالرغم من اني من عشاق الداياهاتسو.. انما تعرفي؟ هي ممكن تنفعكوا انتي و خطيبك بعد الجواز.. لو اتخانقتوا و لا حاجة و مش لاقي حتة يبات فيها ممكن ينزل يبات في الماتيريا :p

لا يا شيخة اوعي تصدقي.. انا باهزر.. ربنا ما يجيب خناق ابدا يا رب :)

استخيري يا حبيبتي و اسألي اللي حد من مالكيها و بعدين توكلي على الله و اللي ربنا هاييسر بيه يبقى هو ده اللي فيه الخير :)

و بعدين ما السيريون برضه فيها 1500 أوتوماتيك.. و لا ايه؟

**Noha.M** · 18-03-2008 06:47 AM

المشاركة الأصلية كتبت بواسطة OlaOsman

بصي يا اونو.. طبعا الموضوع يخصك و انتي اللي تقدري تحددي أولوياتك.. فعلا ميزة في الماتيريا انها واسعة اوي من جوه.. انا ركبتها مرة.. شقة مستقلة بذاتها أصلا :D

متهيألي وسعها ده يدور عليه حد معاه عائلة 4 أفراد على الأقل و ده اللي يخليه يتغاضى عن الشكل اللي برضه انا مش بلعاه و حساها أتوبيس صغير.. بالرغم من اني من عشاق الداياهاتسو.. انما تعرفي؟ هي ممكن تنفعكوا انتي و خطيبك بعد الجواز.. لو اتخانقتوا و لا حاجة و مش لاقي حتة يبات فيها ممكن ينزل يبات في الماتيريا :p

لا يا شيخة اوعي تصدقي.. انا باهزر.. ربنا ما يجيب خناق ابدا يا رب :)

استخيري يا حبيبتي و اسألي اللي حد من مالكيها و بعدين توكلي على الله و اللي ربنا هاييسر بيه يبقى هو ده اللي فيه الخير :)

و بعدين ما السيريون برضه فيها 1500 أوتوماتيك.. و لا ايه؟

هههههههههههههههههههههه

لا يا علا هو ينام فى عربيته ماينامش فى عربيتي >> من اولها ندالة :D:D

هي السيريون فيها 1500 بس انا انبهرت بوسع الماتيريا كمان السيتي عندى وسعها حلو زي

السيريون بس لا يقارن بالماتيريا ماشاء الله

هى اة مكعبرة شوية و شبة الجومة الهاف بوت :D بس بجد تحسي انك مميزة و انتى ركباها هى بس كان

ناقصها شوية curves كدة بدل ماهى عاملة زي >> وحدووووووووووووووه:p:p

بس تحفة برضه;)

**cpt_shawky** · 18-03-2008 06:54 AM

توكلى على الله وهاتى الماتيريا طالما انك مش هتخسري فبيع السيتى وبجد عربية روعة أنا ركبتها والفتيس الأتوماتيك فمكانه الطبيعي ومفيهاش اى مشكلة....هتجيبي لون ايه:)

شكله بيبعتلك مسج يقلك انا استوليت عالعربية فعلاً :D

**Noha.M** · 18-03-2008 06:57 AM

المشاركة الأصلية كتبت بواسطة cpt_shawky

توكلى على الله وهاتى الماتيريا طالما انك مش هتخسري فبيع السيتى وبجد عربية روعة أنا ركبتها والفتيس الأتوماتيك فمكانه الطبيعي ومفيهاش اى مشكلة....هتجيبي لون ايه:)

يااااااااااااه دة انت ملكش حل

كمان جايبلى صورة

الف الف شكر يا كابتن

اناعاجبني اللون ال deep purple دة

انت ايه رأيك ؟؟

كذا حد بيقول ابيض و انا كنت شفته فى توكيل دايهاتسو اللى عندنا في المعادى فعلا حلو بس اخاف لو حكت مع اى عربية تقوم واخدة اللون علىطول s:

مش هخلص ساعتها ولا انت ايه رأيك؟؟؟