اتا انصحك بعدم التغيير مش هتحسى بفرق من بعد الهوندا لو عايزه تغيرى وتحسى بفرق يبقى عربيه المانى غير كده يبقى خساره الفلوس
اتا انصحك بعدم التغيير مش هتحسى بفرق من بعد الهوندا لو عايزه تغيرى وتحسى بفرق يبقى عربيه المانى غير كده يبقى خساره الفلوس
ولله أنا من رأى الناس اللى بتقولك ماتغريش دلوقتى لأن لما تغيرى لازم تحسى بالفرق وده فى حالة الهوندا اللى معاكى مش هيبقى فرق كبير من الماتيريا و هاتدفعى فلوس أزيد - انا رايى تستنى شوية وتجيبى حاجة أعلى من الماتيريا
انا بحب عربيتي جدا على فكرة و معنديش مشاكل معاها بش اصلا انا مكانش معايا فلوس تكمل اجيب زيرو و كنت عايزة اصلا سيريون 1500 اوتوماتيك و فعيني برضه على الدايهاتسو
انا عربيتي داخلة على ال 30 الف و استهلاك بنزينها رووووووووووعة مع انها اوتوماتيك كمان صاحبها قبل ما يبيعها كان مدلعها و مفصلها فرش غامق عشان انت عارف البيج مصيبة فى التنضيف و كمان مركبلها spoiler و مجنطها كمان بس كان راشش اكصدام امامى بسس
اصل الفكرة يا ميمو انى ال upgrade من سيتي لسبفيك صعب اوى عليه و مش هقدر انط جامد فعاوزة اخدها تدريجيا كمان انا داخلة على جواز و صعب احط ضعف التمن فى عربية لكن كدة مش هحس بيها اصلا ولا ايه؟؟:rolleyes: كمان انا هغير من 1300 تايلاندى2006 ل 1500 يابانى 100% و كمان 2008
تمام كدة يا ابو عبد الله
الف الف الف شكر و والله فتحت نفسي بموضوع الفيميه ده:o
:o بس ان يا ميجو مش هسوق مانيوال انا هجيبها اوتوماتيك فموضوع الفتيس مش هيأثر طيب انا ركبت كمن الماتريكس مش عايزة اقولك ان لا ايدي كانت طايلة الفتيس ولا رجلى طايلة البنزين :D:D
مش عايزة تريقة لو سمحتوووو:p
ككمان انا السيتي اللى معايا 1300 ة الاوتوماتيك بتاعها حلو جدااااااا و حتى مع التكييف مش مأثر خالص فالموضوع دة مش مقلقنى خالص
لا ماليش فى البرصة دى خاااااااااالص ولا بحبهاااااا:D
اصل الفكرة ان ادام مواصفتها حلوة و تعليق الناس بس على شكلها يبقي مش مشكلة عشان انا بحب شكلها و مش مسببلى مشكلة بس
يا نهي دي ماناخيرها باظة خالص ...
لكن طالما شكلها عاجبك يبقي خلاص ... ماناخيرها كويسة
ماتنسيش الاستخارة زي ما قلتلك
اتوكلي على الله وإديها ماتيريا يا فندم
منتدى الدايهاتسو كله هايكون وراكي :)
بس اللون deep purple مرطرط أوي في الماتيريا
انا عن نفسي مشفتش ماتيريا بأي لون غيره
الأبيض هايكون جامد فعلاً
بس يا اونه انا هقولك على حاجه انت عامله زى تمام انا اكتر عربيتين بحبهم هما اكتر عربيتين الناس بتكرهم انا اكتر عربيتين بحبهم هما الماتيرا و كريسلر بى تى كروز و برده العربيه اللى معايا اغلب الناس مش بنحب شكلها اللى هى هيونداى ماتريكس بس انا رائى انك تستنى شويه و ماتغيريش دلوقتى لأن فيه عربيات جديده كتير هتنزل فانا رائى استنى الجديد و شوفى ايه نظامه و بعد كده استقرى هتعملى ايه اما اذا كانت العربيه مش هتمثل اى مشاكل ماديه يبقى توكلى على الله و هاتيها اصلى الصراحه مستحرم انك تبيعى العربيه اللى معاكى اصل الواحد لما بيفكر يغير عربيته بيفكر فى كده علشان مثلا عربيته مش ملبيه احتياجاته انما طالما ملبيه احتياجاته فخلاص بيخليها فانا نصيحه اعتبريها من اخوكى الصغير فكرى فى الموضوع شويه
انا والله مستعجلة يا مصطفى و فكرة التغيير مش ملحة اوى بس حطاها برضه فى دماغى لانى حاسة ان
الماتيريا أشد كمان مش هتزنق اوى فى فلوش عشان هحط مقدم العربية عالى لما ابيع اللى معايا و
اقسط الباقيين على سنتين ولا حاجة
بس برضه احب اخد رأى الناس عشان هم بيبقو فاهمين اكتر بس انا حاسة انه اغلب الناس قلبها عليه
و عايزني اوفر الفلوس للجواز:D:D