أنا معاك ياباشا في كل اللي قلته ده
ولكني اختلف معاك اطلاقا في نقطة ان الالمونيوم بيتخلص من الحرارة اسرع من النحاس
المعروف دائما ان النحاس اعلى المعادن توصيلا للحرارة ولا يتفوق عليه الا الفضه....وبالتحديد النحاس نقله وتوصيله للحرارة قد الالمونيوم مرتين ونص!!!!!!!!!!ولا تتعجب...انا ممكن اجيب لك الارقام بالظبط....وضيف كمان ان النحاس اصلب من الالمونيوم وبالتالي ممكن يتعمل الردياتير بمواسير ارق من الالمونيوم ويطلع وزن النحاس زيه زي الالمونيوم
امال ليه الشركات بتعتمد على الالمونيوم...للاسف النقطة اللي كلنا بننساها ومعظمنا درسها فالكيميا في الثانوية هي ان الحديد او الكاست الخاص بالموتور مع النحاس في وجود ماء هيحصل مابينهم تفاعل كهروكيميائي من شأنه انه يخلص على الموتور من كتر التأكسد والتآكل وهيتسبب في انسداد المواسير وتلفها بالكامل...وده بالتحديد السبب في تصنيع معظم الرادياتيرات من الالمونيوم لمنع حدوث مثل هذا التفاعل...ولكن على الصعيد الحراري ومعاملات التوصيل فالنحاس يتفوق بشكل يكاد يكون مثالي