انا استلمت اكروز فئة توب لاين من كام يوم بصراحة عربية تحفة بس لاحظت ان صوت المتور بعد مدور فى صوت كركرة و لما بمشى بيها حسات ان صوت المتور عالى غير انى جربت افصل بيها مش بتفصل مش دة عادى و لأ
عرض للطباعة
انا استلمت اكروز فئة توب لاين من كام يوم بصراحة عربية تحفة بس لاحظت ان صوت المتور بعد مدور فى صوت كركرة و لما بمشى بيها حسات ان صوت المتور عالى غير انى جربت افصل بيها مش بتفصل مش دة عادى و لأ
الف مبروك على العربية
و ربنا يديك خيرها و يكفيك شرها
انا مش فاهم تفصل بيها يعنى اية فارجو التوضيح
و انت رخصت ولا لسة
و مستلمها بتاريخ كام
ارجو التوضيح علشان نقدر نساعد
هو حضرتك فولتها قبل كدة و لا ده البنزين الي هية جاية بيه
ممكن تروح تفولها من بنزينة مضمونة لاني حاسس انه المشكلة في البنزين الي فيها و الله اعلم
جرب بنزينة توتال او شل ولو أمارات مصر قريبة منك تبقى احسن
فول 92 و ان شاء الله خير
و لو المشكلة ما اتحلتش روح للتوكيل و ده رقمه 16424
انا استلمت العربية يوم 2010/9/20 و رخصت يوم 23 و عملة 1000 ك
ألف مبروك على العربيه يا باشا وربنا يباركلك فيها ويكفيك شرها .
أنا برضه كنت حاسس إن الأوبترا إللى معايا صوتها عالى شويه أول لما جبتها ، بس مع التليين لقيت صوتها هدي شويه ، إنت لسه قدامك شويه لغاية لما تحكم على العربيه .
ويا راجل حرام عليك ، (( بتفصل )) بعربيه لسه مكملتش 1000 كم وبقالها 5 أيام بس ، ده حتى فى الفترة التليين بيقولك متعديش الـ rpm أعلى من ( 3 ) .... إرحم موتورك ده لسه جديد وعايز يتلين ويتفتح واحده واحده .
لسه بدري علي التفصيل
الف مبروك ربنا يباركلك فيها
وخف شويه عليها فى الأول
علشان كدة انا سألت عن المعلومات دى
انت المفروض ما تعملش كيك دون اول الف ولا تشغل التكيف و ما تقرص على العربية يعنى ماتعلاش عن 2.5 rpm
فكل الى انت عملتة مش فى صالح الماتور اول الف
يستحسن تروح التوكيل و يستحسن ماتقلوش انك كنت بتحرق و خالية يكشف على الماتور و قول انك حاسس ان الصوت عالى و ممكن يكون الموضوع كلة ان الماتور لسة جديد
و ياريت تطمنا على الاخبار
و ان شاء اللة سليمة
الف مبروك علي الجميله كروز
ربنا يباركلك فيها واظن كل الاخوه هنا قالوا المفيد وزياده