لو العربية مانيوال هل صحيح مشغلش التكييف
عرض للطباعة
لو العربية مانيوال هل صحيح مشغلش التكييف
هي عربيتك جديدة وده عشان انت لسه ملينتش ولا تمشي 3 كيلو وبعدين تشغل التكييف؟
مين اللى قال كده بس
هو ممكن يكون قصده لما العربية تسخن !!!
أهم حاجة مش التكييف خالص ...
الأهم ما تعلاش بعدد لفات المحرك و هي باردة و أستنى لغاية لما تسخن و تسوق عادي .
إنما التكييف شغله في أي وقت
شغل اما الموتور يسخن
بس ما تشغلش لو اعلى من 2000 rpm يا تهدى وتشغل يا تمور وتشغل
لو فى حر
افتح الشبابيك شوية وامشى بيها
شغل المكيف والشباك مفتوح برده شوية
اقفل الشباك
يعنى بأختصار لو انت ماشى بالعربية على الطريق والـrpm اعلى من 2 يبقى حضرتك يستحسن متشغلش التكييف الا لما الــrpm ينزل عن الرقم ده حفاظاً على التكييف والسيور
اشكر ليكم نصائحكم الغالية واللى كان قالى انى مشغلش التكييف غير بعد 3 كيلو على الاقل كان واحد ميكانيكى بس واضح انه تعبان
السلام عليكم..حضرتك الميكانيكى عنده حق...لأن حسب ما قريت فى كتالوج السيارات الفرنسية إن غرفة البساتم بتوصل لدرجة الحرارة المثلى بعد 3 كم بغض النظر عن حرارة أطرافه التى بيقيسها العداد...فيعنى التكيف أحسن يشتغل بعد 3 كيلومتر مشى أو أعتقد 10 دقائق من التشغيل...
يا فندم انا اقصد لما تبتدى تشغيل التكييف يقضل انك تشغله على rpm ال من 2 لكن بعد التشغيل براحتك على الأخر
ردا على الموضوع باختصار شديد :
لو حضرتك لسه الصبح والعربية باردة (حتى لو الظهر) الموتور محتاج يسخن الأول .... امشي شوية بالعربية وبعدين ابقى شغل التكييف براحتك
ويستحسن انك ما تشغليش التكييف والعربية بتمشي والآر بي إم اعلى من 2000 لفة (بس النقطة التانية دي موش متأكد منها) انا باركب عربية كيا سيراتو 2007 وباسخن العربية الأول وبعدين اقوم ماشي حبة صغيرين واقوم قافل القزاز كلله واقوم مشغل التكييف ...يعني دي حاجة عفوية باعملها علشان التكييف بطبيعته بيسحب من الموتور وما باحبش امشي والعربية ساقعة وكمان اسحب من قوتها قوام كده اول ما تشتغل..... وغالبا باشغل التكييف وانا واقف علشان ما باحبش احط ايدي في التابلوه واوطي وانا سايق ...
لو النقطة التانية مالهاش دلالات علمية او حاجة اكيدة ومعروفة .. انصحك انك تعمليها واهو يبقى حفاظا على العربية والتكييف بتاعها وموش هتكلفك حاجة :)
http://www.nilemotors.net/Nile/14801...post3872646999
بعد مراجعة الموضوع ده بعد المشاركة 25 عايز اصحح
ان الغلط فى تشغيل الكمبروسور اللفلا اعلى من 2000
مش الخطر على الكمبروسور
الخطر بيكون على الخراطيم لانه بيحصل رفع للضغط جامد فى دورة الفريون
السلام عليكم...موضوع إن لازم السيارة تكون فى درجة حرارة مثلى قبل تشغيل التكيف فدا مهم جدااااا....لأن لزوجة الزيت ودرجة إحتراق الوقود بيتحدد على درجة حرارة التشغيل...لما تشغل التكيف والسيارة باردة..أنا بأحمل لود جامد جدا على الموتور وهو لسه الزيت لم يؤدى وظيفته المثلى...كما أن الإحتراق الأمثل لم يصل بعد وبالتالى إستهلاك بنزين قوى وأداء ضعيف وكل دا يؤدى إلى إهلاك للموتور والتقليل من عمره
شغل ياباشا وعيش
بص يا باشا
نفترض ان العمر الافتراضي للموتور مع الاستخدام العادي 5 سنوات، يبقى انت لما تحافظ عليه قوي وتشغل التكييف بعد10 دقايق، حتزود عمره سنه كمان مثلا، شوف بقى في نفس الوقت ال 10 دقايق دول في الحر والشمس والقرف حيقصروا عمرك كام سنه؟؟؟؟!!!!!!!!!!
طبعا الاعمار بيد الله ومكتوب ومقدر، انما اللي انا قصدته اننا جايبين السيارات عشان تريحنا مش عشان نخاف عليها اكتر من نفسنا.
يا جماعه مينفعش تبقي ماشي و مش مشغل التكيف
و وانت علي سرعه تشغله
علان السير بيدخل في الطنبوره علي سرعه و ده غلط
لكن شغال و هات الاربي ام علي 7 حتي ولا الهوا