كيف أفحص ال 516 عند الأستلام

**RAAFAT10** · 25-09-2010 04:41 AM

أخوانى الأعزاء
تحية لكم جميعا

لقد قررت شراء ال 516 من المصرية وطبعا حبيت أعرف رأيكم فى السيارة . وبعد قرأة معظم المداخلات أحترت حيرة ما بعدها حيرة وقد وصلت لنتيجة نهائية وهى أنها زى البطيخة يأما قرعة يأما حمرا ؟؟؟؟؟؟؟؟؟؟؟؟؟؟
وموصلتش لنتيجة مطمأنة ,وفى نفس الوقت قرأت مشاركات لأنواع أخرى من السيارات فوجدت مشاكل أخرى سواء فى التوكيل أو السيارة نفسها. والنتيجة للأسف أن ما فيش سيارة تنتج فى مصر الا وفيها مشاكل متفاوتة وأن معظم الماركات بها مشاكل ولو كانت ال 516 فيها الأقرع والأحمر فكيف أتجنب الأقرع قدر المستطاع؟
فأرجو لمن لة خبرة فى فحص هذة السيارة أن يذكر لى كيف أفحصها وما هى الأجزاء التى أركز فى فحصها وهل هى سليمة من ناحية الصاج والماتور والعفشة والتكييف , وأرجو أيضا من تعامل مع المصرية أن بزكر لى تجربتة معهم وهل هم لهم مصداقية فى التعامل أم لا
وأكون شاكر لحضراتكم جزيل الشكر

**egypt0777** · 25-09-2010 06:09 AM

سؤالك صعب يعنى حقلك هات معاك واحد كهربائى و ميكانيكى عشان تشترى عربية زيرو

لا طبعا -- يا اما تتوكل على الله او نصيحة تانية ابعد عن اى عربية مجمعه محليا كورى او صينى عشان للاسف اللى بيجمعها و كيل او مزع مش الشركة مالكة العربية ,, و بالتالى مش حيهمه جوده العربية قد ما حيهمه المكسب

**RAAFAT10** · 26-09-2010 03:57 PM

أخوانى الأعزاء

شكرا للأخ egypto77 على ردة وأهتمامة بالموضوع الحقيقة أنا أتفرجت على سيارة 516 أمبارح زيرو فى معرض على أساس أخد فكرة نهائية على السيارة قبل ما أشتريها والحقيقة وجدت لمسات الصانع المصرى الفنان فى الصناعة لدرجة أن مش عارف يظبط المسافة ين القا يم والباب يعنى المسافة فوق واسعة وتحت ديقة وكمان الرفرف من تحت مش متخدم كويس ومعووج طرفة من أسفل وكمان مركبين عتبة صفيح تحت الأبواب خفيفة جدا ومربوطة بمسمارين واحد فى الأول وواحد فى الأخرلدرجة أنى لوشدتها بأيدى هتتخلع وكمان لقيت أن ما فيهاش أير باج وحسيت كدة أن الطابلوة كان فية وهما خلعينة من فوق من الحتة اللى بيطلع منها .فهل المديلات القديمة كان فيها أير باج ولما نزلوا ثمن العربية خلعوا الأير باج منها ؟ وبيتهيألى مش دى الخامات اللى كانت بتنزل فى الموديلات اللى قبل كدة وبعدين التوصيلات بتاعة الكهرباء اللى فى علبة البطارية المفروض أنها داخلة فى أنبوبة بلاستك فلاحظت واحدة منهم الظاهر أصرت معاهم فلفوا عليها شكرتون علشان يكملوها - حاجة تكسف - أمال فين مراقبة الجودة ولا دى حاجة لسة موصلتش مصر للأسف العيب مش فى الصينى أبدا دى عبقرية الصانع المصرى اللى ممكن يمسك الدهب يخلية تراب للأسف ما فيش فايدة لأن الضمير غاب من زمان ومش هيرجع تانى..........

**attiahf** · 26-09-2010 05:14 PM

زى ما اتقلك ابعد عن اى عربية متجمعة فى مصر...انا اشتريت التيجو وباندم اشد الندم على شرائها ودة مش علشان انها عربية صينى...ابدا المشكلة انها متجمعة فى مصر وللاسف العربية بدات المشاكل معايا بدرى اوى وكلة علشان التقفيل المصرى والتغفيل للزبون... حاول تدور على عربية متجمعة برة ولو حتى جاية من الصين لان تقفيلهم انضف من التقفيل المصرى على الاقل.