استفسار هااااام بخصوص الشكمان

**ahmadhussein** · 25-09-2010 11:15 AM

يا جماعة هو فيه حاجه اسمها شكمان مكتوم (( أو علبة مكتومة عايزة تتغير ))؟؟؟؟

لانى امبارح حسيت ان العربية سخنت منى على غير العاده بتاعتها وروحت للميكانيكى حط ايده على الشكمان وقال لى الشكمان مكتوم .
وخلانى احط ايدى برده واعرف الفرق بينه وبين شكمان تانى لعربية 128 عنده لاقيت بتاعى بيطلع هوا متوسط مش شديد قوى والتانى الهوا بتاعه اقوى من عندى .

فهل ده معنى الشكمان مكتوم ولا بيشتغلنى ولا ايه ؟؟؟

ولو هو فعلا كده هل ده يسخن العربية و يخلى سحبها يقل شويه ؟؟؟

ارجو الافاده يا جماعه ولكم جزيل الشكر ....

**bassem.naguib** · 25-09-2010 01:04 PM

طبيعي لو الشكمان مكتوم أو فيه مشكلة زي تنفيس أو ماشابه يعمل مشاكل في سخونية العربية .

**Esam Mosaad** · 25-09-2010 01:10 PM

فعلا لو الشكمان مكتوم بيقلل فى السحب وبيخلى الصوت مختلف وغير بيعمل سخونيه
للعربيه
ممكن يكون الشكمان قديم والمصفات الى فيه اتكسرت وسدت المجرى بتاعو
انت امسك الشكمان وهزوا جامد شوف فى شخلله ولا لا لو مقلتش شوف
لو الشكمان مخروم او بينفس

**bassem.naguib** · 26-09-2010 12:56 AM

المشاركة الأصلية كتبت بواسطة ahmadhussein

انا متشكر جدا يا جماعه على ردودكم ... بس انا عملت زى ما قولتوا ومسكت الشكمان وحولت اهزه ماسمعتش حاجه ومافيش تنفيس برده لان صوته عادى مافيش صوت عالى او خشونة او اى صوت غريب ؟؟؟
بس هو كان الميكانيكى بيقول لى ان ممكن تكون العلبة اللى فى وسط العربية او اللى عند الديل منفسه!!!

فانتم ايه رايكم ؟؟؟؟

ممكن متكونش المشكلة مش من المصفاة .. بس فيه سدد في مكان ما في الشكمان .. ولو عاوز تعرف الشكمان منفس ولا لآه ممكن تسد الشكمان برجلك (من خلال الحذاء والعربية باردة علشان متتلسعش لو الشكمان سخن) لو العربية دايرة وبطلت يبقى مفيش تنفيس .. ولو مبطلتش يبقى فيه تنفيس .

المشاركة الأصلية كتبت بواسطة م/مصطفى محمود

صدقني أحسن حل تروح عند واحد وإتيين بتوع شكمانات وتشوف هيقولولك أية وبكام (لو نفس الكلام يبقى فى الغالب صح)

انا لسة عامل كده والحمد لله غيرت سوستة الشكمان أشتريتها من عند واحد ب 60 وركبتها عند واحد ب 40 والحمد لله الصوت إختفى والسحب رجع كويس (أينعم فية شوية ريحة زي حرق البلاستك بس أكيد من اللحام وهتروح)

ربنا معاك بإذن الله

ريحة الحريق ده بسبب اللحام .. وهو مشوار محترم والريحة دي حتروح .

**ahmadhussein** · 27-09-2010 11:55 AM

يا جمااااااعه طلعت القربة بتزل ميه من عند الخرطوم وكانت فاضية خالص مع ان الخرطوم تمام والقفيز ماسك تمام والقربة مش باين فيها اى خرم !!!وكانت بتفضى الميه اللى فيها تماما بعد 20 -30 كم مشى بالعربية ..... الميكانيكى فكها ولحمها بماده عنده كده من عند الخرطوم لانها كانت مملحه فى الحته دى وقالى امشى بيها كده وجرب لو الميه نقصت تانى يبقى حاجه تانيه !!!!
ولاقيت السخونه قلت طبعا عن الاول بس برده حاسس ان العربية لسه بتخسن لانها بتسخن على غير العاده لما بقف فى اشاره فترة او فى طريق ماشى ببطء !!! فهروح النهارده برده لبتاع الشكمانات وهبقى اقولكم بس لو مطلعش العيب من الشكمان ممكن يبقى ايه تاانى ؟؟؟؟؟

**ahmadhussein** · 27-09-2010 11:43 PM

يا شباااااااااااااااب الشكمان طلع مافيهوش حااااااجه !!!!!!!!

وبعديييييييييييين ؟؟؟؟؟ ياترى ممكن يكون ايه ؟؟؟

**karimfahmy99** · 28-09-2010 05:33 AM

راجع على طرمبة الميية و تاكد انها بتدور الميية كويس . و الردياتير كويس و سالك

الموضوع: استفسار هااااام بخصوص الشكمان

LinkBack

أدوات الموضوع

عرض

-

-

-

المواضيع المتشابهه

استفسار عن الشكمان

استفسار بخصوص تغيير الشكمان

استفسار بخصوص الشكمان الاسبور

استفسار بخصوص علبه الشكمان civic94

سؤال هااااام جدا لوحوش الميجان بخصوص ميجان 2006 بانوراما

الكلمات الدلالية لهذا الموضوع

المفضلات

المفضلات

ضوابط المشاركة