الموضوع: ايه هي مميزات و عيوب الريجاتا ؟

الريجاتا عربية حلوة و ناعمة زى ما الشعب المصرى كله بيقول عليها
لكن العربية فى حد ذاتها شكل و امكانيات مش وحشة تكييف و زجاج كهربا سنتر لوك و كمبيوتر اعطال صالون واسع و مريح
اما بالنسبة للعربية فهى عفشة تمام تستحمل مش هتشتكى من العفشة كتير و خصوصا ان العربية عالية عن الارض
الماتور 1500cc
و هى فى منها من الريجاتا النوفا و الريجاتا العادى العادى من غير سنتر ولا تكييف ولا زجاج كهربا
قطع الغيار موجودة و متوفرة و بسعر معقول
و طبعا العربية جر امامى كبالن يعنى و ده يوحى بانها هتقرقك او هتتعبك فى الكبالن و انها تفرك منك لكن العكس و الله اللى بيحصل العربية الكبالن بتاعتها كويسة جدا
بس لكن المشاكل بتاعتها حضرتك مشاكل مش متكررة يعنى على حسب حالة العربية لكن الشائع ان بيقولوا بتاكل بنزين مع انك لو ظبط الكربراتير صح و البكات نضيفة مش هتاكل معاك و السحب هيبقى ممتاز بجانب انك تظبط كهربا العربية
السخونية و دى حلها اللى بنصح بيه اى حد و الله
حاجة بسيطة تغير الراديراتير و تجيب واحد الالومنيوم بتاعها الاصلى لان المعدن ده بعكس النحاس مش بيتفاعل فمش هيفور زى الراديراتير النحاس ولا يتسد و تجيب 3 ماسورة و الشغل ده
و تجيب ترموستات اقل من ال90 و دى من عند الكيلانى او محمد يوسف بتاع الدقى
تجيب ترموستات 68-82 و دى بقى بتهدى العربية و تشيك على وصلات المية انها سليمة مش مسدودة ولا حاجة و انسى السخونية دى تماما
و لو اى حاجة عاوز تعرفها انا تحت امرك

اخى العزيز زنجر اضف له رابط رابطة الريجاتا وفى كل شىء
كانك وضعت له طبق ملعومات من ذهب
انا بقولك وانا اعرف قدر وكمية المعلومات اللى عندك عايزين الرابطه تكون لسها شكل ولون جديد
وده الرابط بتاع الرابطه للاخ الساءل
http://www.nilemotors.net/Nile/92451-a.html
عيش حياتك واسائل اللى انتى عايزة هتجدة ان شاء الله

المشاركة الأصلية كتبت بواسطة sansan

اسنفسار من الاخ الكريم zenger هل جربت الريجاتا قبل كده ولو جربتها تكيفها كويس ولا علشان سمعت اني تكيفها مش قد كده علشان العزل ما بين الحوض والصالون مش تمام وهل بتجيب سرعات عاليه ولا لا يعني ممكن تجيب 150 كيلو او 160 كيلو ارجو الرد للأهمية

اومال اللي هو متصور فيها ديه ايه ؟ و السيارة واحد عنده ديه ايه ؟؟
ايوة معاه ريجاتا
و مين اللي قاللك العزل مش تمام ؟؟ الفيات معروف بعزله اصلا
تاني حاجة اكيد تكييف من سنة حاجة و تمانين مي هيبقي سليم لحد دلوقتي و لو سليم اكيد مش هيبقي بيسقع زي تكييف عربية تسعينات او الفينات
بس انتا ممكنة تبقي تجيب تكييف تاني جديد ياباني لو عايز لأنها اصلا مجهزة فا مش هيبقي في مشاكل (الكلام عال1600)

المشاركة الأصلية كتبت بواسطة sansan

اسنفسار من الاخ الكريم zenger هل جربت الريجاتا قبل كده ولو جربتها تكيفها كويس ولا علشان سمعت اني تكيفها مش قد كده علشان العزل ما بين الحوض والصالون مش تمام وهل بتجيب سرعات عاليه ولا لا يعني ممكن تجيب 150 كيلو او 160 كيلو ارجو الرد للأهمية

اه يا باشا معايا ريجاتا و التكييف ساعات العزل بيبقى اتبهدل اللى فى السدر بتاع العربية ممكن تغيره على نضافة و تظبط حكاية التكييف لان كلام سمسم مظبوط ممكن تظبطة و ممكن تركب واحد جديد هى مجهزة لكده
اما السرعات العالية فانا و الحمد لله مغير فتيس
مركب فتيس الريجاتا العادى على الريجاتا النوفا لان المسافات بتاعت التروس العادى اقل من النوفا فتلاقيها بتجمع معاك اسرع طبعا التجميع السريع فيه تضحية بالسرعة القصوى اللى هوة اخر العداد
و طبعا انا مش عاوز يعنى لما توصل معاك 160 و لو كنت حارق من قبلها تمام ممكن تجيب 170
ده كده حلو اوى اكنى مقفل و الحمد لله
و انا اعلى سرعة كانت 155 بالظبط و كان ممكن ازود بس الطريق كان عليه عربيات كتير شكلهم حمير تمام يعنى

المشاركة الأصلية كتبت بواسطة semsem_uno

اومال اللي هو متصور فيها ديه ايه ؟ و السيارة واحد عنده ديه ايه ؟؟
ايوة معاه ريجاتا
و مين اللي قاللك العزل مش تمام ؟؟ الفيات معروف بعزله اصلا
تاني حاجة اكيد تكييف من سنة حاجة و تمانين مي هيبقي سليم لحد دلوقتي و لو سليم اكيد مش هيبقي بيسقع زي تكييف عربية تسعينات او الفينات
بس انتا ممكنة تبقي تجيب تكييف تاني جديد ياباني لو عايز لأنها اصلا مجهزة فا مش هيبقي في مشاكل (الكلام عال1600)

ههههههههههههههههههههههههه ههه
يابنى اهدى شوية الله يخليك الناس دى جديدة فبيسال بس معلش يا سمسم بيه عندى انا دى