مشاكل النيو سيراتو

**AHMED1718** · 25-09-2010 02:22 PM

ياأعضاء نايل موتورز الكرام السيراتوية

رجاء خاص جدا محاولة تجميع المشاكل اللى ظهرت للسيراتو كعيب صناعة لتعم الافادة لينا كلنا وليا بصفة خاصة

لانى بحاول اخد قرار شراء واحدة تانيا خليجي واترعبت تقريبا ومع احترامى للشركات اللى بتقول بتأمن

انا مش واثق فيها لاسباب منها هيوفرلى منين قطع الغيار دى والعربية هتتعطل اد ايه ومصلحته ايه لما يجيبلى

طرنمبة بنزين ولا مشكلة ف سينسور ف افتيس تمنه 10000 مثلا ولا علبة دريكسيون ولا مشكلة طرنمة باور وانا دافع 1000 بس

ولو قلنا حتا ان نص الناس اللى مأمنا عند شركة زى امان ولا aaa ولا غيره عددها مهول ويكفى لتغطية العملاء اللى عندهم مشاكل

بردو نرجع ونقول هل الناس دى عندهم ق غ تكفى واحد على مليون من الناس اللى مأمنا عندهم

ولو مكنتش عنده ايه العمل ؟؟!!!

رجاء ابداء الرأى حت لو معندكش مشاكل ف عربيتك وربنا لايجيب مشاكل

شاكرين،،

**yasso0101** · 25-09-2010 02:44 PM

اخطر مشكله مشكلة الفتيس لاخونا ابو ليلى

و الحق يقال ان مفيش حد تاني ظهرت عنده مشكلة الفتيس تاني

وفيه مشكله بشوفها هيه الكلاكس - ناس اشتكت انه بيعلق

وهذا كل ما اعرفه ومن متابعتي للاعضاء

**AHMED1718** · 25-09-2010 03:59 PM

رجاء ابداء الرأى ف الشركات اللى بتأمن على عيوب الصناعة دى

**AHMED1718** · 25-09-2010 06:05 PM

ايه يارجالة طب انا قلت جايز رجالة السيراتو زهقت علشان اللى كنا بنشوفه كل يوم من استفزاز لينا

طب بلاش مشاكل

رأيكو ايه ف شركات بتاعة تأمين ضد عيوب صناعة ولو ف يوم وليلة قفلت او فلست ايه الوضع

**NoRmAl** · 25-09-2010 07:14 PM

المشاركة الأصلية كتبت بواسطة unixed

فى كذا حد أتكلم عن مشكلة المفتاح الذكى وأنة أحيانأ العربية مبدورش علشان حاجة فى الفرامل بتعلق والسينسورمبيحسش انك دايس فرامل

ممكن حد يدينى فكرة عن التأمين ضد عيوب الصناعة دة انا أول مرة أسمع عنة

كذا حد :)
دا هو واحد بس ومنعرفش عمل أيه حتى :))
المهم
تقدر تشترى ضمان ضد عيوب الصناعه من الشركات الى أنا قلت عليها وغيرها كتير
لو أى حاجه طلعت فى العربيه لا قدر الله هما بيشيلو الليله وأنت ملكش دعوه

**م. عمرو شرف** · 25-09-2010 08:07 PM

المشاركة الأصلية كتبت بواسطة normal

منقدرش نقول السيراتو ظهر فيها عيب صناعه مشهوره بيه
الى ممكن نقول عليه كدا فعلا الكلاكس بس دا عيب صغير والكلاكس بيتغير
غير كدا مفيش
تقدر تأمن مع أى شركه ضد عيوب الصناعه بمبر تو بمبر زى تكنو وان أو تريبل أيه

أنا مع نورمال لأنى حصل معايا أكتر من مشكله فى عربيتى لكن مش قلقان لأن كل مشكله بيحلوها عادى
الكلاكس وحش غيروه
رعشه فى العربيه حلوها
علبه الدركسيون غيروها ( مع أنى ما أشتكتش منها لكن هما قالوا كده وأنا بعمل صيانة 1000 كم )
لكن هى عربيه حلوه وعاجبانى وطالما مفيش مشكله مش محلوله ( بأفتراض أن كلها مشاكل ) أنا مش متضايق
والمشاكل دى لما تكون فى عربيه ولا أتنين من كل العربيات دى متبقاش مشكله وده رأئ شخصى

**unixed** · 25-09-2010 08:53 PM

المشاركة الأصلية كتبت بواسطة NoRmAl

كذا حد :)
دا هو واحد بس ومنعرفش عمل أيه حتى :))
المهم
تقدر تشترى ضمان ضد عيوب الصناعه من الشركات الى أنا قلت عليها وغيرها كتير
لو أى حاجه طلعت فى العربيه لا قدر الله هما بيشيلو الليله وأنت ملكش دعوه

ياباشا لما الراجل قال المشكلة الى عندة فى فعلا أكتر من حد قال أنها بتحصل معاة و هو كمان عرف يحل المشكلة
عمومأ دى مشاكل بسيطة وعلى فكرة أنا كمان من محبى العربية وأحتمال أجيبها ولو أنى أمبارح رحت معرض المصرية الجديد الى فى داندى مول ودخلت التيدا الهاتشباك ولقيت نفسى مش قادر أخرج منها بجد عربية جامدة جدأ ودربكتلى دماغى وخصوصأ ان سعر ال fo AT تقرينا ذى السيراتو الهاى لين

وبالنسنة لموضوع التأمين دة واللة حل كويس لمالكى الأسبيرانزا لو فعلأ العربية طلع فيها مشاكل

-

-

الموضوع: مشاكل النيو سيراتو

LinkBack

أدوات الموضوع

عرض

مشاكل النيو سيراتو - انشر الموضوع فى :

-

-

-

المواضيع المتشابهه

ايه الفرق بين النيو سيراتو الLx الاوتوماتيك والنيو سيراتو ال Ex الاوتوماتيك

3 مشاكل فى النيو سيراتو رجاء الإفادة

عندي مشاكل في النيو سيراتو ارجو المساعدة

النيو النترا ولا النيو سيراتو

مالكى النيو سيراتو وحاجزى النيو سيراتو

الكلمات الدلالية لهذا الموضوع

المفضلات

المفضلات

ضوابط المشاركة