و اعلنت الحرب على استيكرات المعارض

**ahmedateya** · 18-03-2008 05:06 AM

من فترة رحت استلم انا و واحد صاحبي عربية لانسر من معرض شهير في مدينة نصر..
و رحنا دفعنا باقي المبلغ (العربية كاش) و استلمنا الورق و كل شيء و العربية واقفة خارج المعرض
قمت واخد المفتاح و رايح اشييك على العربية لأنني موسوس من كل شيء من اللي الواحد بيسمعه كل يوم
و الاقيلك واد من العيال بتوع المعرض بيجري على العربية و بيلزق عليها استيكر المعرض قمت قافش فيه و حصل الآتي:
-انت بتعمل ايه يابني؟

-بلزقلك الاستيكر ياباشا...(و بيبصيلي كأنه بيقول انه مش بيعمل حاجة غلط)

-انا طلبت منك استيكر ولا زفت؟ و بعدين مش تستأذن؟ هية عربيتكم دلوقتي ولا عربيتنا؟

-مش العربية قسط برضه؟ (و مش فاهم ايه اللي بيدي الحق للمعرض لو العربية قسط انه يعمل كده!)

- و حتى لو قسط انا مش بدفع فايدة ؟ ولا هوة اي كلام و خلاص؟ ولا انتوا عايزين تعملوا دعاية على قفايا؟ ....و لقيت مدير المعرض و صاحبي خرجوا لما شافوني ماسك في الواد و صاحبي بيهديني

-صاحب المعرض قال: خلاص يا بيه متزعلش نفسك....مع اننا معملناش حاجة وحشة معاكم...شيل يا ابني دي مش قسط!!

-انا:وحشة ولا حلوة...تعمل لنفسك دعاية على علابية مش بتاعتك ليه؟

يا باشا مش دعاية ولا حاجة...هوة حضرتك مش عايز تنفعنا ولا ايه؟

انا: يبقى تعملنا خصم او تنزل 3تلاف جنيه مقابل الدعاية و ان احنا هنصيتك بالاستيكر بتاعك اللي على العربية...

-خلاص حقك عليا...متركبش حاجة يا ابني خلاص....البهوات خلاص مش طايقينا...

و قبل ان اكمل الانفجار...سحبني صاحبي من دراعي و رماني في العربية و طلعنا نلعب بيها شوية و كان مستغرب اني عملت كده و ان مكانش فيه داعي ابدا لكل الهيصة دي ...و انا شايف ان انا على حق

و من ساعتها و انا معلن الحرب دي في اي عربية اشوف حد يخصني بيستلمها زيرو

و رحت من اسبوع استلمت مع جوز اختي سيفيك من الفطيم و خليتهم يشيلو "الفطيم" المكتوبة على الشنطة ورا....بالرغم من علامات التعجب العديدة الا انهم كانوا اكثر احتراما و شالوها من غير ليه...

و اول ما استلمت عربيتي شلت اسم المعرض و علامة موبيل 1 اللي على الازاز...لدرجة اني كنت هشيل علامة دايو و كلمة لانوس من عليها:d:d:d:d

انا شايف ان مش من حق اي معرض يعمل لنفسه دعاية على عربيتي تحت اي سبب الا لو كان هيدفعلي مقابل مادي او هيعملي خصم خاص

انتوا رأيكوا ايه؟

**cpt_shawky** · 18-03-2008 06:18 AM

المشاركة الأصلية كتبت بواسطة ahmedateya

انتوا رأيكوا ايه؟

كلامك صح وإن كان ليس عندى مانع أن يضعوا اسم نانسى عجرم أو هيفاء وهبي كدعاية بس فانتظار أن معرض يسمي نفسوا كده :D

**Noha.M** · 18-03-2008 06:53 AM

عندك حق على فكرة

بس ان بنت اتكسف اعمل كدة مع ان الحركة مستفزة مووووووووووووووت

طيب هو ال sticker دة معرفش اشيلو وحدي ؟

**Ahmad Allawy** · 18-03-2008 08:01 AM

هو ممكن تشيليه اكيد بس هيسيب اثر.. وكمان ممكن يضر بوية العربية وخاصة لو بقاله فترة مش كبيرة قوي.. لكن لو بقاله كتير بيطلع بالبنزين بس اكيد هيأثر برضه علي البوية..

**وائل عطية** · 18-03-2008 08:04 AM

مع احترامي لحضرتك أنا شايف إنك مكبر الموضوع شوية
بالعكس أنا شايف إن الاستيكر لما بيكون بتاع موزع مُحترم زي " أبو غالي " مثلاً أنا شايف إن وجود إسمه على العربية شيئ كويس وبيقول إن العربية جاية من مكان مُحترم ومش وارد يكون فيها أي لعب، كمان في استيكرات بيكون شكلها حلو على العربية زي بتاع أبو غالي أو ناشيونال موتورز

**Noha.M** · 18-03-2008 08:05 AM

المشاركة الأصلية كتبت بواسطة Ahmad Allawy

هو ممكن تشيليه اكيد بس هيسيب اثر.. وكمان ممكن يضر بوية العربية وخاصة لو بقاله فترة مش كبيرة قوي.. لكن لو بقاله كتير بيطلع بالبنزين بس اكيد هيأثر برضه علي البوية..

طيب افرض انا فعلا مش عاوزاه يحط الsticker سواء جبتها بالقسط او حتي كاش فيها حاجة دى؟

**Noha.M** · 18-03-2008 08:07 AM

المشاركة الأصلية كتبت بواسطة وائل عطية

مع احترامي لحضرتك أنا شايف إنك مكبر الموضوع شوية
بالعكس أنا شايف إن الاستيكر لما بيكون بتاع موزع مُحترم زي " أبو غالي " مثلاً أنا شايف إن وجود إسمه على العربية شيئ كويس وبيقول إن العربية جاية من مكان مُحترم ومش وارد يكون فيها أي لعب، كمان في استيكرات بيكون شكلها حلو على العربية زي بتاع أبو غالي أو ناشيونال موتورز

عندك حق بس في عربيات بتبقى ماشية و عليها ال sticker بتاع معرض و البتاع معمول بطريقة وحشة و مفهاش زوق و دستة ارقام تيليفونات و بجد منظرها بيبقي وحش اوى ساعتها بتبقي بايخة جداااااااا

**eng_mkhalaf** · 18-03-2008 08:21 AM

المشاركة الأصلية كتبت بواسطة وائل عطية

مع احترامي لحضرتك أنا شايف إنك مكبر الموضوع شوية
بالعكس أنا شايف إن الاستيكر لما بيكون بتاع موزع مُحترم زي " أبو غالي " مثلاً أنا شايف إن وجود إسمه على العربية شيئ كويس وبيقول إن العربية جاية من مكان مُحترم ومش وارد يكون فيها أي لعب، كمان في استيكرات بيكون شكلها حلو على العربية زي بتاع أبو غالي أو ناشيونال موتورز

+1000000000000000

**ahmedsamir79** · 18-03-2008 10:26 AM

و الله أعتقد هي حسب المعامله
لو معاملتهم كويسه
ليه لأ؟؟؟؟؟؟؟؟

**SEATLOVER** · 18-03-2008 10:38 AM

يا ahmedateya معلش انا مختلف معاك لآن الاستيكر دة لو مش مفيد ليك فهو مفيد جداً للآخرين ..لان لما حد بتعجبة العربية بيتابع الاستيكرات اللى عليها و بيشوف اية اكتر معرض شغال فيها و بياخد انطباع ان الموزع دة لة سمعة كويسة فى السوق

لكن من حقك طبعاَ لو الاستيكر ضار او تصميمة غبى ان ترفض وضعة لآنة بيبقى معرض غير مهتم اصلاً بالصرف على دعايتة .