دلونى على من يقوم بالبيع بنظام المرابحه الحقيقى وليس ماتدعيه كونتاكت بأنه نظام اسلامى

**M.Mostafa80** · 25-09-2010 03:40 PM

تدعى شركه كونتاكت بأنها تبيع بنظام المرابحه الأسلامى وأذا تعمقنا فى النظام نجد انه يشوبه
شبهات وخاصتا امر التوكيل المحرر بالبيع للنفس والغير والتعامل مع المرور فا بهذه الورقه
بطل التعامل واصبح يشوبه شبهة الحرام
انا عيز عربيه قسط من حد يكون بيمتلك العربيه والتقسيط معه هو مباشرتا دون تدخل اى بنك مهما كان مسماه سواء اسلامى أوغيره لأن رأى العلماء فى هذا الموضوع انه حرام لأن اغلب ما يطلق عليه البنوك الأسلاميه انه لا يمتلك السياره بالفعل اى لا تكون فى حيازته بل فى حيازه الصاله نفسها وبالتالى بطل النظام بالكامل لأن شرط من شروطك المرابحه ان يكون التاجر البائع حائز للسلعه ويمتلكها وبربح معلوم للطرفين
أريد حلا والمساعده افادكم الله
عبد الله الجميل بيبطل عقده بسبب شرط حظر البيع
كونتاكت يبطل عقدها بسبب التوكيل الذى يأخذوه
كل ما يطلق عليه بنك اسلامى يبطل بسبب عدم الحياذه للسلعه وفرض حظر البيع
ايه الحل

**gomangy** · 26-09-2010 09:50 AM

متابع باهتمام جدا

**أبو_يوسف** · 26-09-2010 10:23 AM

ربنا يهديك للصواب ويثبتك..
عندي احساس ان الموضوع دا شبه مستحيل..
بس ممكن تلاقي تاجر بيعمل الموضوع دا بس سعر العربية بيزيد حوالي 20% في السنة..
طبعا نسبة عالية شوية .. بس تخيل ان تاجر بيعطل فلوسه سنة تفرق معاه قد ايه...!!
كنت اعرف واحد تاجر بيعمل الموضوع دا من فترة معرفش لسه شغال في النظام دا ولا ايه ..

وفيه واحد تاني مكانش تاجر كان بيشتري العربية للي عايزها (مستعملة) ويمشي بيها يومين تلاته وبعدين يبيعها للي عايزها بزيادة طبعا على سنه او سنتين.. بدل مايشيل فلوسه في البنك..
معرفش بالضبط مدى شرعية الموضوع التاني دا..

**تامر.محمد** · 26-09-2010 10:58 AM

الموضوع فعلا شبه مستحيل و انا بادور عليه بقى لي فترة

واحد من الزملا هنا كان عامل موضوع من فترة قريبة بيقول عن البنك الاهلي فرع المعاملات الاسلامية و بعض فروع بنك فيصل
ممكن تدور عليه و لعل يكون فيه افادة

**mohamedrabia** · 26-09-2010 11:10 AM

موضوع المرابحة ده كلام وبس وصعب تطبيقه والنظام الاسلامي بكونتكت طبعا هو نظام واحد بس مع تغيير المسمي للاربع انظمة المعلنة انصحك البعد التام عن الاقساط والشراء المباشر مش لازم عربية زيرو فيه عربيات كتير قديمة بحاله كويسه وسعر معقول انا طول عمري مش بحب القسط علشان الفائدة وكمان الالتزام الشهري بسداد الاقساط طيب لو تعسرت هعمل ايه وحصل مع ناس كتير اعرفها كانوا بيشتروا سيارات قسط علشان مرتباتهم كويسه وفجاه يحصل اي مشكله بالشغل ويمشي طيب هيجيب القسط ولا ياكل هو وعياله عارفين عمل ايه مشغل العربية تاكسي مخصوص وبيقول يا رب اجيب القسط بتاعها بس ربنا معاه ومعاكم

**M.Mostafa80** · 26-09-2010 08:45 PM

أشكر كل اخوانى
على الردود الموضوع فعلا شبه مستحيل
لكن دايما بقول من يتقى الله يجعل له مخرجا

**ehab_mansour** · 27-09-2010 08:54 AM

السلام عليكم أخي محمد مصطفي

ربنا يوفقك وييسر لك الخير حيث كان وفعلا من يتقي الله يجعل له مخرجا وياريت لا تتسرع وبراحتك اتعب في الدنيا شويه واتقي عذاب الأخرة
علي فكرة انا شفت الموضوعين دول قبل كده ولكن تطول صفحاتهم وفيهم كلام كويس جدا خاص بتقسيط السيارة اسلامي وصحيح وشرعي 100 % اقراهم للأخر وربنا معاك
http://www.nilemotors.net/Nile/24323-a-11.html
http://www.nilemotors.net/Nile/5618-a.html
وربنا يوفقك ان شاء الله

**ainshouka** · 28-09-2010 01:10 AM

فيه حل خزعبلي غير منطقي هو إنه يبقي فيه وديعة في البنك بتغطي ثمن العربية فالبنك بيشتريها ويبعهالك بالقسط مع وجود ربح له طبعا

-

-

الموضوع: دلونى على من يقوم بالبيع بنظام المرابحه الحقيقى وليس ماتدعيه كونتاكت بأنه نظام اسلامى

LinkBack

أدوات الموضوع

عرض

دلونى على من يقوم بالبيع بنظام المرابحه الحقيقى وليس ماتدعيه كونتاكت بأنه نظام اسلامى - انشر الموضوع فى :

-

-

-

-

-

-

المواضيع المتشابهه

دلونى ياناس دلونى ,كاسيت الاوبترا

توكيل عربية بالبيع من غير ختم !!!!!!

الشراء بواسطة المرابحه الاسلاميه

تقسيط اسلامى من كونتاكت كارز

الكلمات الدلالية لهذا الموضوع

المفضلات

المفضلات

ضوابط المشاركة