طلعان عيني مع فرامل وطنابير الماتريكس

**paradox** · 25-09-2010 04:43 PM

رجالة نايل موتورز
عندي مشكل في العربية ماتريكس ٢٠٠٥ وهي باختصار ان فيه رجرجة جامدة مع الفرامل في دواسة الفرامل وفي الدركسيون وطبعا باحسها في العربية كلها لما بدوس الفرامل (باي درجة) على السرعات ابتداء من ٥٠ فما فوق. أنا غيرت طنابير وتيل أصلي من لما العربية كانت عاملة ٤٥ ألف كم ورجعت المشكله تاني فغيرت تيل بس (حسب توصية التوكيل) والعربية عاملة حوالي ٥٥ ألف وبرضه رجعت تاني ودلوقتي العربية عاملة حوالي ٧٠ ألف كم

دلوقتي أنا بفكر كالتالي وعايز برضه رأي حضراتكم

١- كشف على مساتر الفرامل خلفي و أمامي
٢- فك الكبالن والكشف عليها على مخرطة (علشان لو فيها رفه)
٣- الكشف على البلية أمامي (ولو اني حاسسها تمام)
٣- تغيير طنابير وتيل ماركة رمسا (لأن بصراحة حاسسها أحسن من الاصلي - خصوصا التيل) بس مش عارف لو في منها للماتركس ولا لأه....انا مجربها في الميجان وأداؤهم ممتاز

عايز من حضراتكم أي نصايح ممكن تكون ليها علاقة....ولو حد يعرف فيه رمسا للماتركس ولا لأ لأني من يوم ما جبت العربية ماعملتش فيها حاجه غير في التوكيل

**SAMEH_FOUAD** · 25-09-2010 08:19 PM

اولا هات بس الطنابير الاصلى لان واضح ان الموضوع عندك بيجيى كتير

فانت ممكن تكون بتغسل كاوتش العربية وهية سخنة لان دية اكتر حاجة تبوظ الطنابير

وبالنسبة للتيل فالشركة عموما "رمسا" بتنزل لكلة لانها بردة موجودة لينا فى الهوندا SiR فاكيد هتلاقى ليك . وبيعملوا 130 جنية والمنشأ اسبانى

الماستر مالوش دعوة بالكلام دة كلة ومالوش دعوة انة يبوظ الطنابير او لأ
البلية ماترجش مع الفرامل بس وانت ماشى كمان

الكوبلن المفروض ان ضرتك تجربة انك تعدى 100 لو لقيت فى رعشة فى الدركسيون يبقى اكشف عليهم وخصوصا الكبالن الداخلية