مساعده من رجالة القاهرة لرجاله الاسكندرية (اسكندرية /الزمالك (فندق كونراد ))

**sherb0** · 25-09-2010 06:05 PM

صباح الفل على اجدع رجالة

اخوكم نازل بكرة بإذن الله من اسكندرية ورايح فندق كونراد اللي على كورنيش النيل في الزمالك

يا ريت لو تكرمتم تقولولي الطريق من بعد البوابات أو من بعد المحور لو حركب المحور

أصل أنا نزلت كذا مرة بس القاهرة بقى :b4_592:

**kimo-nubira** · 25-09-2010 06:13 PM

بص يا باشا انت تخلص المحور للاخر وتنزل ميدان لبنان مع النزله ادخل يمين هتلاقي نفسك في شارع لبنان اخر الشارع ده

اكسر يمين مع شارع شهاب وكمل لاخر الشارع هاتوصل جامعه الدول العربيه اول لما تدخل جامعه الدول تلف وترجع تاني وتاخد

اول يمين يقابلك ( البطل احمد عبد العزيز ) هاتمشي فيه شويه هتلاقي مطلع كوبري سته اكتوبر علي يمينك اطلعه هاتسيب

اول مخرج في اكتوبر وتنزل تاني او تالت مخرج مش فاكر بس هو مكتوب عليه الزمالك وده بينزلك علي كورنيش الزمالك وتوصل بالسلامه يا باشا وتنور القاهره

**esam_comm** · 25-09-2010 06:38 PM

المشاركة الأصلية كتبت بواسطة kimo-nubira

بص يا باشا انت تخلص المحور للاخر وتنزل ميدان لبنان مع النزله ادخل يمين هتلاقي نفسك في شارع لبنان اخر الشارع ده

اكسر يمين مع شارع شهاب وكمل لاخر الشارع هاتوصل جامعه الدول العربيه اول لما تدخل جامعه الدول تلف وترجع تاني وتاخد

اول يمين يقابلك ( البطل احمد عبد العزيز ) هاتمشي فيه شويه هتلاقي مطلع كوبري سته اكتوبر علي يمينك اطلعه هاتسيب

اول مخرج في اكتوبر وتنزل تاني او تالت مخرج مش فاكر بس هو مكتوب عليه الزمالك وده بينزلك علي كورنيش الزمالك وتوصل بالسلامه يا باشا وتنور القاهره

ايه ياعم دانا اللي من القاهره توهت
بص حضرتك تاخد المحور وتفضل ماشي علي طول لايمين ولا شمال هاتعدي من فوق ميدان لبنان المهم تفضل مكمل علي طول لاتنزل ولاتروح يمين ولا تروح شمال اول نازله بعد ماتشوف النيل انزل يمين حضرتك تبقي في الزمالك

**sherb0** · 25-09-2010 06:47 PM

المشاركة الأصلية كتبت بواسطة esam_comm

ايه ياعم دانا اللي من القاهره توهت
بص حضرتك تاخد المحور وتفضل ماشي علي طول لايمين ولا شمال هاتعدي من فوق ميدان لبنان المهم تفضل مكمل علي طول لاتنزل ولاتروح يمين ولا تروح شمال اول نازله بعد ماتشوف النيل انزل يمين حضرتك تبقي في الزمالك

هو ده الكلام عشان أنا قبل كده عاديت من الحتة دي بس مش أنا بعد مابخالص المحور ببقى على كوبري 15 مايو صح كده ولا غلط

**Ayman-Ahmed** · 25-09-2010 06:49 PM

المشاركة الأصلية كتبت بواسطة sherb0

صباح الفل على اجدع رجالة

اخوكم نازل بكرة بإذن الله من اسكندرية ورايح فندق كونراد اللي على كورنيش النيل في الزمالك

المشاركة الأصلية كتبت بواسطة sherb0

يا ريت لو تكرمتم تقولولي الطريق من بعد البوابات أو من بعد المحور لو حركب المحور

أصل أنا نزلت كذا مرة بس القاهرة بقى :b4_592:

توصل بالف سلامة.وعلى فكرة الكونراد مش على كورنيش الزمالك خالص.هو على كورنيش النيل بعد ماسبيرو ووزارة الخارجية والبنك الاهلى.

زى ما الاخ الكريم وصفلك بس انزل نزلة 15 مايو من المحور وكمل علطول واطلع الكوبرى اللى هيقابلك وكمل علطول وخليك ماسك شمالك على الكوبرى ده لانه زحمة يمين وكمل علطول بعد الكوبرى انت كدة فى الزمالك كمل علطول برده واطلع الكوبرى وامسك شمالك انت كدة فى الاسعاف كمل علطول واجبارى يمين وعلطول لحد ما تلاقى رمسيس هيلتون على يمينك خش الشارع اللى قبله وكمل علطول لحد الاذاعة والتليفزيون وعلطول لحد ما تلاقى الكونراد على يمينك وحاول تركن قبله بشوية ده لو مش هتركن فى الباركنج بتاعه.

الوصفة طويلة شوية بس ده احسن حاجة بعيد شوية عن الزحمة.

فى وصفة تانية

زى ما الاخ الكريم وصفلك بس انزل نزلة 15 مايو من المحور وكمل علطول واطلع الكوبرى اللى هيقابلك وكمل علطول وخليك ماسك شمالك على الكوبرى ده لانه زحمة يمين وكمل علطول بعد الكوبرى انت كدة فى الزمالك كمل علطول برده واطلع الكوبرى وانزل النزلة اليمين كده وزارة الخارجية على شمالك,خد اول يو تيرن وارجع الوزارة على يمينك وكمل علطول لحد الكونراد

**sherb0** · 25-09-2010 06:49 PM

المشاركة الأصلية كتبت بواسطة kimo-nubira

بص يا باشا انت تخلص المحور للاخر وتنزل ميدان لبنان مع النزله ادخل يمين هتلاقي نفسك في شارع لبنان اخر الشارع ده

اكسر يمين مع شارع شهاب وكمل لاخر الشارع هاتوصل جامعه الدول العربيه اول لما تدخل جامعه الدول تلف وترجع تاني وتاخد

اول يمين يقابلك ( البطل احمد عبد العزيز ) هاتمشي فيه شويه هتلاقي مطلع كوبري سته اكتوبر علي يمينك اطلعه هاتسيب

اول مخرج في اكتوبر وتنزل تاني او تالت مخرج مش فاكر بس هو مكتوب عليه الزمالك وده بينزلك علي كورنيش الزمالك وتوصل بالسلامه يا باشا وتنور القاهره

ألف ألف شكر على اهتمامك بس أنا كده تهت والله معلش بس ربنا يخليك يا باشا

**kimo-nubira** · 25-09-2010 07:22 PM

المشاركة الأصلية كتبت بواسطة esam_comm

ايه ياعم دانا اللي من القاهره توهت
بص حضرتك تاخد المحور وتفضل ماشي علي طول لايمين ولا شمال هاتعدي من فوق ميدان لبنان المهم تفضل مكمل علي طول لاتنزل ولاتروح يمين ولا تروح شمال اول نازله بعد ماتشوف النيل انزل يمين حضرتك تبقي في الزمالك

المشاركة الأصلية كتبت بواسطة sherb0

ألف ألف شكر على اهتمامك بس أنا كده تهت والله معلش بس ربنا يخليك يا باشا

معلش يا رجاله انا قولت اساعد باللي اعرفه اصلي بتهوه علي 15 مايو ده

**هيثم المنياوى** · 26-09-2010 12:35 AM

السلام عليكم:
أولاً مساء الفل على أجدع ناس اللى هما رجالة إسكندريه اللى لما بنكون هناك بيبقى الواحد منهم على شويه وعايز يوصلك المكان اللى انت عايزة
ثانياً:كل الوصفات اللى كتبوها إخوانا صح(طريق أبوزيد كله مسالك)
ثالثاً: بما إن حضرتك بتوه على المحاوروالكبارى وجامعة الدول يبقى خليك معايا لو إنت جاى زراعى هتخليك ماشى زى ماانت على طول وتاخد دخلة الكورنيش اللى عند المؤسسه واللافته هناك واضحه جدا فماتقاقش
أما لوحضرتك جاى صحراوى يبقى هتاخد الدائرى(طويله شويه بس من غير توهان) وتاخد نزلة المؤسسه
اللى هى الإتجاه التانى لطريق مصر إسكندريه الزراعى ومنها لكورنيش النيل
وطبعاً طالما وصلت الكورنيش هدوس كلى اللى هتعوزة هتلاقيه قدامك
وهتنور القاهرة يابرنس وربنا يستر طريقك وترجع بالسلامه إن شاء الله
فى رعاية الله وأمنه

**أبو إياد** · 26-09-2010 08:59 AM

اسهل حاجه فى الدنيا وانت جاى من المحور تكمل علاطول لغايه لما تلاقى نزله كورنيش النيل ماسبيرو يمين موازى للنيل واول يوتيرن شمال من تحت كوبرى اكتوبر ترجع تانى
هتلاقى مبنى الاذاعه والتليفزيون على يمينك وهاتعدى من تحت كوبرى 15 مايو وبعدها البنك الاهلى على يمينك وبعدها الورلد تريد سنتر وبعدها فندق الكونراد

امشى مع السهم الاحمر